Bakı Şəhəri Binəqədi Rayon Məhkəməsi Qərar — İş №3(001)-2907/2023

Azərbaycan Respublikası adından QƏRAR Bakı şəhəri İş № 3(001)-2907/2023 16.08.2023 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Sadıqova Aynurə Vahid qızının sədrliyi, məhkəmənin məsləhətçisi (məhkəmə iclas katibi) Hüseynov Xəyal Nemət oğlunun katibliyi, Şəxs etibarnamə üzrə nümayəndəsi X1 iştirakları ilə, Azərbaycan Respublikasının Mərkəzi Bankı tərəfindən Şəxs barəsində Azərbaycan Respublikasının İnzibati Xətalar Məcəlləsinin (bundan sonra - İXM) 430.4-cü maddəsi ilə tərtib olunmuş inzibati xəta haqqında protokol əsasında toplanmış materiala məhkəmənin inzibati binasında, açıq məhkəmə iclasında baxaraq, məhkəmə müəyyən etdi: Məhkəmənin icraatına Azərbaycan Respublikasının Mərkəzi Bankı tərəfindən Şəxs barəsində İXM-in 430.4-cü maddəsi ilə tərtib edilmiş xx.xx.2023-cü il tarixli, EP ******* nömrəli inzibati xəta haqqında protokol əsasında toplanmış material daxil olmuşdur. Həmin protokola əsasən Şəxs ********.00 Rusiya rublu məbləğində vəsaiti bank hesabından xx.xx.2021-ci il tarixdə xaricə köçürmüş və 2 il keçsə də, ********.00 Rusiya rublu məbləğində vəsait hesabına alınan malları (xidməti) ölkəyə idxal etməmişdir. Xəta xx.xx.2023-cü il tarixdə hüquqi şəxsin qeyd olunan ünvanında törədilmişdir. Məhkəmə iclasında Şəxs etibarnamə üzrə nümayəndəsi X2 izahat verərək bildirmişdir ki, barələrində tərtib edilmiş inzibati xəta haqqında protokolla razı deyildir. Belə ki, 06 mart 2020-ci il tarixli müqaviləyə əlavcə olaraq 01 dekabr 2021-ci il tarixli, 3/TP/2021 nömrəliüçtərəfli müqavilə imzalanmış və həmin müqaviləyə əsasən 01 iyul 20231-ci il tarixli kğöçürmə ərizəsinə əsasən köçürülən pul məbləği 01 dekabr 2021-ci il tarixli müqaviləyə əsasən öhdəlikləri üzərinə götürmüş “Drujba-NT” şirkəti tərəfindən nümayəndəsi olduğu şirkətin Bank VTB-də olan hesabına köçürülmüşdür. Göstərilənləri təsdiq edən sənədləri məhkəməyə təqdim edərək Şəxs barəsində başlanılmış inzibati xəta haqqında iş üzrə icraata xitam verilməsini xahiş etmişdir. İnzibati xəta haqqında protokolu tərtib etmiş Mərkəzi Bankın nümayəndəsinə məhkəmə iclasının vaxtı və yeri barədə bildiriş göndərilməsinə, həmçinin, “Azemis” elektron məhkəmə informasiya sistemi vasitəsi ilə məhkəmə iclasının vaxtı və yeri barədə istifadəsində olan mobil nömrəyə “sms bildiriş” göndərilməsinə, həmin “sms bildiriş”in tərəfə çatmasına baxmayaraq, məhkəmə iclasına gəlməmiş, gəlməməsinin üzrlü səbəbləri barədə məhkəməyə məlumat verməmiş və məhkəmə iclasının təxirə salınması barədə vəsatətlə müraciət etməmişdir. Məhkəmə iclasının inzibati xəta haqqında protokolu tərtib etmiş Mərkəzi Bankın nümayəndəsinin iştirakı olmadan baxılmasını mümkün hesab etmişdir. İş materiallarında olan və məhkəmə iclasında tədqiq edilmiş: xx.xx.2021-ci il tarixli “Köçürmə haqqında ərizə”dən görünür ki, Şəxs tərəfindən «Bank VTB (Azərbaycan)» ASC-də olan hesabdan ********.00 Rusiya rublu məbləğində pul vəsaiti «OOO TRANSPOTOK-NT» şirkətinin hesabına köçürülmüşdür. «Bank VTB (Azərbaycan)» ASC tərəfindən Azərbaycan Respublikasının Mərkəzi Bankına göndərilmiş xx.xx.2023-cü il tarixli məktubdan görünür ki, köçürmələr üzrə idxalı təsdiq edən müvafiq sənədləri təqdim etməyən müştərilərdən biri də Şəxsdir. 01 dekabr 2021-ci il tarixli müqavilədən görünür ki, 06 mart 2020-ci il tarixli müqavilənin davamı olaraq Şəxs, «OOO TRANSPOTOK-NT» şirkəti və Drujba-NT” şirkəti arasında üçtərəfli müqavilə imzalanmış, həmin müqaviləyə əsasən Drujba-NT” şirkəti 59309573,00 rubl dəyərində malı göndərməyi, mal göndərilməzsə həmin pulu geri göndərməyi öhdəsinə götürmüşdür. 13 aprel 2023-cü il tarixli 246, 14 aprel 2023-cü il tarixli 247, 14 aprel 2023-cü il tarixli 248, 17 aprel 2023-cü il tarixli 252,18 aprel 2023-cü il tarixli 259, 18 aprel 2023-cü il tarixli 260,13 iyun 2023-cü il tarixli 314, 13 iyun 2023-cü il tarixli 316, 14 iyun 2023-cü il tarixli 318 saylı çıxarışlardan görünür ki, 01 dekabr 2021-ci il tarixli, 3/TP/2021 saylı- 2/TP/2020 saylı 06 mart 2020-ci il tarixli müqaviləyə əsasən pul vəsaiti “Drujba-NT” şirkəti tərəfindən Şəxs Bank VTB-də olan hesabına köçürülmüşdür. Məhkəmə, nümayəndənin izahatını dinləyib, iş materiallarını və məhkəmə iclasında toplanmış sübutları hərtərəfli və əhatəli şəkildə tədqiq edərək belə nəticəyə gəlir ki, Şəxs əməlində İXM-in 430.4-cü maddəsində nəzərdə tutulmuş inzibati xəta tərkibi olmadığından başlanılmış inzibati xəta haqqında icraata xitam verilməlidir. Belə ki, məhkəmədə tədqiq edilmiş sübutlarla müəyyən edilmişdir ki, 01 dekabr 2021-ci il tarixli müqavilədən görünür ki, 06 mart 2020-ci il tarixli müqavilənin davamı olaraq Şəxs, «OOO TRANSPOTOK-NT» şirkəti və Drujba-NT” şirkəti arasında üçtərəfli müqavilə imzalanmış, həmin müqaviləyə əsasən Drujba-NT” şirkəti 59309573,00 rubl dəyərində malı göndərməyi, mal göndərilməzsə həmin pulu geri göndərməyi öhdəsinə götürmüşdür . 13 aprel 2023-cü il tarixli 246, 14 aprel 2023-cü il tarixli 247, 14 aprel 2023cü il tarixli 248, 17 aprel 2023-cü il tarixli 252,18 aprel 2023-cü il tarixli 259, 18 aprel 2023cü il tarixli 260,13 iyun 2023-cü il tarixli 314, 13 iyun 2023-cü il tarixli 316, 14 iyun 2023-cü il tarixli 318 saylı çıxarışlardan görünür ki, 01 dekabr 2021-ci il tarixli, 3/TP/2021 saylı- 2/TP/2020 saylı 06 mart 2020-ci il tarixli müqaviləyə əsasən pul vəsaiti “Drujba-NT” şirkəti tərəfindən OOO “Банк Точка” bankı vasitəsi ilə Şəxs Bank VTB-də olan hesabına köçürülmüşdür. Göründüyü kimi, Şəxs tərəfindən xx.xx.2021-ci il tarixdə «Bank VTB (Azərbaycan)» ASC hesabına ölkə xaricinə köçürdüyü ********.00 Rusiya rublu məbləğində köçürmə geri qaytarılmışdır. Bu isə onu göstərir ki, Şəxs barəsində tərtib edilmiş xx.xx.2023-cü il tarixli, EP ******* nömrəli inzibati xəta haqqında protokol üzrə əməlində inzibati xəta tərkibi yoxdur. Ona görə də, məhkəmə Şəxs əməlində İXM-in 430.4-cü maddəsində nəzərdə tutulmuş inzibati xəta tərkibinin olmaması səbəbi ilə onun barəsində başlanmış inzibati xəta haqqında icraata xitam verilməsi qənaətinə gəlmişdir. Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 38.1 və 430.4-cü maddələrinin əlaqəli şəkildə şərh edilməsinə dair” 19 dekabr 2019-cu il tarixli qərarında göstərilmişdir ki, məhkəmələr Azərbaycan Respublikası İnzibati Xətalar Məcəlləsinin 430.4-cü maddəsində nəzərdə tutulmuş məsuliyyət tədbirlərini tətbiq edərkən inzibati xətanı törədən şəxsin təqsirini Azərbaycan Respublikası İnzibati Xətalar Məcəlləsinin tələblərinə uyğun müəyyən etməlidirlər. İXM-in 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. İXM-in 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. İXM-in 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İXM-in 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İXM-in 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. İXM-in 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda məhkəmə inzibati xəta haqqında iş üzrə icraata xitam verilməsi haqqında qərar çıxarır. Beləliklə, məhkəmə hesab edir ki, Azərbaycan Respublikasının Mərkəzi Bankı tərəfindən tərtib olunmuş xx.xx.2023-cü il tarixli, EP ******* nömrəli inzibati xəta haqqında protokola dair Şəxs əməlində İXM-in 430.4-cü maddəsinin tərkib əlamətləri olmadığından inzibati xəta haqqında iş üzrə icraata xitam verilməlidir. Qeyd olunanlara əsasən və İXM-in 40, 43, 48-50, 53, 105, 114-115 və 128-130-cu maddələrini rəhbər tutaraq, məhkəmə qərara aldı: Azərbaycan Respublikasının Mərkəzi Bankı tərəfindən tərtib olunmuş xx.xx.2023-cü il tarixli, EP ******* nömrəli inzibati xəta haqqında protokola dair Şəxs əməlində Azərbaycan Respublikasının İnzibati Xətalar Məcəlləsinin 430.4-cü maddəsinin tərkib əlamətləri olmadığından inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikasının İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə apellyasiya şikayəti verilə bilər. Hakim: Aynurə Sadıqova