Bakı Şəhəri Binəqədi Rayon Məhkəməsi Qərar — İş №3(001)-3087/2022

Azərbaycan Respublikası adından QƏRAR Bakı şəhəri İş № 3(001)-3087/2022 03.10.2022 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Kərimova Mahirə Nəzər qızının sədrliyi, Məhkəmə iclas katibi Rəhimov Elçin Əhəd oğlunun katibliyi, Bakı şəhəri Binəqədi rayon İcra şöbəsinin icra məmuru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1984-cü il tarixdə Yevlax şəhərində doğulmuş, Azərbaycan Respublikasının vətəndaşı, ailəli, orta təhsilli, fərdi əməklə məşğul olan, ünvan 1 ünvanında qeydiyyatda olan və Bakı şəhəri, Binəqədi rayonu, Binəqədi şossesi, 1-ci mədən, 7-ci döngə ünvanında yaşayan, xxxxxxx FİN-ə malik olan, Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə müəyyən olunmuş inzibati xətanı törətməsinə dair Bakı şəhəri Binəqədi rayon İcra Şöbəsindən daxil olmuş inzibati xəta haqqında materiala Binəqədi rayon Məhkəməsinin inzibati binasında baxaraq, MÜƏYYƏN ETDİM: Bakı şəhəri Binəqədi rayon İcra Şöbəsinin icra məmuru X3 Bakı şəhəri Binəqədi rayon Məhkəməsinə müraciət edərək, Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsini xahiş etmişdir. Məhkəmə iclasında iştirak edən Bakı şəhəri Binəqədi rayon İcra şöbəsinin icra məmuru X3 məhkəmə prosesində verdiyi izahatında bildirmişdir ki, Yevlax rayon Məhkəməsinin 2(039)-2245/2019 saylı, 29 oktyabr 2019-cu il tarixli icra vərəqəsinə əsasən Şəxs ilə X10 arasında Yevlax rayon Qeydiyyat şöbəsində qeydə alınmış 14 sentyabr 2010-cu il tarixli, 359 saylı nikah qeydi pozulmuş, nikah pozularkən tərəflərin birgə nikahlarından olmuş 20 aprel 2014-cü il təvəllüdlü X5 və 08 aprel 2011-ci il təvəllüdlü X11 adlı uşaqlar cavadeh X6 himayəsində saxlanılmış, Şəxs 10 oktyabr 2019-cu il tarixdən başlayaraq, 20 aprel 2014-cü il təvəllüdlü X2 və 08 aprel 2011-ci il təvəllüdlü X4 18 yaşlarına çatana qədər saxlanılmaları üçün hər ay hər uşağa görə 150 manat məbləğində aliment cavabdeh X6 xeyrinə tutulması qət olunmuşdur. Hal-hazırda onun 690 manat aliment borcu yaranmışdır. Şəxs icra sənədlərinin icrasından yayınaraq aliment borcunu tam ödəməmişdir. Ona görə də, Şəxs barəsində İXM-in 528.1-ci maddəsi ilə inzibati xəta haqqında protokol tərtib edilmiş, məhkəmədən Şəxs inzibati qaydada tənbeh olunmasını xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs bildirmişdir ki, Yevlax rayon Məhkəməsinin 2(039)-2245/2019 saylı, 29 oktyabr 2019-cu il tarixli icra vərəqəsinə əsasən onunla X10 arasında Yevlax rayon Qeydiyyat şöbəsində qeydə alınmış 14 sentyabr 2010-cu il tarixli, 359 saylı nikah qeydi pozulmuş, nikah pozularkən onların birgə nikahlarından olmuş 20 aprel 2014-cü il təvəllüdlü X5 və 08 aprel 2011-ci il təvəllüdlü X11 adlı uşaqlar cavadeh X6 himayəsində saxlanılmış, ondan 10 oktyabr 2019-cu il tarixdən başlayaraq, 20 aprel 2014-cü il təvəllüdlü X2 və 08 aprel 2011-ci il təvəllüdlü X4 18 yaşlarına çatana qədər saxlanılmaları üçün hər ay hər uşağa görə 150 manat məbləğində aliment cavabdeh X6 xeyrinə tutulması qət olunmuşdur. xx.xx.2022-ci il tarixdə 150 manat, xx.xx.2022-ci il tarixdə 200 manat, xx.xx.2022-ci il tarixdə 300 manat, xx.xx.2022-ci il tarixdə 210 manat və xx.xx.2022-ci il tarixdə 100 manat ödənişlər etmişdir. O, qalan borcundan yayınmır, hər ay aliment pulunu və aliment borcundan da hissə-hissə ödəyir. Qısa müddətdə qalan borcunu da ödəyəcəkdir. Onun aliment borcu pandemiya zamanı işləməsi səbəbindən yaranmış, işləri düzələn kimi ödəmələrini həyata keçirmişdir. Deyilənlərin nəzərə alınaraq iş üzrə icraata xitam verilməsi barədə qərar qəbul edilməsini məhkəmədən xahiş etmişdir. Məhkəmə iş materiallarını araşdıraraq proses iştirakçılarını dinləyib, iş materiallarını nəzərdən keçirərək bu qənaətə gəlir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə məsuliyyətə cəlb edilməsinə əsas yoxdur. İş materiallarına əlavə olunmuş və məhkəmə iclasında tədqiq olunmuş: xx.xx.2022-ci il tarixli, MN № ******* saylı inzibati xəta haqqında protokoldan görünür ki, borclu Şəxs aliment borcunu X7 ödəməmişdir. Yevlax rayon Məhkəməsinin 2(039)-2245/2019 saylı, 29 oktyabr 2019-cu il tarixli icra vərəqəsinə əsasən onunla X10 arasında Yevlax rayon Qeydiyyat şöbəsində qeydə alınmış 14 sentyabr 2010-cu il tarixli, 359 saylı nikah qeydi pozulmuş, nikah pozularkən onların birgə nikahlarından olmuş 20 aprel 2014-cü il təvəllüdlü X5 və 08 aprel 2011-ci il təvəllüdlü X11 adlı uşaqlar cavadeh X6 himayəsində saxlanılmış, ondan 10 oktyabr 2019cu il tarixdən başlayaraq, 20 aprel 2014-cü il təvəllüdlü X2 və 08 aprel 2011-ci il təvəllüdlü X4 18 yaşlarına çatana qədər saxlanılmaları üçün hər ay hər uşağa görə 150 manat məbləğində aliment cavabdeh X6 xeyrinə tutulması qət olunmuşdur. xx.xx.2019-cu il tarixli qərarın surətindən görünür ki, borclu Şəxs barəsində iş üzrə icraata başlanmışdır. xx.xx.2019-cu il tarixli “Tələbin könüllü icrası haqqında” bildirişdən görünür ki, Şəxs borcunu 10 gün müddətində könüllü ödəməsi barədə rəsmi bildiriş göndərilmişdir. 08 dekabr 2020-ci il tarixli icra sənədinin ərazi aidiyyəti üzrə göndərilməsi haqqında qərardan görünür ki, Yevlax rayon Məhkəməsinin 2(039)-2245/2019 saylı, 29 oktyabr 2019-cu il tarixli icra sənədi ərazi aidiyyəti üzrə Bakı şəhəri Binəqədi rayon icra və probasiya şöbəsinə göndərilmişdir. Ödəniş qəbzlərindən görünür ki, Şəxs X6 xeyrinə xx.xx.2022-ci il tarixdə 150 manat, xx.xx.2022-ci il tarixdə 200 manat, xx.xx.2022-ci il tarixdə 300 manat, xx.xx.2022-ci il tarixdə 210 manat və xx.xx.2022-ci il tarixdə 100 manat ödənişlər etmişdir. Azərbaycan Respublikası Konstitusiya Məhkəməsi Plenumunun Azərbaycan Respublikası İnzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair 04 sentyabr 2018-ci il tarixli Qərarından görünür ki, İnzibati Xətalar Məcəlləsinin 528-ci maddəsində məhkəmə və digər orqanların qərarlarının icrası ilə əlaqədar icra məmurunun tələblərinin yerinə yetirilməməsinə görə inzibati məsuliyyət müəyyən edilmişdir. Həmin Məcəllənin 528.1-ci maddəsində məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə müvafiq inzibati tənbeh (cərimə və ya inzibati həbs) tədbirlərinin tətbiq edilməsi nəzərdə tutulmuşdur. Göründüyü kimi, bu maddənin tərkibi məhkəmə və digər orqanların qərarlarının icrası ilə əlaqədar icra məmurunun tələblərinin yerinə yetirilmədiyi və ya onun tərəfindən müəyyən olunmuş müddətdə borclunu müəyyən hərəkətlər etməyə və ya müəyyən hərəkətləri etməkdən çəkinməyə məcbur edən icra sənədinin məhz üzrsüz səbəbdən icra edilmədiyi hallarda yaranır.” Məhkəmə Şəxs ödənişlər etməsini, borcunu ödəməkdən qəsdən yayınmamasını nəzərə alaraq hesab edir ki, hazırkı məqamda Şəxs əməli icra sənədinin üzürsüz səbəbdən icra edilməməsi kimi qiymətləndirilə bilməz. Beləliklə, məhkəmə Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsi inzibati məsuliyyətə səbəb olan əməl olduğunu xüsusilə qeyd edərək hesab edir ki, barəsində inzibati xəta haqqında icraat aparılan şəxs (borclu) Şəxs əməlində inzibati xəta tərkibi olmadığından iş üzrə icraata xitam verilməlidir. Azərbaycan Respublikasının İnzibati Xətalar Məcəlləsinin: 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 53.1 və 53.1.2-ci maddələrinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda məhkəmə inzibati xəta haqqında iş üzrə icraata xitam verilməsi haqqında qərar çıxarır. Göstərilənlərə əsasən və Azərbaycan Respublikasının İnzibati Xətalar Məcəlləsinin 53, 105, 114-cü maddələrini rəhbər tutaraq, QƏRARA ALDİM: Şəxs əməlində Azərbaycan Respublikasının İnzibati Xətalar Məcəlləsinin 528.1-ci maddəsi ilə müəyyən olunmuş inzibati xəta tərkibi olmadığı üçün Bakı şəhəri Binəqədi rayon İcra şöbəsindən daxil olmuş xx.xx.2022-ci il tarixli, MN № ******* saylı inzibati xəta haqqında protokol üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətində Bakı Apellyasiya Məhkəməsinə şikayət və ya protest verilə bilər. Sədrlik edən: Mahirə Kərimova