Bakı Şəhəri Binəqədi Rayon Məhkəməsi Qərardad — İş №3(001)-3115/2022

Azərbaycan Respublikası adından QƏRARDAD Bakı şəhəri İş № 3(001)-3115/2022 06.10.2022 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Qurbanova Aygün Arzu qızının sədrliyi ilə, X2 inzibati məsuliyyətə cəlb edilməsinə dair Binəqədi Rayon Polis İdarəsinin 6-cı Polis Bölməsinin xx.xx.2020-ci il tarixli MN ******* nömrəli inzibati xəta haqqında qərarından şikayətinə məhkəmənin inzibati binasında baxaraq, məhkəmə müəyyən etdi: X4 Bakı şəhəri Yasamal Rayon Məhkəməsinə müraciət edərək, Binəqədi Rayon Polis İdarəsinin 6-cı Polis Bölməsinin xx.xx.2020-ci il tarixli MN0812942 nömrəli inzibati xəta haqqında qərarın ləğv edilməsini xahiş etmişdir. Abşeron Rayon Məhkəməsinin xx.xx.2022-ci il tarixli 3(012)-1537/2022 nömrəli qərardadına əsasən şikayətə dair material aidiyyəti üzrə Bakı şəhər Binəqədi Rayon Məhkəməsinə göndərilmişdir. Şikayəti və təqdim edilmiş sənədləri nəzərdən keçirərək hesab edirəm ki, X4 tərəfindən verilmiş şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Yuxarıda qeyd edilən şikayət Abşeron Rayon Məhkəməsinə xx.xx.2022-ci il tarixdə təqdim edilmişdir. Azərbaycan Respublikasının İnzibati Xətalar Məcəlləsinin 130.1-ci maddəsinə görə bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Həmin Məcəllənin 130.2-ci maddəsinə görə bu Məcəllənin 130.1-ci maddəsində nəzərdə tutulmuş müddət üzrlü səbəblər nəticəsində buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilə bilər. Şikayətdən görünür ki, X1 Rayon Polis İdarəsinin 6-cı Polis Bölməsinin xx.xx.2020ci il tarixli MN ******* nömrəli inzibati xəta haqqında qərarından məhkəməyə şikayəti xx.xx.2022-ci il tarixdə, yəni 10 gün keçdikdən sonra vermiş, verdiyi şikayətə isə müddətin bərpası üçün vəsatət əlavə etməmişdir. Odur ki, qeyd olunanlara əsasən hesab edirəm ki, şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Azərbaycan Respublikasının İnzibati Xətalar Məcəlləsinin 106.0.4-cü maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən işin icraatını rədd edən halların mövcud olub-olmaması məsələsini, 106.0.6-cı maddəsinə əsasən isə işə mahiyyəti üzrə baxılması üçün işdə kifayət qədər sübutlar toplanıbtoplanmaması məsələlərini həll edir. İnzibati xəta haqqında iş üzrə qərardan verilən şikayətə və ya protestə baxmağa hazırlıq zamanı qəbul edilən qərardaddan apelyasiya şikayəti verilə bilməz. Şərh olunanlara əsasən və Azərbaycan Respublikası İnzibati Xətalar Məcəlləsinin 106, 109-cu maddələrinə əsasən, QƏRARA ALDİ: X2 Binəqədi Rayon Polis İdarəsinin 6-cı Polis Bölməsinin xx.xx.2020-ci il tarixli MN ******* nömrəli inzibati xəta haqqında qərardan verdiyi şikayət və ona əlavə edilmiş sənədlər geri qaytarılsın. Şikayətçiyə izah edilir ki, qərardadın təsviri hissəsində göstərilmiş çatışmazlıqlar aradan qaldırıldıqdan sonra yenidən məhkəməyə müraciət etmək hüququ vardır. Sədrlik edən: Aygün Qurbanova