Bakı Şəhəri Binəqədi Rayon Məhkəməsi Qərardad — İş №3(001)-318/2021

Azərbaycan Respublikası adından QƏRARDAD Bakı şəhəri İş № 3(001)-318/2021 18.01.2021 BAKI ŞƏHƏRİ BİNƏQƏDİ RAYON MƏHKƏMƏSİ Mən, Binəqədi Rayon Məhkəməsinin hakimi Məmmədov Vüqar Nemət oğlu, X2 Yasamal rayon Polis İdarəsi tərəfindən tərtib edilmiş xx xxxxxx 2020-ci il tarixli MN №0866130 saylı inzibati xəta haqqında protokol üzrə qəbul edilmiş inzibati tənbeh vermə haqqında qərardan verdiyi şikayətə baxaraq, MÜƏYYƏN ETDİM: X1 rayon Polis İdarəsi tərəfindən tərtib edilmiş xx xxxxxx 2020-ci il tarixli MN №0866130 saylı inzibati xəta haqqında protokol üzrə qəbul edilmiş inzibati tənbeh vermə haqqında qərarın ləğv edilməsini və iş üzrə icraata xitam verilməsini xahiş etmişdir. Məhkəmə iş materialını araşdıraraq X2 Binəqədi Rayon Məhkəməsinə ərizə ilə müraciət etməsində inzibati qanunvericiliyin tələblərinin pozulduğunu müəyyən etmişdir, ona görə də hesab edir ki, ərizə icraata qəbul edilmədən onu vermiş şəxsə geri qaytarılmalıdır. X3 tərəfindən şikayət tərtib edilərkən forma və məzmun tələblərinə riayət edilməmiş, məhkəməyə şikayətlə müraciət edilməli olduğu təqdirdə ərizə ilə müraciət edilmişdir. Həmçinin qərar şikayətə əlavə edilməmişdir. Qərar şikayətə əlavə olunmadığı üçün məhkəmə işi icraata qəbul edən vaxt qərarın qüvvədə olub-olmamasını müəyyən edə bilmir. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən protokol və digər materiallar səlahiyyəti olmayan şəxs tərəfindən tərtib edildikdə, protokol və digər materiallar natamam olduqda işə baxarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması haqqında qərardad qəbul edilir. Qeyd edilənlərə əsasən məhkəmə hesab edir ki, X2 barəsində tərtib olunan xx xxxxxx 2020-ci il tarixli MN №0866130 saylı inzibati xəta haqqında protokoldan verdiyi ərizənin geri qaytarılmasına dair qərardad qəbul edilməlidir. Qeyd olunanları nəzərə alaraq və Azərbaycan Respublikası İXM-nin 100, 109, 110 və 129-cu maddələrini rəhbər tutaraq, QƏRARA ALDİM: X2 barəsində tərtib olunan xx xxxxxx 2020-ci il tarixli MN №0866130 saylı inzibati xəta haqqında protokoldan verdiyi ərizə geri qaytarılsın. Nöqsanlar aradan qaldırıldıqdan sonra məhkəməyə müraciət etmək hüququnun olması izah edilsin. Hakim: Vüqar Məmmədov