Bakı Şəhəri Binəqədi Rayon Məhkəməsi Qərardad — İş №3(001)-3246/2022

Azərbaycan Respublikası adından QƏRARDAD Bakı şəhəri İş № 3(001)-3246/2022 20.10.2022 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Tağıyev Vüsal Adıgözəl oğlu, X1 nümayəndəsi “Mirzəyev və Partnyorları” Vəkil Bürosunun vəkili X2 Bakı şəhəri Nizami Rayon Polis İdarəsinin 23-cü Polis bölməsi tərəfindən qəbul edilmiş xx.xx.2022-ci il tarixli, EPQ ******* nömrəli qərardan verdiyi şikayətə baxılmağa hazırlanması zamanı, müəyyən etdim: Məhkəmənin icraatına X1 nümayəndəsi X2 Bakı şəhəri Nizami Rayon Polis İdarəsinin 23-cü Polis bölməsi tərəfindən qəbul edilmiş xx.xx.2022-ci il tarixli, EPQ ******* nömrəli qərardan verdiyi şikayət daxil olmuşdur. İnzibati xəta haqqında materialların baxılmağa hazırlanması zamanı şikayəti və ona əlavə edilmiş iş materiallarını nəzərdən keçirərək hesab edirəm ki, X1 nümayəndəsi X3 tərəfindən verilmiş şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Belə ki, X1 nümayəndəsi X2 ünvanlandığı şikayətdə Bakı şəhəri Nizami Rayon Polis İdarəsi tərəfindən qəbul edilmiş xx.xx.2022-ci il tarixli, EPQ ******* nömrəli qərarı nə vaxt alınmasını təsdiq edən heç bir sənəd iş materiallarına əlavə edilmədiyi üçün sonuncu tərəfindən sözügedən qərarların konkret olaraq nə vaxt alınmasını müəyyən etmək mümkün deyildir. Azərbaycan Respublikasının İnzibati Xətalar Məcəlləsinin 130.1-ci maddəsinə görə bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1 – 57.5-ci maddələrində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Həmin Məcəllənin 130.2-ci maddəsinə görə bu Məcəllənin 130.1-ci maddəsində nəzərdə tutulmuş müddət üzrlü səbəblər nəticəsində buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilə bilər. Beləliklə, qeyd olunanlara əsasən hesab edirəm ki, X1 nümayəndəsi X2 Bakı şəhəri Nizami Rayon Polis İdarəsinin 23-cü Polis bölməsi tərəfindən qəbul edilmiş xx.xx.2022-ci il tarixli, EPQ ******* nömrəli qərardan verdiyi şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 130-137-ci maddələrini rəhbər tutaraq, qərara aldım: X1 nümayəndəsi X2 Bakı şəhəri Nizami Rayon Polis İdarəsinin 23-cü Polis bölməsi tərəfindən qəbul edilmiş xx.xx.2022-ci il tarixli, EPQ ******* nömrəli qərardan verdiyi şikayət və ona əlavə edilmiş sənədlər geri qaytarılsın. Hakim: Vüsal Tağıyev