Bakı Şəhəri Binəqədi Rayon Məhkəməsi Qərardad — İş №3(001)-3649/2022

Azərbaycan Respublikası adından QƏRARDAD Bakı şəhəri İş № 3(001)-3649/2022 29.11.2022 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Sadıqova Aynurə Vahid qızı, X1 Binəqədi Rayon Polis İdarəsi 43-cü Polis Bölməsi tərəfindən qəbul edilmiş xx.xx.2020-ci il tarixli MN ******* nömrəli inzibati xəta haqqında protokol və inzibati tənbeh vermə haqqında qərardan verdiyi şikayətin baxılmağa hazırlanması zamanı, müəyyən etdim: Məhkəmənin icraatına X1 Binəqədi Rayon Polis İdarəsi 43-cü Polis Bölməsi tərəfindən qəbul edilmiş xx.xx.2020-ci il tarixli MN ******* nömrəli inzibati xəta haqqında protokol və inzibati tənbeh vermə haqqında qərardan verdiyi şikayət daxil olmuşdur. İnzibati xəta haqqında materialların baxılmağa hazırlanması zamanı şikayəti və ona əlavə edilmiş iş materiallarını nəzərdən keçirərək hesab edirəm ki, X2 tərəfindən verilmiş şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Belə ki, X1 ünvanladığı şikayət ərizəsinə əlavə etdiyi poçt zərfindən görünür ki, Binəqədi Rayon Polis İdarəsi 43-cü Polis Bölməsi tərəfindən qəbul edilmiş xx.xx.2020-ci il tarixli MN ******* nömrəli inzibati xəta haqqında protokol xx.xx.2022-ci il tarixdə poçt vasitəsilə ona göndərilmişdir. Həmin protokoldan şikayət ərizəsi ilə Binəqədi Rayon Məhkəməsinə müraciət etmiş, Binəqədi Rayon Məhkəməsinin 3(001)-3411/2022 saylı, xx.xx.2022-ci il tarixli qərardadı ilə şikayətin qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılması qərara alınmışdır. Buna baxmayaraq, şikayət vermiş şəxs X2 yenidən müddətin bərpası barədə ərizə təqdim etmədən şikayət ərizəsi ilə təkrar məhkəməyə müraciət etmişdir. Azərbaycan Respublikasının İnzibati Xətalar Məcəlləsinin 130.1-ci maddəsinə görə bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1 – 57.5-ci maddələrində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Həmin Məcəllənin 130.2-ci maddəsinə görə bu Məcəllənin 130.1-ci maddəsində nəzərdə tutulmuş müddət üzrlü səbəblər nəticəsində buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilə bilər. Beləliklə, qeyd olunanlara əsasən hesab edirəm ki, X1 Binəqədi Rayon Polis İdarəsi 43-cü Polis Bölməsi tərəfindən qəbul edilmiş xx.xx.2020-ci il tarixli MN ******* nömrəli inzibati xəta haqqında protokol və inzibati tənbeh vermə haqqında qərardan verdiyi şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 130-137-ci maddələrini rəhbər tutaraq, qərara aldım: X1 Binəqədi Rayon Polis İdarəsi 43-cü Polis Bölməsi tərəfindən qəbul edilmiş xx.xx.2020-ci il tarixli MN ******* nömrəli inzibati xəta haqqında protokol və inzibati tənbeh vermə haqqında qərardan verdiyi şikayət və ona əlavə edilmiş sənədlər geri qaytarılsın. Hakim: Aynurə Sadıqova