Bakı Şəhəri Binəqədi Rayon Məhkəməsi Qərar — İş №3(001)-3863/2024

Azərbaycan Respublikası adından QƏRAR Bakı şəhəri İş № 3(001)-3863/2024 26.06.2024 BAKI ŞƏHƏRİ BİNƏQƏDİ RAYON MƏHKƏMƏSİ Hakim Qurbanova Aygün Arzu qızının sədrliyi, X1 iclas katibliyi, Protokolu tərtib etmiş İnzibati orqan Binəqədi rayon Polis İdarəsinin 5-ci Polis Bölməsinin sahə inspektoru X5, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.2003-cü ildə Qəbələ rayonu, Zirik kəndində doğulmuş, Azərbaycan Respublikasının vətəndaşı, azərbaycanlı, evli,natamam orta təhsilli, işləməyən,əvvəllər məhkum olunmamış, Qəbələ rayonu, Ziring kəndində qeydiyyatda olan və həmin ünvanda yaşayan Şəxs barəsində Azərbaycan Respublikası İXM-nin 535.1-ci maddəsi ilə inzibati xəta haqqında materiala Bakı şəhəri Binəqədi Rayon Məhkəməsinin binasında açıq məhkəmə iclasında baxaraq, MÜƏYYƏN ETDİM: Barəsində inzibati xəta haqqında iş üzrə icraat aparılan şəxs Şəxs xx.xx.2024-cü il tarixdə,saat 23:30 radələrində Bakı şəhəri DYPİ və DİN ƏÇPA əməkdaşlarının qanuni tələblərinə tabe olmadığına görə Binəqədi rayonu,C.Xəndan küçəsindən 5-ci PB-nə gətirilmişdir. Buna görə də, Azərbaycan Respublikası Daxili İşlər Nazirliyi Bakı şəhəri Binəqədi RPİ-nin 5-ci Polis Bölməsinin sahə inspektoru tərəfindən xx.xx.2024-cü il tarixdə, MN ******* saylı saylı inzibati xəta haqqında protokol tərtib edilərək baxılması üçün Bakı şəhəri Binəqədi Rayon Məhkəməsinə təqdim olunmuşdur. Məhkəmə iclasında iştirak edən barəsində inzibati xəta haqqında icraat aparılan şəxs izahatında xx.xx.2024-cü il tarixdə, saat 23:30 radələrində Binəqədi rayonu, C.Xəndan küçəsi, Ballı restoranının yanında qohumu Faiqin Bakı şəhəri DYPİ və DİN ƏÇPA əməkdaşları ilə aralarında mübahisə olduğunu eşitmişdir.Onları aralaşdırmaq istiyəndə özündən getdiyini bildirmişdir. Daha sonra polis əməkdaşı onu, Faiqi, atasını, qardaşını polis avtomobilinə əyləşdirib 5-ci Polis Bölməsinə gətirmişdir.Barəsində olan iş üzrə icraata xitam verilməsini xahiş etmişdir. Məhkəmə iclasında çıxış edən Azərbaycan Respublikası Daxili İşlər Nazirliyi Bakı şəhəri Binəqədi RPİ-nin 5-ci Polis Bölməsinin əməkdaşı tərtib edilən protokola uyğun izahat verərək bildirdi ki, Şəxs xx.xx.2024-cü il tarixdə,saat 23:30 radələrində Bakı şəhəri DYPİ və DİN ƏÇPA əməkdaşlarının qanuni tələblərinə tabe olmayaraq tabesizlik göstərmişdir.Bununla da, Şəxs barəsində Azərbaycan Respublikası İXM-nin 535.1-ci maddəsi inzibati protokol tərtib etmişdir. Buna görə də, barəsində inzibati tənbeh tətbiq olunmasını məhkəmədən xahiş etmişdir. Məhkəmə iclasında şahid qismində dindirilmiş X3 xx.xx.2024-cü il tarixdə,saat 23:35 radələrində Cəfər Xəndan küçəsində xidmət apararkən “Mercedes” markalı **-BH-*** dövlət qeydiyyat nişanlı avtomobilə saxla işarəsi verilmişdir.Nəqliyyat vasitəsini saxladıqdan sonra məlum oldu ki, X4 nəqliyyat vasitəsini sərxoş vəziyyətdə idarə edir.Onun sərxoşluğunun müəyyən edilməsi üçün X2 həkim müayinəsinə etmişdirlər.Sürücü həkim müayinəsinə getməkdən imtina edərək,tabesizlik göstərərək polis əməkdaşlarından qaçmaq istəmişdir.Bu zaman onun yanındakı yaxınları Şəxs,Şəxs və X7 ona köməklik göstərərək polisin xidmətinə maneəçilik göstərmişdirlər.ÇPA əməkdaşlarının köməyilə həmin şəxsləri saxlayıb 5-ci Polis Bölməsinə gətirmişdirlər. Məhkəmə iclasında şahid qismində dindirilmiş X6 bildirmişdir ki, barəsində inzibati xəta haqqında iş üzrə icraat aparılan şəxs Şəxs xx.xx.2024-cü il tarixdə,saat 23:30 radələrində polis əməkdaşlarının qanuni tələblərinə tabe olmadığına görə Binəqədi rayonu,C.Xəndan küçəsindən 5-ci PB-nə gətirilmişdir. Şəxs məhəkəməyə ərizəylə müraciət edərək,vəkildən imtina etdiyini hüquqlarının müdafiəsini özü tərəfindən həyata keçirilcəyini bildirmişdir. xx.xx.2024-cü il tarixli, ******* saylı “Sərxoşluq vəziyyətinin tibbi müayinəsi” aktında Şəxs yüngül alkoqol sərxoşluğu vəziyyətinin olduğu müəyyən olunmuşdur. İXM-nin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. İXM-nin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamaq inzibati xəta kimi müəyyən edilmişdir. Həmin xətaya görə inzibati cərimə və ya inzibati həbs nəzərdə tutulmuşdur. Beləliklə sadalananlara əsasən Şəxs həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokol ilə İXM-nin 535.1-ci maddəsinə əsasən təqsiri tam sübuta yetirilir. İnzibati məsuliyyəti istisna edən və icraatı rədd edən hallar yoxdur. İXM-nin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. İXM-nin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə araşdırması zamanı onun əməlini yüngülləşdirən və ağırlaşdıran hallar müəyyən edilməmişdir. Məhkəmə törədilmiş inzibati xətaya görə ona İXM-nin 535.1-ci maddəsinin sanksiyada nəzərdə tutulmuş həbs növündə minimum həddə inzibati tənbeh verilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 206 və 535-ci və 110-115-ci maddələrini rəhbər tutaraq, QƏRARA ALDİM: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinərək, 08 (səkkiz) gün müddətinə inzibati həbs edilsin. Həbsetmənin əvvəli xx.xx.2024-cü il tarixindən, saat 23:55 dəqiqədən hesablansın. Qərar dərhal icra edilsin. Şəxsin inzibati həbsin icrası yerinə çatdırılması Bakı şəhəri Binəqədi rayon Polis İdarəsi 5-ci Polis Bölməsinə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Binəqədi Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Aygün Qurbanova