Bakı Şəhəri Binəqədi Rayon Məhkəməsi Qərar — İş №3(001)-3869/2023

Azərbaycan Respublikası adından QƏRAR Bakı şəhəri İş № 3(001)-3869/2023 24.10.2023 BAKI ŞƏHƏRİ BİNƏQƏDİ RAYON MƏHKƏMƏSİ Hakim Ağayev Elçin Zəkəriyə oğlunun sədrliyi, Həsənzadə Fuad Fərhad oğlunun katibliyi ilə, X1 Bakı şəhər Baş Polis İdarəsi X5 İdarəsinin inzibati tənbeh vermə haqqında 14 sentyabr 2023-cü il tarixli qərarından verdiyi şikayətə baxaraq, məhkəmə M Ü Ə Y Y Ə N E T D İ: Şikayət verən X3 məhkəməyə müraciət edərək, Bakı şəhər Baş Polis İdarəsi X5 İdarəsinin inzibati tənbeh vermə haqqında 14 sentyabr 2023-cü il tarixli qərarının ləğv edilməsini və iş üzrə icraata xitam verilməsini xahiş etmişdir. X3 şikayətini onunla əsaslandırmışdır ki, Bakı şəhər Baş Polis İdarəsi X5 İdarəsinin inzibati tənbeh vermə haqqında 14 sentyabr 2023-cü il tarixli qərarına əsasən Azərbaycan Respublikası İXM-in 327.2-ci maddəsində nəzərdə tutulan inzibati xətanı törətməkdə təqsirli bilinib 80 (səksən) manat cərimə edilmişdir. Halbuki o, “Mercedes Benz 350 minik” markalı **-OS-*** dövlət qeydiyyat nişanlı avtomobili xx.xx.2023-cü ildə ünvan 1 ünvanda idarə edərkən heç bir qayda pozuntusuna yol verməmiş, işıqforun qadağanedici işığı yanmazdan öncə yolu keçmişdir. İnzibati tənbeh vermə haqqında qərarın əlavəsi (foto və ya video materiallar) nəqliyyat vasitəsinin istifadəçisi üçün internet informasiya resursunda yaradılan elektron kabinetinə yerləşdirilmədiyindən şübhələri daha da artır. Ona görə də məhkəməyə müraciət etmək məcburiyyətində qalmışdır. Qeyd edilənlərə əsasən şikayətin təmin edilməsini məhkəmədən xahiş etmişdir. Məhkəmə iclasının vaxtı və yeri barədə şikayət verən X2 və Bakı şəhər Baş Polis İdarəsi X5 İdarəsinə təkrarən məlumat verilsə də, onlar məhkəmə iclasına təkrarən gəlməmişdir. Məhkəmə şikayətə şikayət verən X1 və Bakı şəhər Baş Polis İdarəsi X5 İdarəsinin nümayəndəsinin iştirakı olmadan baxılmasını mümkün hesab etmişdir. Məhkəmə şikayəti iş materialları ilə əlaqəli şəkildə araşdırıb hesab edir ki, şikayət əsassız olduğundan təmin edilməməlidir. Belə ki, iş materiallarında olan və məhkəmə iclasında tədqiq edilmiş: Bakı şəhər Baş Polis İdarəsi X5 İdarəsinin inzibati tənbeh vermə haqqında 14 sentyabr 2023-cü il tarixli qərarından görünür ki, “Mercedes Benz 350 minik” markalı **- OS-*** dövlət qeydiyyat nişanlı avtomobilin sürücüsü X1 Azərbaycan Respublikası İXM-in 327.2-ci maddəsi ilə təqsirli bililib 80 (səksən) manat cərimə və 3 cərimə balı edilməsi barədə qərar qəbul etmişdir ondan ötrü ki, o, həmin tarixdə “Mercedes Benz 350 minik” markalı **-OS-*** dövlət qeydiyyat nişanlı avtomobili ünvan 1 ünvanda idarə edərkən “Yol hərəkəti haqqında” qanunun 60-cı maddəsinin İİ hissəsinin tələbini pozaraq svetoforun qadağanedici işarəsi verilərkən hərəkətini davam etdirmişdir. İşin hallarının tam və hərtərəfli araşdırılması üçün Bakı şəhər Baş Polis İdarəsi X5 İdarəsinə sorğu verilmiş, sözügedən inzibati tənbeh vermə haqqında qərarın qəbul edilməsi üçün əsas olmuş sübutlar tələb edilmişdir. Bakı şəhər Baş Polis İdarəsi X5 İdarəsindən məhkəməyə təqdim edilmiş videogörüntüdən (həmin görüntü yol patrul xidməti avtomobilində olan kamera vasitəsilə qeydə alınmışdır) görünür ki, X3 xx.xx.2023-cü ildə “Mercedes Benz 350 minik” markalı **-OS-*** dövlət qeydiyyat nişanlı avtomobili ünvan 1 ünvanda idarə edərkən svetoforun qadağanedici siqnalı verilməsinə baxmayaraq hərəkətini davam etdirmişdir. N.Məmmədli svetoforun yaşıl rəngli işığı yanıb-sönərkən hərəkətini davam etdirdiyini şikayətində bildirsə də, videogörüntüdən müəyyən olunur ki, “Mercedes Benz 350 minik” markalı **- OS-*** dövlət qeydiyyat nişanlı avtomobil svetofora çatarkən artıq yaşıl rəngli işıq yanıbsönmürdü, svetofor qadağanedici siqnala keçmişdi. Halbuki, “Yol hərəkəti haqqında” qanunun 59-cu maddəsinin İİİ hissəsinin 3-cü bəndinə görə sarı rəngli işığın yanması hərəkəti qadağan edir və tezliklə siqnalların dəyişəcəyi barədə xəbərdarlıq edir. Həmin qanunun 60-cı maddəsinin İİ hissəsinə görə svetoforun və ya nizamlayıcının qadağanedici siqnalı verildikdə sürücülər nəqliyyat vasitələrini stop-xətt (1.12 yol xətti) qarşısında (əgər bu xətt yoxdursa, piyadaların hərəkətinə maneə törətmədən kəsişən yolun hərəkət hissəsi qarşısında), piyada keçidi qarşısında, digər yolayrıclarında isə svetofor qarşısında dayanmalıdırlar. Azərbaycan Respublikasının İnzibati Xətalar Məcəlləsinin 327.2-ci maddəsinə görə Svetoforun və ya nizamlayıcının qadağanedici işarəsi verilərkən hərəkətin davam etdirilməsinə, 3.1 “Giriş qadağandır” yol nişanının tələblərinin və ya sərnişin daşıma, əks istiqamətli hərəkət zolağına çıxmaqla ötmə və ya manevr etmə, yolayrıcını keçmə qaydalarının pozulmasına, ümumi istifadədə olan nəqliyyat vasitələrinin, yaxud adamlar daşınan yük avtomobillərinin sərnişinlərlə yanacaqdoldurma məntəqəsinə daxil olmasına, 1.1, 1.3 və 1.11 üfüqi nişanlanma xətlərinin tələblərinə riayət etməyərək sola və ya geriyə dönməyə, yaxud maneəni kənardan keçməyə görə-səksən manat məbləğində cərimə edilir. Həmin maddənin Qeydinə görə Bu Məcəllənin 327.2-ci maddəsində nəzərdə tutulmuş xətalar 3 balla qiymətləndirilir. Belə olan halda aydın olur ki, şikayətin dəlilləri əsassızdır. Göstərilənlərə əsasən məhkəmə şikayət verən şəxs X2 istinad edilən inzibati xətaya inzibati-xətalar qanunvericiliyin sübutlar və sübutetmə ilə bağlı müddəaları baxımından yanaşaraq hesab edir ki, inzibati məsuliyyətə səbəb olan əməlin əsası kimi məhkəmədə tədqiq edilmiş sübutlar həqiqiliyinə, yaranma mənbəyinə və əldə edilməsi hallarına görə sübut kimi qəbul ediləndir, sübutların hüquqi qüvvəsini şübhə altına alan hallar yoxdur və sübutların məcmusu inzibati xətaya qiymət verilməsi baxımından kifayət etmiş və onun əməli düzgün olaraq İXM-in 327.2-ci maddəsi ilə tövsif edilmişdir. Hazırda da şikayətin dəlilləri sözügedən qərarın ləğv edilməsi üçün əsas kimi çıxış etmir. Onun hərəkətlərinə münasibətdə əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Azərbaycan Respublikasının İnzibati Xətalar Məcəlləsinin: 128.1-ci maddəsinə görə barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. 134.1-ci və 134.1.1-ci maddələrinə görə inzibati xəta haqqında iş üzrə qərardan verilən şikayətə və ya protestə baxılaraq aşağıdakı qərarlardan biri qəbul edilir: qərarın dəyişdirilmədən, şikayətin və ya protestin isə təmin edilmədən saxlanılması haqqında. Təsvir edilənlərə yekun vuraraq məhkəmə hesab edir ki, X1 Bakı şəhər Baş Polis İdarəsi X5 İdarəsinin inzibati tənbeh vermə haqqında 14 sentyabr 2023-cü il tarixli qərarından verdiyi şikayət əsassız olduğundan təmin edilməməli, həmin qərar dəyişdirilmədən saxlanmalıdır. Şərh olunanlara əsasən və Azərbaycan Respublikası İnzibati Xətalar Məcəlləsinin 134-cü maddələrini rəhbər tutaraq, məhkəmə QƏRARA ALDI: X1 Bakı şəhər Baş Polis İdarəsi X5 İdarəsinin inzibati tənbeh vermə haqqında 14 sentyabr 2023-cü il tarixli qərarından verdiyi şikayət təmin edilməsin, qərar dəyişdirilmədən saxlanılsın. Qərardan rəsmi qaydada verildiyi vaxtdan 10 (on) gün müddətində Bakı Apellyasiya Məhkəməsinə şikayət verilə bilər. Sədrlik edən Elçin Ağayev