Bakı Şəhəri Binəqədi Rayon Məhkəməsi Qərar — İş №3(001)-406/2023

Azərbaycan Respublikası adından QƏRAR Bakı şəhəri İş № 3(001)-406/2023 31.01.2023 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Tağıyev Vüsal Adıgözəl oğlunun sədrliyi, məhkəmənin məsləhətçisi (məhkəmə iclas katibi) Mirzəyev Anar Əkrəm oğlunun katibliyi, Şəxs nümayəndəsi X2 iştirakı ilə, Azərbaycan Respublikasının Mərkəzi Bankı tərəfindən Şəxs barəsində Azərbaycan Respublikasının İnzibati Xətalar Məcəlləsinin (bundan sonra - İXM) 430.4-cü maddəsi ilə tərtib olunmuş inzibati xəta haqqında protokol əsasında toplanmış materiala məhkəmənin inzibati binasında, açıq məhkəmə iclasında baxaraq, məhkəmə müəyyən etdi: Məhkəmənin icraatına Azərbaycan Respublikasının Mərkəzi Bankı tərəfindən Şəxs barəsində İXM-in 430.4-cü maddəsi ilə tərtib edilmiş xx.xx.2023-cü il tarixli, EP ******* nömrəli inzibati xəta haqqında protokol əsasında toplanmış material daxil olmuşdur. Həmin protokola əsasən Şəxs 19200 ABŞ dolları məbləğində vəsaiti xx.xx.2020-ci il tarixdə xaricə köçürmüş və 2 il müddət keçsə də, 19200 ABŞ dolları məbləğində vəsait hesabına alınan malları ölkəyə idxal etməmiş, valyuta vəsaitini geri qaytarmamışdır. Xəta xx.xx.2022-ci il tarixdə hüquqi şəxsin qeyd olunan ünvanında törədilmişdir. Məhkəmə iclasının vaxtı və yeri barədə lazımi qaydada məlumatlandırılmasına baxmayaraq, inzibati xəta haqqında protokol tərtib etmiş səlahiyyətli qurumun nümayəndəsi məhkəmə iclasına gəlməmişdir. Məhkəmə işə inzibati xəta haqqında protokol tərtib etmiş səlahiyyətli qurumun nümayəndəsinin iştirakı olmadan baxılmasını mümkün hesab etmişdir. Məhkəmə iclasında Şəxs nümayəndəsi X4 izahat verərək bildirmişdir ki, Azərbaycan Respublikasının Mərkəzi Bankı Şəxs xx.xx.2023-cü il tarixli, EP ******* nömrəli inzibati xəta haqqında protokol tərtib edərək, İXM-in 430.4-cü maddəsində nəzərdə tutulan inzibati xətanı törətməkdə təqsirli bilinməsi, inzibati qaydada məsuliyyətə cəlb edilməsinə dair Bakı Binəqədi rayon məhkəməsinə müraciət etmişdir. Şəxs MMC ilə Çin Xalq Respublikasının “X5 CO., LİMİTED” şirkəti arasında xx.xx.2020-ci tarixində şüşə avadanlıqlar üçün 32000 ABŞ dolları dəyərində dəzgahların alınması ilə bağlı alğı-satqı müqaviləsi bağlanmışdır. Sifariş edilmiş malların dəyərinin 40 faizi xx.xx.2020-ci il tarixdə, qalan məbləğ isə xx.xx.2020-ci il tarixdə ödənilmişdir. xx.xx.2021-ci il tarixdə 500 ABŞ dolları, xx.xx.2021-ci il tarixdə isə 31500 ABŞ dolları dəyərində mallar Azərbaycan Respublikasına daxil olmuşdur. Qeyd edilən mallara dair MMC tərəfindən gömrük orqanına gömrük bəyannamələri verilmişdir. Lakin mühasib tərəfindən pulun köçürülməsi ilə bağlı qəbzlərdə texniki səhvə yol verilmiş və müqavilənin tarixi xx.xx.2020 olaraq göstərilmişdir. Həmçinin Şəxs MMC ilə “X5 CO., LİMİTED” şirkəti arasında bağlanmış müqavilədə texniki səhvə yol verilmiş və müqavilən ilk səhifəsində tarix xx.xx.2020, son səhifəsində isə xx.xx.2020 olaraq göstərilmişdir. Qeyd edilənləri nəzərə alaraq Şəxs barəsində başlanılmış inzibati xəta haqqında iş üzrə icraata xitam verilməsini xahiş etmişdir. İş materiallarında olan və məhkəmə tərəfindən tədqiq edilmiş: xx.xx.2020-ci il tarixli müqavilədən görünür ki, Şəxs MMC ilə “X5 CO., LİMİTED” şirkəti arasında alğı-satqı müqaviləsı bağlanmışdır. xx.xx.2020-ci il tarixli köçürmə haqqında ərizədən görünür ki, Şəxs tərəfindən “Rabitəbank” X1 hesabdan 12800 ABŞ dolları məbləğində pul vəsaiti ilə “X5 CO., LİMİTED” şirkətinin hesabına köçürülmüş, həmin ərizədə müqavilənin tarixi xx.xx.2020 olaraq göstərilmişdir. xx.xx.2020-ci il tarixli köçürmə haqqında ərizədən görünür ki, Şəxs tərəfindən “Rabitəbank” X1 hesabdan 19200 ABŞ dolları məbləğində pul vəsaiti ilə “X5 CO., LİMİTED” şirkətinin hesabına köçürülmüş, həmin ərizədə müqavilənin tarixi xx.xx.2020 olaraq göstərilmişdir. xx.xx.2021-ci il tarixli, **********0815 sorğu nömrəli Gömrük bəyannaməsindən görünür ki, Şəxs tərəfindən “X5 CO., LİMİTED” şirkətinin hesabına köçürülmüş pul vəsaitinin hesabına alınmış 500 ABŞ dolları dəyərində mallar xx.xx.2021-ci il tarixdə ölkəyə idxal olunmuşdur. xx.xx.2021-ci il tarixli, **********20976 sorğu nömrəli Gömrük bəyannaməsindən görünür ki, Şəxs tərəfindən “X5 CO., LİMİTED” şirkətinin hesabına köçürülmüş pul vəsaitinin hesabına alınmış 31500 ABŞ dolları dəyərində mallar xx.xx.2021-ci il tarixdə ölkəyə idxal olunmuşdur. “Rabitəbank” X6 tərəfindən Azərbaycan Respublikasının Mərkəzi Bankına göndərilmiş xx.xx.2022-ci il tarixli məktubdan görünür ki, Şəxs tərəfindən 19200 ABŞ dolları məbləğində olan vəsait bank hesabından Azərbaycan Respublikasından kənara qabaqcadan ödəniş etməklə köçürülmüş, lakin ödəniş aparıldığı gündən iki il müddətində malların ölkəyə idxalını təsdiq edən sənədlər banka təqdim edilməmişdir. Məhkəmə, nümayəndənin izahatını dinləyib, iş materiallarını və məhkəmə iclasında toplanmış sübutları hərtərəfli və əhatəli şəkildə tədqiq edərək belə nəticəyə gəlir ki, Şəxs əməlində İXM-in 430.4-cü maddəsində nəzərdə tutulmuş inzibati xəta tərkibi olmadığından başlanılmış inzibati xəta haqqında icraata xitam verilməlidir. Belə ki, məhkəmədə tədqiq edilmiş sübutlarla müəyyən edilmişdir ki, Şəxs tərəfindən “Rabitəbank” X1 hesabdan köçürülmüş 19200 ABŞ dolları məbləğində olan vəsait hesabına alınan malları ölkəyə idxal etməklə, həmin mallara dair gömrük bəyannamələrini rəsmiləşdirilməsi üçün göndərmiş, lakin köçürmə haqqında xx.xx.2020-ci il tarixli köçürmə haqqında ərizədə mexaniki səhvə yol verilərək müqavilənin tarixi xx.xx.2020-ci il əvəzinə xx.xx.2020-ci il qeyd edilmişdir. Göründüyü kimi, Şəxs tərəfindən xx.xx.2020-ci il tarixdə “Rabitəbank” X1 hesabdan köçürülmüş 19200 ABŞ dolları məbləğində vəsait hesabına olan malları xx.xx.2021-ci il və xx.xx.2021-ci il tarixlərdə ölkəyə idxal etməklə, həmin mallara dair gömrük bəyannamələrini rəsmiləşdirilməsi üçün göndərmişdir. Bu isə onu göstərir ki, Şəxs barəsində tərtib edilmiş xx.xx.2023-cü il tarixli, EP ******* nömrəli inzibati xəta haqqında protokol üzrə əməlində inzibati xəta tərkibi yoxdur. Qeyd olunan halları, eləcə də köçürmə haqqında ərizələrdə mexaniki səhvə yol verilməsi iş materiallarında olan və məhkəmə iclasında tədqiq edilmiş materiallarla öz təsdiqini tapır. Ona görə də, məhkəmə Şəxs əməlində İXM-in 430.4-cü maddəsində nəzərdə tutulmuş inzibati xəta tərkibinin olmaması səbəbi ilə onun barəsində başlanmış inzibati xəta haqqında icraata xitam verilməsi qənaətinə gəlmişdir. Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 38.1 və 430.4-cü maddələrinin əlaqəli şəkildə şərh edilməsinə dair” 19 dekabr 2019-cu il tarixli qərarında göstərilmişdir ki, məhkəmələr Azərbaycan Respublikası İnzibati Xətalar Məcəlləsinin 430.4-cü maddəsində nəzərdə tutulmuş məsuliyyət tədbirlərini tətbiq edərkən inzibati xətanı törədən şəxsin təqsirini Azərbaycan Respublikası İnzibati Xətalar Məcəlləsinin tələblərinə uyğun müəyyən etməlidirlər. İXM-in 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. İXM-in 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. İXM-in 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İXM-in 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İXM-in 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. İXM-in 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda məhkəmə inzibati xəta haqqında iş üzrə icraata xitam verilməsi haqqında qərar çıxarır. Beləliklə, məhkəmə hesab edir ki, Azərbaycan Respublikasının Mərkəzi Bankı tərəfindən tərtib olunmuş xx.xx.2023-cü il tarixli, EP ******* nömrəli inzibati xəta haqqında protokola dair Şəxs əməlində İXM-in 430.4-cü maddəsinin tərkib əlamətləri olmadığından inzibati xəta haqqında iş üzrə icraata xitam verilməlidir. Qeyd olunanlara əsasən və İXM-in 40, 43, 48-50, 53, 105, 114-115 və 128-130-cu maddələrini rəhbər tutaraq, məhkəmə qərara aldı: Azərbaycan Respublikasının Mərkəzi Bankı tərəfindən tərtib olunmuş xx.xx.2023-cü il tarixli, EP ******* nömrəli inzibati xəta haqqında protokola dair Şəxs əməlində Azərbaycan Respublikasının İnzibati Xətalar Məcəlləsinin 430.4-cü maddəsinin tərkib əlamətləri olmadığından inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikasının İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə apellyasiya şikayəti verilə bilər. Hakim: Vüsal Tağıyev