Bakı Şəhəri Binəqədi Rayon Məhkəməsi Qərardad — İş №3(001)-4122/2021

Azərbaycan Respublikası adından QƏRARDAD Bakı şəhəri İş № 3(001)-4122/2021 24.11.2021 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Tağıyev Vüsal Adıgözəl oğlu, Şəxs barəsində Azərbaycan Respublikasının İnzibati Xətalar Məcəlləsinin (bundan sonra – İXM) 211.3-cü maddəsi ilə tərtib edilmiş inzibati xəta haqqında protokol əsasında toplanmış materialın baxılmağa hazırlanması zamanı, müəyyən etdim: Məhkəmənin icraatına Bakı şəhəri X1 üzrə Baş İdarəsi tərəfindən Şəxs barəsində İXM-in 211.3-cü maddəsi ilə tərtib edilmiş 12.11.2021-ci il tarixli, MN ******* nömrəli inzibati xəta haqqında protokol əsasında toplanmış material daxil olmuşdur. İnzibati xəta haqqında işin materiallarını araşdıraraq hesab edirəm ki, Bakı şəhəri X1 üzrə Baş İdarəsi tərəfindən Şəxs barəsində tərtib edilmiş 12.11.2021-ci il tarixli, MN ******* nömrəli inzibati xəta haqqında protokol geri qaytarılmışdır. Belə ki, səlahiyyətli orqan tərəfindən Şəxs barəsində İXM-in 211.3-cü maddəsi ilə inzibati xəta haqqında tərtib edilərək baxılması üçün məhkəməyə göndərilsə də, cəmiyyətin əməlində həmin inzibati xəta tərkibinin olmasına dair heç bir sübut iş materiallarında müəyyən edilməmişdir. Çünki, İXM-in 211.3-cü maddəsi ilə nəzərdə tutulmuş məsuliyyət Bu Məcəllənin 211.2-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə müəyyən edilmişdir. Lakin səlahiyyətli orqan tərəfindən iş materiallarına Şəxs tərəfindən il ərzində İXM-in 211.2-ci maddəsi ilə nəzərdə tutulmuş inzibati xətanı törətməkdə təqsirli bilinərək inzibati qaydada tənbeh olunmasına dair heç bir sübut əlavə olunmamışdır. İXM-in 106.0.5-ci maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən mahiyyəti üzrə baxılması üçün işdə kifayət qədər sübutlar toplanması məsələsini həll edir. Göründüyü kimi, qanunvericilik inzibati xəta haqqında işlərin baxılmağa hazırlanması zamanı işdə kifayət qədər sübutların toplanması məsələsinin həllini həm hakim, həm də səlahiyyətli orqan üçün imperativ norma kimi müəyyən etmişdir. İXM-in 109.1.6-cı maddəsinə əsasən protokol və ya digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokollar və ya digər sənədlərin onu tərtib etmiş orqana, vəzifəli şəxsə geri qaytarılır. Beləliklə, işin təsvir edilmiş hallarını və qanunvericiliyin tələblərini nəzərə alaraq hesab edirəm ki, Şəxs barəsində İXM-in 211.3-cü maddəsi ilə tərtib edilmiş 12.11.2021-ci il tarixli, MN ******* nömrəli inzibati xəta haqqında protokol düzgün tərtib edilmədiyindən iş materialları ilə birlikdə geri qaytarılmalıdır. Yuxarıda göstərilənlərə əsasən və İXM-in 106 və 109-cu maddələrini rəhbər tutaraq, qərara aldım: Şəxs barəsində Azərbaycan Respublikasının İnzibati Xətalar Məcəlləsinin 211.3-cü maddəsi ilə tərtib edilmiş 12.11.2021-ci il tarixli, MN ******* nömrəli inzibati xəta haqqında protokol və ona əlavə edilmiş sənədlər geri qaytarılsın. Hakim: Vüsal Tağıyev