Bakı Şəhəri Binəqədi Rayon Məhkəməsi Qərar — İş №3(001)-4162/2021

Azərbaycan Respublikası adından QƏRAR Bakı şəhəri İş № 3(001)-4162/2021 29.11.2021 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Kərimova Mahirə Nəzər qızının sədrliyi, Məhkəmə iclas katibi Rəhimov Elçin Əhəd oğlunun katibliyi, Protokolu tərtib etmiş şəxs Binəqədi Rayon Polis İdarəsinin 40-cı Polis Bölməsinin polis sahə inspektoru X2, Bakı şəhəri 11 saylı Vəkil Bürosunun vəkili Vəkil, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1987-ci il tarixdə Özbəkistan, Daşkənd şəhərində doğulmuş, Azərbaycan Respublikasının vətəndaşı, ailəli, fərdi əməklə məşğul olan, ünvan 1 ünvanında qeydiyyatda olmaqla ünvan 2an, Şəxs barəsində Azərbaycan Respublikasının İnzibati Xətalar Məcəlləsinin 535.1-ci maddəsi ilə Binəqədi Rayon Polis İdarəsinin 40-cı Polis Bölməsi tərəfindən tərtib edilmiş inzibati xəta haqqında protokol əsasında toplanmış materiala məhkəmənin binasında açıq məhkəmə iclasında baxaraq, məhkəmə müəyyən etdi: Şəxs barəsində Bakı şəhəri Binəqədi RPİ-nin 40-cı PB tərəfindən İXM-in 535.1-ci maddəsi ilə toplanmış inzibati xəta haqqında material baxılması üçün Bakı şəhəri Binəqədi Rayon Məhkəməsinə göndərilmişdir. Məhkəmə iclasında inzibati xəta haqqında protokol tərtib etmiş şəxs Bakı şəhəri Binəqədi rayon Polis İdarəsi 40-cı Polis Bölməsinin sahə inspektoru X3 izahat verərək bildirmişdir ki, 28.11.2021-ci il tarixdə 18 radələrində yol patrul xidməti əməkdaşı efir vasitəsi ilə onun qanuni tələblərinə tabe olmayan bir nəfər vətəndaşın olduğunu bildirmişdir. 28.11.2021-ci il tarixdə Binəqədi rayonu, BDYP-nə bilavasitə tabe olan Ekoloji nəzarət üzrə ENB-nin inspektorları tərəfindən tərtib edilmiş raport əsasında Binəqədi RPİnin 40-cı PB-nin inzibati ərazisində xidmət aparan polis əməkdaşları Binəqədi rayonu, BDYP-nə bilavasitə tabe olan Ekoloji nəzarət üzrə ENB-nin qarşısına gələrək Şəxs Binəqədi RPİ-nin 40-cı PB-nə dəvət etmişlər. Bölmədə onun xx.xx.1987-ci təvəllüdlü Şəxs olduğu müəyyən edilərək izahatı alınmış və barəsində İXM-in 535.1-ci maddəsi ilə inzibati xəta haqqında protokol tərtib edilmişdir. Odur ki, məhkəmədən Şəxs inzibati qaydada məsuliyyətə cəlb olunmasını xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirmişdir ki, o, ünvan 2ır. 28.11.2021-ci il tarixdə, saat 18 radələrində Bakı şəhərindən Sumqayıt şəhəri istiqamətində hərəkət edərkən Ekoloji postda saxlanılmış və o, polislərdən nə üçün saxlanıldığını bildirmişdır. Onlar özlərini təqdim edib reyd keçirdiklərini bildirib sürücülük vəsiqəsini tələb etmişlər. O isə sürücülük vəsiqəsinin evdə olduğunu bildirmişdir. Polis əməkdaşları ondan narkotik vasitədən istifadə edib-etmədiyini soruşduqda o, istifadə etmədiyini bildirmişdir. Bunda sonra onu narkolji testdən keçirməyə aparmışlar. O, Ekoloji nəzarət postunun komandiri ilə danışarkən sonuncu ilə danışıqları düzgün formada getməmiş, belə ki, komandir onu təhqir etdiyini düşünmüşdür. Onun izahatı alınaraq barəsində İXM-in 535.1-ci maddəsi ilə inzibati xəta haqqında protokol tərtib edilmişdir. Qeyd olunanları nəzərə alaraq barəsindən olan inzibati xəta haqqında işin icraatına xitam verilməsini xahiş etmişdir. Məhkəmə iclasında Bakı şəhəri 11 saylı Vəkil Bürosunun vəkili Vəkil hüquqlarını müdafiə etdiyi Şəxs əməlində inzibati xəta tərkibi olmadığından barəsində olan inzibati xəta haqqında işin icraatına xitam verilməsini xahiş etmişdir. Məhkəmə iclasında şahid BDYPİ-nə bilavasitə tabe olan Ekoloji nəzarət üzrə Yol- Patrul Xidməti bölüyü yol-patrul xidməti inspektoru, polis baş serjantı X4 bildirmişdir ki, o, 28.11.2021-ci il tarixdə, 18 radələrində xidmət etdiyi 712 saylı Ekoloji nəzarət postunda xidmətdə olarkən **-BM-*** dövlət qeydiyyat nişanlı “Nissan Tida” markalı avtomobili arxa nahiyyəsində əzikləri olduğuna görə və sənədlərini yoxlamaq məqsədilə Şəxs saxlamışdır. Avtomobili saxlayan zaman Şəxs qəza törədib-törətməməsini soruşmuş və sənədlərini tələb edərkən Şəxs əxlaqsız sözlərdən istifadə edərək sənədlərini verməkdən imtina etmişdir. Bundan başqa Şəxs narkotik vasitədən istifadə etməkdə şübhə doğurduğu üçün Sumqayıt şəhər narkoloji dispanserə aparmışlar, lakin sonuncunun narkotik maddələrdən qəbul etməsi faktı aşkar olunmamışdır. Bundan sonra vətandaşı xidmət etdikləri posta gətirdikdə rəhbərliyin qarşısında polis əməkdaşlarına və bölük komandirinə qeyri-etik hərəkətlərdən istifadə edərək ətrafda olan vətəndaşların yanında polisi nüfuzdan salacaq hərəkətlər edərək üzərilərinə hücum edib hədələyərək təhqir etmişdir. Məhkəmə iclasında şahid X1 bildirmişdir ki, o, 28.11.2021-ci il tarixdə, saat 19:30da ekoloji postda radarını yoxlayarkən bir nəfər şəxsin yol patrul xidməti əməkdaşlarını söyüb-təhqir etdiyinin şahidi olmuşdur. Hadisənin təfərrüatları barədə məlumatlı olmamış, lakin sonradan həmin şəxsin Şəxs olduğunu bilmişdir. İş materiallarında olan və məhkəmə iclasında tədqiq edilmiş: 10.11.2021-ci il tarixli raportdan görünür ki, Şəxs polis əməkdaşlarının qanuni tələblərinə tabe olmamış, nalayiq və təhqiramiz ifadələr işlətmişdir. Şəxs oğlu barəsində tərtib edilmiş 28.11.2021-ci il tarixli, MN ******* nömrəli inzibati xəta haqqında protokoldan görünür ki, Şəxs barəsində İXM-in 535.1-ci maddəsi ilə inzibati xəta haqqında protokol tərtib olunmuşdur. Məhkəmə inzibati xəta haqqında protokol tərtib etmiş şəxsin, barəsində inzibati xəta haqqında iş üzrə icraat aparılan şəxsin və şahidlərin izahatlarını, müdafiəçinin çıxışını dinləyərək, habelə inzibati xəta haqqında işin materiallarını nəzərdən keçirərək hesab edir ki, Şəxs oğlu əməli düzgün olaraq İXM-in 528.1-ci maddəsi ilə tövsüf edilmişdir. Onun hərəkətlərinə münasibətdə əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Odur ki, təqsiri tam sübuta yetirildiyinə görə inzibati məsuliyyətinə cəlb edilməli və tənbeh edilməlidir. Azərbaycan Respublikasının İnzibati Xətalar Məcəlləsinin: 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 31.1-ci maddəsinə əsəsən inzibati xətaya görə tənbeh İnzibati Xətalar Məcəlləsinə uyğun olaraq tətbiq edilir. 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmədə inzibati xəta törətmiş şəxs Şəxs əməlində İXM-in 32-ci maddəsinə əsasən məsuliyyətini yüngülləşdirən və həmin Məcəllənin 33-cü maddəsində nəzərdə tutulmuş məsuliyyəti ağırlaşdıran hallar müəyyən edilməmişdir. İXM-in 31.4-cü maddəsinə əsasən Azərbaycan Respublikasının İnzibati Xətalar Məcəlləsinin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. İXM-in 535-ci maddəsinə əsasən polis işçisi ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məhkəmə Şəxs törətdiyi inzibati xətanın xarakterini, şəxsiyyətini xarakterizə edən halları, onun təqsirinin dərəcəsini nəzərə alaraq hesab edir ki, Şəxs yalnız inzibati həbs növündə tənbeh təyin etməklə inzibati tənbehin məqsədlərinə nail olmaq olar. Məhkəmə, işin həcmini nəzərə alaraq hesab edir ki, Bakı şəhəri 11 saylı Vəkil Bürosunun vəkili Vəkil müdafiəçi qismində məhkəmə iclaslarında iştirak edərək ümumilikdə inzibati xəta törətmiş şəxsin hüquqlarının müdafiəsinə 3 saat vaxt sərf etmişdir. Ona görə də, məhkəmə hesab edir ki, Şəxs göstərdiyi 3 saat hüquqi yardıma görə Bakı şəhəri 11 saylı Vəkil Bürosunun vəkili Vəkil Azərbaycan Respublikası dövlət büdcəsi vəsaiti hesabına 18 manat ödənilməli və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilməlidir. Qeyd olunanları nəzərə alaraq və İXM-in 40, 43, 48, 48-51, 61, 73, 114, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanı törətməkdə təqsirli bilinib, 10 (on) gün müddətinə inzibati həbs edilsin. Həbsdə saxlama müddətinin əvvəli 28 noyabr 2021-ci il tarixdən hesablansın. Qərarın icrası Azərbaycan Respublikasının Daxili İşlər Nazirliyinin İnzibati Həbs olunanların Saxlanma Məntəqəsinə həvalə edilsin. Şəxs göstərdiyi 3 (üç) saat hüquqi yardıma görə Bakı şəhəri 11 saylı Vəkil Bürosunun vəkili Vəkil Azərbaycan Respublikası dövlət büdcəsi vəsaiti hesabına 18 (on səkkiz) manat ödənilsin və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilsin. Qərarın surəti rəsmi qaydada verildiyi gündən 10 (on) gün müddətində Azərbaycan Respublikasının İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Sədrlik edən: Mahirə Kərimova