Bakı Şəhəri Binəqədi Rayon Məhkəməsi Qərar — İş №3(001)-4217/2024

Azərbaycan Respublikası adından QƏRAR Bakı şəhəri İş № 3(001)-4217/2024 15.08.2024 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Əmirəliyev Fərid Mübariz oğlunun sədrliyi, məhkəmənin məsləhətçisi (məhkəmə iclas katibi) Almazov Pərviz Məhərrəm oğlunun katibliyi, Şəxs nümayəndəsi X1 iştirakı ilə, Şəxs barəsində Azərbaycan Respublikasının İnzibati Xətalar Məcəlləsinin (bundan sonra - İXM) 347-ci maddəsi ilə tərtib edilmiş inzibati xəta haqqında protokol əsasında toplanmış materiala məhkəmənin binasında, açıq məhkəmə iclasında baxaraq, məhkəmə müəyyən etdi: Məhkəmənin icraatına Bakı şəhəri Binəqədi rayon Polis İdarəsi Dövlət X5 tərəfindən Şəxs İXM-in 347-ci maddəsi ilə tərtib edilmiş xx.xx.2024-cü il tarixli, İXP ******* nömrəli inzibati xəta haqqında protokol əsasında toplanmış material daxil olmuşdur. Məhkəmə iclasının vaxtı və yeri barədə lazımi qaydada məlumatlandırılmasına baxmayaraq, inzibati xəta haqqında protokol tərtib etmiş səlahiyyətli qurumun nümayəndəsi məhkəmə iclasına gəlməmişdir. Məhkəmə işə inzibati xəta haqqında protokol tərtib etmiş səlahiyyətli qurumun nümayəndəsinin iştirakı olmadan baxılmasını mümkün hesab etmişdir. Məhkəmə iclasında Şəxs nümayəndəsi X2 inzibati xəta haqqında protokolla razı olmayaraq izahatında bildirmişdir ki, cəmiyyət barəsində tərtib tərtib edilmiş inzibati xəta haqqında protokol əsassızdır. Çünki cəmiyyət tərəfindən 21 may 2024-cü il tarixli, 23 nömrəli məktubla Bakı şəhəri Binəqədi rayon Polis İdarəsi Dövlət X3 cəmiyyətin balansında olan nəqliyyat vasitələrinin sürücüləri barədə məlumat verilmiş və həmin məlumat Bakı şəhəri Binəqədi rayon Polis İdarəsi Dövlət X5 tərəfindən xx.xx.2024-cü il tarixdə şəxsən imza edilməklə alınmışdır. Belə olan halda cəmiyyətin əməlində İXM-in 347-ci maddəsinin tərkibinin olması mümkün deyildir. Həmçinin qeyd edilməlidir ki, Bakı şəhəri Binəqədi rayon Polis İdarəsi Dövlət X5 tərəfindən Şəxsnə ünvanlanmış məktub 16 may 2024-cü il tarixdə cəmiyyətə daxil olmuşdur. Bundan başqa iş materiallarında adı keçən Ə.Anur adlı şəxsin kim olması barədə onların məlumatı yoxdur və belə bir adda şəxs cəmiyyətdə işləmir. Ona görə də, məhkəmədən Şəxs barəsində başlanılmış inzibati xəta haqqında iş üzrə icraata xitam verilməsini xahiş etmişdir. Məhkəmə, iş materiallarını hərtərəfli və əhatəli şəkildə tədqiq edərək belə nəticəyə gəlir ki, Şəxs əməlində İXM-in 347-ci maddəsində nəzərdə tutulmuş inzibati xəta tərkibi olmadığından başlanılmış inzibati xəta haqqında icraata xitam verilməlidir. Belə ki, iş materiallarında olan və məhkəmə iclasında tədqiq edilmiş: DİN-nin DYP portal çıxarışından və SX019956566AZ kodlu Bakı şəhəri Binəqədi rayon Polis İdarəsi Dövlət X5 tərəfindən Şəxsnə ünvanlanmış məktubun ünvan sahibinə çatmasını təsdiq edən poçt xəbərnaməsindən görünür ki, Şəxs ünvanına onun mülkiyyətində olan “Mercedes Benz” markalı **-JS-*** dövlət qeydiyyat nişanlı nəqliyyat vasitəsini idarə edərək İXM-in 346.1-ci maddəsində nəzərdə tutulmuş inzibati xətanı törətmiş fiziki şəxs barədə məlumat verilməsinin xahiş olunmasına dair Bakı şəhəri Binəqədi rayon Polis İdarəsi Dövlət X5 tərəfindən sorğu verilmiş və həmin sorğu xx.xx.2024-cü il tarixdə Ə.Anur adlı şəxin imzası ilə yanaşı “Aleksandr” adlı şəxsin adının arşısında mobil telefon nömrəsi ilə əlaqə saxlanılaraq məlumat verilməsi qeyd edilmişdir. xx.xx.2024-cü il tarixli, İXP ******* nömrəli inzibati xəta haqqında protokoldan görünür ki, Şəxs tərəfindən qəbul edilmiş sorğuya əsasən mülkiyyətində olan nəqliyyat vasitəsi tərəfindən inzibati xəta törətmiş fiziki şəxs barəsində məlumat verilmədiyindən barəsində İXM-in 347-ci maddəsi ilə inzibati xəta haqqında protokol tərtib edilmişdir. Şəxs xx.xx.2024-cü il tarixli, 23 nömrəli Bakı şəhəri Binəqədi rayon Polis İdarəsi Dövlət X3 ünvanladığı məktubdan və ona əlavə edilmiş 128249 poçt qaiməsindən görünür ki, Şəxs balansında olan “Mercedes Benz” markalı **-JS-*** dövlət qeydiyyat nişanlı nəqliyyat vasitəsinin sürücüsü ilə bağlı məlumatı Binəqədi RPİ-nin DYPŞ-nə göndərilmiş və həmin məlumat xx.xx.2024-cü il tarixdə Binəqədi RPİ-nin DYPŞ tərəfindən imza edilməklə təhvil alınmışdır. Göründüyü kimi, Şəxs tərəfindən balansında olan “Mercedes Benz” markalı **-JS- *** dövlət qeydiyyat nişanlı avtomobilin sürücüsü barədə məlumatı Bakı şəhəri Binəqədi rayon Polis İdarəsi Dövlət X3 ünvanlamış və şöbə tərəfindən həmin avtomobili idarə edən sürücü barədə müvafiq məlumat olmuşdur. Buna baxmayaraq, Bakı şəhəri Binəqədi rayon Polis İdarəsi Dövlət X5 tərəfindən “Mercedes Benz” markalı **-JS-*** dövlət qeydiyyat nişanlı avtomobilin sürücüsü barədə Şəxs müvafiq məlumatı verməməsi əsasında cəmiyyət barəsində İXM-in 347-ci maddəsi ilə inzibati xəta haqqında iş üzrə icraat aparmaqla inzibati xəta haqqında protokol tərtib edilmişdir. Belə olan halda aydın olur ki, Şəxs İXM-in 347-ci maddəsi ilə nəzərdə tutulmuş əməli törətməsi mümkünsüzdür. Bununla yanaşı qeyd edilməlidir ki, Bakı şəhər Binəqədi rayon Polis İdarəsinin DYPŞ tərəfindən göndərilən sorğunun Şəxs tərəfindən alınmasını təsdiqləyəcək heç bir sübut iş materiallarında öz əksini tapmamışdır. Belə ki, Bakı şəhər Binəqədi rayon Polis İdarəsinin DYPŞ tərəfindən göndərilmiş sorğunun Şəxs tərəfindən almasını təsdiqləyəcək “Ə.Anur” adlı şəxsin imzası və “Seymur” adlı şəxsin mobil nömrəsinə məlumat verilməsi göstərilsə də, iş materiallarında qeyd olunan sorğunun cəmiyyətin nümayəndəsi tərəfindən qəbul edilməsi, eləcə də sorğu verilmiş olsa belə həmin şəxsin cəmiyyətin nümayəndəsi olmasını təsdiq edəcək heç bir sübut iş materiallarına əlavə edilməmişdir. Bu hal nümayəndənin məhkəmə iclasında sorğunun cəmiyyyət tərəfindən 16 may 2024-cü il tarixdə alınması ilə bağlı verdiyi izahatı təsdiqləmək üçün kifayət edir. Digər tərəfdən məhkəmə, iş materiallarında olan poçt xəbərnaməsinə dair qeyd edir ki, İXM-in 57-ci maddəsinə əsasən hüquqi şəxsə ünvanlanmış sənəd müvafiq vəzifəli şəxsə qəbzə və ya sənədin kötüyünə imza etdirilməklə verilir. Sənədi çatdırmalı olan şəxs ünvan sahibini onun yaşadığı, yaxud işlədiyi yer üzrə tapmadıqda, həmin sənəd ünvan sahibi ilə birlikdə yaşayan yetkinlik yaşına çatmış ailə üzvlərindən birinə (onların razılığı ilə), onlar olmadıqda ünvan sahibinin yaşayış yeri üzrə yerli özünüidarə orqanına, müvafiq icra hakimiyyəti orqanına, yaxud onun iş yerinin müdiriyyətinə verilir. Ünvan sahibinin əvəzinə sənədi qəbul etmiş şəxs qəbzdə və ya sənədin kötüyündə öz soyadını, adını, atasının adını, ünvan sahibinə münasibətini və ya tutduğu vəzifəni göstərməli və imkan olan kimi sənədi ünvan sahibinə verməlidir. Lakin, iş materiallarında olan poçt xəbərnaməsində isə İXM-in göstərilən tələblərinə riayət edilməmişdir. Ona görə də, məhkəmə belə qənaətə gəlmişdir ki, hazırda baxılan iş üzrə Şəxs əməlində inzibati xəta tərkibi yoxdur və barəsində başlanmış inzibati xəta haqqında iş üzrə icraata xitam verilməlidir. İXM-in 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. İXM-in 48-ci maddəsinə əsasən, inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. İXM-in 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İXM-in 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İXM-in 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda İnzibati xəta haqqında iş üzrə icraata xitam verilməsi haqqında qərar çıxarılır. Beləliklə məhkəmə hesab edir ki, Bakı şəhəri Binəqədi rayon Polis İdarəsi Dövlət X5 tərəfindən tərtib olunmuş xx.xx.2024-cü il tarixli, İXP ******* nömrəli inzibati xəta haqqında protokola dair Şəxs əməlində İXM-in 347-ci maddəsinin tərkib əlamətləri olmadığından inzibati xəta haqqında iş üzrə icraata xitam verilməlidir. Qeyd olunanlara əsasən və İXM-in 40, 43, 48-50, 53, 105, 114-115 və 128-130-cu maddələrini rəhbər tutaraq, məhkəmə qərara aldı: Bakı şəhəri Binəqədi rayon Polis İdarəsi Dövlət X5 tərəfindən tərtib olunmuş xx.xx.2024-cü il tarixli, İXP ******* nömrəli inzibati xəta haqqında protokola dair Şəxs əməlində Azərbaycan Respublikasının İnzibati Xətalar Məcəlləsinin 347-ci maddəsinin tərkib əlamətləri olmadığından inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikasının İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə apellyasiya şikayəti verilə bilər. Hakim: Fərid Əmirəliyev