Bakı Şəhəri Binəqədi Rayon Məhkəməsi Qərar — İş №3(001)-5125/2025

Azərbaycan Respublikası adından QƏRAR Bakı şəhəri İş № 3(001)-5125/2025 31.07.2025 BAKI ŞƏHƏRİ BİNƏQƏDİ RAYON MƏHKƏMƏSİ Hakim Ağayev Elçin Zəkəriyə oğlunun sədrliyi, X4 Novruz oğlunun katibliyi, İnzibati xəta haqqında protokol tərtib etmiş orqanın nümayəndəsi X1 iştirakı ilə, Vəzifəli şəxs Şəxs barəsində Azərbaycan Respublikası İnzibati Xətalar Məcəlləsinin 262.3-cü maddəsi ilə Azərbaycan Dövlət Su Ehtiyatları Agentliyi yanında Suların istifadəsinə və mühafizəsinə Dövlət Nəzarət Xidmətinin 1 saylı Bakı Regional Bölməsi tərəfindən tərtib edilmiş xx.xx.2025-ci il tarixli MN seriyalı ******* nömrəli inzibati xəta haqqında protokola açıq məhkəmə iclasında baxaraq, məhkəmə MÜƏYYƏN ETDİ: Azərbaycan Dövlət Su Ehtiyatları Agentliyi yanında Suların istifadəsinə və mühafizəsinə Dövlət Nəzarət Xidmətinin 1 saylı Bakı Regional Bölməsi tərəfindən vəzifəli şəxs Şəxs barəsində Azərbaycan Respublikası İnzibati Xətalar Məcəlləsinin 262.3-cü maddəsi ilə tərtib edilmiş xx.xx.2025-ci il tarixli MN seriyalı ******* nömrəli inzibati xəta haqqında protokola əsasən, o, Bakı şəhəri, Binəqədi rayonu, R.Allahverdiyev (yeni adla Söyüdlü) küçəsində xx.xx.2025-ci il tarixdə yerləşən ikimərtəbəli qeyri-yaşayış obyektinin su təchizatı şəbəkəsinə qanunsuz qoşulmaqla az miqdarda ziyan vurmuşdur. Məhkəmə iclasında inzibati xəta haqqında protokol tərtib etmiş orqanın nümayəndəsi X2 inzibati xəta haqqında protokolu müdafiə edərək izahatında bildirmişdir ki, Azərbaycan Dövlət Su Ehtiyatları Agentliyi yanında Suların istifadəsinə və mühafizəsinə Dövlət Nəzarət Xidmətinin 1 saylı Bakı Regional Bölməsi tərəfindən xx.xx.2025-ci il tarixdə monitorinq aparılarkən Bakı şəhəri, Binəqədi rayonu, R.Allahverdiyev (yeni adla Söyüdlü) küçəsində ikimərtəbəli qeyri-yaşayış obyektinin ərazisindən keçən Binəqədi sukanal İdarəsinin balansında olan 110 mm-lik şəbəkə su xəttinə 20 mm-lik plastik boru vasitəsilə qanunsuz qoşulma faktı aşkar edilmişdir. Monitorinq müddətində sözügedən obyektin birinci mərtəbəsində Oba marketin, ikinci mərtəbəsində isə iaşə obyektinin fəaliyyət göstərdiyi, obyektin sahibinin Şəxs olduğu məlum olmuşdur. Vəzifəli şəxs Şəxs etdiyi qanunpozuntusuna cavab olaraq bildirmişdir ki, həmin obyekt dövlət reyestrində rəsmi qeydə alınmadığından (çıxarışı olmadığından) obyektə su xəttinin çəkilməsi mümkün olmamışdır. Göstərilənlərə əsasən Şəxs tərəfindən hüquqazidd olan, təqsirli sayılan və inzibati məsuliyyətə səbəb olan əməl törədildiyindən onun inzibati tənbeh edilməsini xahiş etmişdir. Məhkəmə iclasının vaxtı və yeri barədə vəzifəli şəxs Şəxs rəsmi qaydada bildiriş göndərilsə də, o, məhkəmə iclasına gəlməmişdir. Məhkəmə işə vəzifəli şəxs Şəxs iştirakı olmadan baxılmasını mümkün hesab etmişdir. Məhkəmə inzibati xəta haqqında protokolu və ona əlavə edilmiş sənədləri öyrənib, inzibati xəta haqqında protokol tərtib etmiş orqanın nümayəndəsinin izahatını dinləyib hesab edir ki, aşağıda göstərilənlərə əsasən vəzifəli şəxs Şəxs inzibati məsuliyyətə cəlb olunmalıdır. Belə ki, işdə olan və məhkəmə iclasında tədqiq edilmiş: Azərbaycan Dövlət Su Ehtiyatları Agentliyi yanında Suların istifadəsinə və mühafizəsinə Dövlət Nəzarət Xidmətinin 1 saylı Bakı Regional Bölməsinin əməkdaşları – D.O.Həsənəliyev, T.M.Həsənzadə və vəzifəli şəxs Şəxs iştirakları ilə tərtib edilmiş xx.xx.2025-ci il tarixli 000212 nömrəli Aktdan görünür ki, Azərbaycan Dövlət Su Ehtiyatları Agentliyi yanında Suların istifadəsinə və mühafizəsinə Dövlət Nəzarət Xidmətinin 1 saylı Bakı Regional Bölməsi tərəfindən xx.xx.2025-ci il tarixdə monitorinq aparılarkən Bakı şəhəri, Binəqədi rayonu, R.Allahverdiyev (yeni adla Söyüdlü) küçəsində ikimərtəbəli qeyriyaşayış obyektinin ərazisindən keçən Binəqədi sukanal İdarəsinin balansında olan 110 mm-lik şəbəkə su xəttinə 20 mm-lik plastik boru vasitəsilə qanunsuz qoşulma faktı aşkar edilmişdir. Monitorinq müddətində sözügedən obyektin birinci mərtəbəsində Oba marketin, ikinci mərtəbəsində iaşə obyekti kimi fəaliyyət göstərdiyi, obyektin sahibinin Şəxs olduğu məlum olmuşdur. Vəzifəli şəxs Şəxs etdiyi qanunpozuntusuna cavab olaraq bildirmişdir ki, həmin obyekt dövlət reyestrində rəsmi qeydə alınmadığından obyektə su xəttinin çəkilməsi mümkün olmamışdır. Buna dair Akt tərtib olunmuş və aktın doğruluğu bütün iştirakçılar, o cümlədən vəzifəli şəxs Şəxs tərəfindən imzalanmışdır. Eyni zamanda baxış zamanı video çəkilişdən istifadə edilmiş və videofayl Akta əlavə edilmişdir. Azərbaycan Dövlət Su Ehtiyatları Agentliyi yanında Suların istifadəsinə və mühafizəsinə Dövlət Nəzarət Xidmətinin 1 saylı Bakı Regional Bölməsi tərəfindən məhkəməyə təqdim edilmiş Arayışdan görünür ki, Bakı şəhəri, Binəqədi rayonu, R.Allahverdiyev (yeni adla Söyüdlü) küçəsində ikimərtəbəli qeyri-yaşayış obyektindən 20 mm boru vasitəsilə su təchizatına qanunsuz qoşularaq sudan istifadə olunması nəticəsində hesablanmış maddi ziyanın məbləği 2196 manat təşkil edir. Beləliklə işin təsvir edilmiş hallarından görünür ki, Azərbaycan Dövlət Su Ehtiyatları Agentliyi yanında Suların istifadəsinə və mühafizəsinə Dövlət Nəzarət Xidmətinin 1 saylı Bakı Regional Bölməsi tərəfindən xx.xx.2025-ci il tarixdə monitorinq aparılarkən Bakı şəhəri, Binəqədi rayonu, R.Allahverdiyev (yeni adla Söyüdlü) küçəsində ikimərtəbəli qeyriyaşayış obyektinin ərazisindən keçən Binəqədi sukanal İdarəsinin balansında olan 110 mm-lik şəbəkə su xəttinə 20 mm-lik plastik boru vasitəsilə qanunsuz qoşulma faktı aşkar edilmişdir. Monitorinq müddətində sözügedən obyektin birinci mərtəbəsində Oba marketin fəaliyyət göstərdiyi, ikinci mərtəbəsində isə iaşə obyektinin fəaliyyət göstərdiyi, həmçinin obyektin sahibinin Şəxs olduğu məlum olmuşdur. Vəzifəli şəxs Şəxs etdiyi qanunpozuntusuna cavab olaraq bildirmişdir ki, həmin qeyri-yaşayış sahəsi dövlət reyestrində rəsmi qeydə alınmadığından obyektə su xəttinin çəkilməsi mümkün olmamışdır. Maddi ziyan 2196 manat təşkil edir. “Su təchizatı və tullantı suları haqqında” qanunun: 67-ci maddəsinin birinci hissəsinə görə bu Qanunda nəzərdə tutulan hallar istisna olunmaqla, su təchizatı və kanalizasiya müəssisəsinin razılığı olmadan su təchizatı və kanalizasiya sisteminə qoşulmaq qadağandır. 72-ci maddəsinə görə bu Qanunun tələblərinin pozulmasında təqsirkar olan şəxslər yol verdikləri pozuntu nəticəsində su təchizatı və kanalizasiya müəssisəsinə vurulmuş maddi ziyanı ödəyir, qanunvericiliklə müəyyən edilmiş hallarda və qaydada digər məsuliyyət daşıyırlar. Azərbaycan Respublikası Nazirlər Kabinetinin 17 iyul 2014-cü il tarixli 262 nömrəli qərarı ilə təsdiq edilmiş “X3”nın: 3.1-ci maddəsinə görə su təchizatı və tullantı sularının axıdılması sistemlərinə qanunsuz (özbaşına) qoşulma halları aşkar edildikdə, bir nüsxəsi istehlakçıya təqdim olunan akt tərtib etməklə və qanunsuz qoşulmanı dərhal su və kanalizasiya sistemindən ayırmaqla, su təchizatı və kanalizasiya şəbəkəsindən istifadəni dayandırmaq və dəymiş ziyanın ödənilməsini təqsirkar şəxsdən tələb etmək su təchizatı və kanalizasiya müəssisəsinin vəzifəsidir. 8.7-ci maddəsinə görə su təchizatı sisteminə qanunsuz (özbaşına) qoşulma halları aşkar edildikdə və belə qoşulmanın tarixini müəyyən etmək mümkün olmadıqda, itirilmiş suyun həcmi bu Qaydaların 4 nömrəli əlavəsinə uyğun olaraq ötən 1 (bir) il müddətinədək hesablanır. Göründüyü kimi qanun su təchizatı və kanalizasiya müəssisəsinin razılığı olmadan su təchizatı və kanalizasiya sisteminə qoşulmanı qadağan edərək, buna görə inzibati məsuliyyət nəzərdə tutsa da, Bakı şəhəri, Binəqədi rayonu, R.Allahverdiyev (yeni adla Söyüdlü) küçəsində ikimərtəbəli qeyri-yaşayış obyektinin sahibi - hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxs Şəxs sözügedən qeyri-yaşayış sahəsində 20 mm boru vasitəsilə su təchizatına qanunsuz qoşularaq suyun talanması nəticəsində az miqdarda ziyan vurmaqla hüquqazidd olan, təqsirli sayılan və inzibati məsuliyyətə səbəb olan əməl törətmişdir. Azərbaycan Respublikasının İnzibati Xətalar Məcəlləsinin: 262.3-cü maddəsinə görə su təchizatı şəbəkəsinə qanunsuz qoşulmaqla suyun talanması nəticəsində az miqdarda ziyan vurulmasına görə fiziki şəxslər iki yüz manatdan dörd yüz manatadək məbləğdə, vəzifəli şəxslər min manatdan min beş yüz manatadək məbləğdə, hüquqi şəxslər iki min beş yüz manatdan üç min beş yüz manatadək məbləğdə cərimə edilir. 3-cü maddəsinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 12.1-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 25.1-ci maddəsinə əsasən inzibati cərimə bu Məcəllədə nəzərdə tutulmuş hallarda hakim, səlahiyyətli orqan (vəzifəli şəxs) tərəfindən təyin edilən və təqsirkar şəxsdən dövlətin xeyrinə məcburi tutulan pul məbləğidir. 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. 114.1-ci maddəsinə görə inzibati xəta haqqında işə baxılarkən aşağıdakı məsələlər barəsində qərar çıxarılır: 114.1.1.inzibati tənbeh vermə haqqında. Məhkəmə vəzifəli şəxs Şəxs məsuliyyətini yüngülləşdirən və ağırlaşdıran hal müəyyən etmir. Şərh olunanlara əsasən və Azərbaycan Respublikası İnzibati Xətalar Məcəlləsinin 114-cü maddəsini rəhbər tutaraq, məhkəmə QƏRARA ALDİ: Vəzifəli şəxs Şəxs Azərbaycan Respublikası İnzibati Xətalar Məcəlləsinin 262.3-cü maddəsi ilə təqsirli bilinib, 1200 (min iki yüz) manat cərimə edilsin. Qərardan rəsmi qaydada verildiyi gündən 10 (on) gün müddətində həmin qərarı qəbul etmiş hakim vasitəsilə və ya birbaşa apelyasiya instansiyası məhkəməsinə şikayət verilə bilər. Sədrlik edən Elçin Ağayev