Bakı Şəhəri Binəqədi Rayon Məhkəməsi Qərardad — İş №3(001)-5359/2024

Azərbaycan Respublikası adından QƏRARDAD Bakı şəhəri İş № 3(001)-5359/2024 23.09.2024 BAKI ŞƏHƏRİ BİNƏQƏDİ RAYON MƏHKƏMƏSİ Hakim Ağayev Elçin Zəkəriyə oğlu, X1 inzibati xəta haqqında protokoldan verdiyi şikayətin icraata qəbulu məsələsinə baxaraq, M Ü Ə Y Y Ə N E T D İ M: 23 sentyabr 2024-cü ildə Bakı şəhəri Binəqədi Rayon Məhkəməsinin icraatına X1 xx.xx.2024-cü il tarixli İXP ******* nömrəli inzibati xəta haqqında protokoldan verdiyi şikayət daxil olmuşdur. Şikayəti nəzərdən keçirərək hesab edirəm ki, aşağıda göstərilənlərə əsasən şikayət icraata qəbul edilmədən onu vermiş şəxsə geri qaytarılmalıdır. Belə ki, qanunda inzibati xəta haqqında protokoldan şikayət verilməsi nəzərdə tutulmamışdır. Azərbaycan Respublkası İXM-in 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Qeyd edilənləri nəzərə alaraq məhkəmə hesab edir ki, X1 xx.xx.2024-cü il tarixli İXP ******* nömrəli inzibati xəta haqqında protokoldan verdiyi şikayət icraata qəbul edilmədən geri qaytarılmalıdır. “Azərbaycan Respublikası Konstitusiya Məhkəməsi Plenumunun Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” xx.xx.2020-ci il tarixli qərarına görə Azərbaycan Respublikası İnzibati Xətalar Məcəlləsinin tələbləri baxımından inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı qəbul edilən qərardaddan apelyasiya şikayəti vermək hüququ istisna edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 132-ci maddəsini rəhbər tutaraq, Q Ə R A R A A L D İ M: X1 xx.xx.2024-cü il tarixli İXP ******* nömrəli inzibati xəta haqqında protokoldan verdiyi şikayət icraata qəbul edilmədən geri qaytarılsın. X2 izah edilsin ki, inzibati xəta haqqında protokol əsasında səlahiyyətli orqan tərəfindən qəbul edilmiş inzibati xəta haqqında qərardan məhkəməyə şikayət vermək hüququ var. Qərardaddan şikayət verilə bilməz. Hakim ELÇİN AĞAYEV