Bakı Şəhəri Binəqədi Rayon Məhkəməsi Qərar — İş №3(001)-5684/2025

Azərbaycan Respublikası adından QƏRAR Bakı şəhəri İş № 3(001)-5684/2025 15.08.2025 BAKI ŞƏHƏRİ BİNƏQƏDİ RAYON MƏHKƏMƏSİ Hakim Nəsibov Samir Nadir oğlunun sədrliyi, Bayramov Tural Ural oğlunun katibliyi, İnzibati xəta haqqında protokolu tərtib etmiş Binəqədi rayon Polis İdarəsinin 5-ci Polis Bölməsinin sahə rəisi, polis mayoru X1, Zərərçəkmiş şəxs, Barəsində inzibati xəta haqqında iş üzrə icraat aparılan şəxs Şəxs iştirakları ilə xx xxxx 1986-cı il tarixdə Şuşa şəhərində doğulmuş, Azərbaycan Respublikasının vətəndaşı, subay, orta təhsilli, işləməyən, ünvan 1 ünvanında qeydiyyatda olmaqla, ünvan 2nvanında yaşayan Şəxs Azərbaycan Respublikasının İnzibati Xətalar Məcəlləsinin (İXM) 227-ci maddəsində nəzərdə tutulan inzibati xətanı törətməsinə dair tərtib edilmiş inzibati xəta haqqında protokola açıq məhkəmə iclasında baxaraq, M Ü Ə Y Y Ə N E T D İ: Binəqədi rayon Polis İdarəsinin 5-ci Polis Bölməsinin sahə rəisi, polis mayoru X2 tərəfindən Şəxs barəsində İXM-nin 227-ci maddəsi ilə tərtib edilmiş 15 avqust 2025-ci il tarixli, MN ******* nömrəli inzibati xəta haqqında protokol baxılması üçün məhkəməyə göndərilmişdir. Protokol onunla əsaslandırılmışdır ki, Şəxs 12 avqust 2025-ci il tarixdə, saat 02:20 radələrində Binəqədi rayonu, 7-ci mikrorayonda yerləşən “Ok” marketin qarşısında dayanmış “Ford Transit” markalı, **-ML-*** dövlət qeydiyyat nişanlı avtomobilin şüşəsinin açıq olduğunu və avtomobildə heç kimin olmadığını görüb, salonda olan, Zərərçəkmiş şəxs məxsus 2 ədəd “Redmi Note 9” modello mobil telefonu oğurlayaraq, zərərçəkmiş şəxsə 300 manat maddi ziyan vurmuşdur. Məhkəmə iclasında Binəqədi rayon Polis İdarəsinin 5-ci Polis Bölməsinin sahə rəisi, polis mayoru X2 protokolu müdafiə etdiyini bildirdi. Məhkəmə iclasında zərərçəkmiş şəxs qismində dindirilmiş Zərərçəkmiş şəxs Şəxs tərəfindən ona vurulmuş zərərin tam olaraq ödənildiyini, buna görə də ondan heç bir şikayət və tələbinin olmadığını bildirib, iş üzrə icraata xitam verilməsini xahiş etdi və bu barədə ərizəsini məhkəməyə təqdim etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs törətmiş olduğu inzibati xəta hadisəsini səmimi etiraf edərək, hadisəni bir neçə gün evinə yemək almağa pulu olmadığı üçün etdiyini, hazırda zərərçəkmiş şəxsə vurduğu ziyanı tam şəkildə ödədiyini və onunla barışıq əldə etdiyini bildirib, məhkəmədən göstərilənlərin nəzərə alınmasını xahiş etdi. Məhkəmə işdə iştirak edən şəxslərin izahatlarını, şahid ifadəsini dinləyib, iş materiallarını araşdıraraq, hesab edir ki, İXM-nin 39.2-ci maddəsinin tələbləri nəzərə alınmaqla, iş üzrə icraata xitam verilməlidir. Belə ki, həmin maddəyə əsasən, bu Məcəllənin 227, 232-1-ci və 351-1-ci maddələrində nəzərdə tutulmuş inzibati xəta haqqında iş üzrə icraat zamanı inzibati xəta törətmiş şəxs vurulmuş ziyanı tamamilə ödədikdə və zərər çəkmiş şəxslə barışdıqda inzibati iş üzrə icraata xitam verilir. Həmin Məcəllənin 105.1-ci maddəsinə əsasən, bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. İş materiallarından görünür ki, Şəxs 15 avqust 2025-ci il tarixdə, saat 00:40-da inzibati qaydada tutulmuşdur. Hazırki qərarla Şəxs barəsində başlanmış inzibati xəta haqqında iş üzrə icraata xitam verildiyindən, o, məhkəmə iclas zalından dərhal azad edilməlidir. Yuxarıda göstərilənlərə əsasən və İXM-in 40, 43, 48-50, 105.1, 114-115, 117, 128- 130-cu maddələrini rəhbər tutaraq, məhkəmə Q Ə R A R A A L D İ: Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə tərtib edilmiş 15 avqust 2025-ci il tarixli, MN ******* nömrəli inzibati xəta haqqında protokol əsasında başlanmış inzibati xəta haqqında iş üzrə icraata həmin Məcəllənin 39.2-ci (vurulmuş ziyanı tamamilə ödədilməsi və zərər çəkmiş şəxslə barışıq) maddəsinə əsasən xitam verilsin. İnzibati qaydada tutulmuş Şəxs məhkəmə iclas zalından dərhal azad edilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikasının İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Hakim Samir Nəsibov