Bakı Şəhəri Binəqədi Rayon Məhkəməsi Qərardad — İş №3(001)-5843/2024

Azərbaycan Respublikası adından QƏRARDAD Bakı şəhəri İş № 3(001)-5843/2024 18.10.2024 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Sadıqova Aynurə Vahid qızı, X1 Azərbaycan Respublikası Daxili İşlər Nazirliyinin Baş X6 İdarəsi tərəfindən qəbul edilmiş xx.xx.2024-cü il tarixli, EQ 22487524 nömrəli inzibati tənbeh vermə haqqında qərarların ləğv edilməsinə dair şikayətinə məhkəmənin binasında, açıq məhkəmə iclasında baxaraq, məhkəmə müəyyən etdi: X2 məhkəməyə müraciət edərək, Azərbaycan Respublikası Daxili İşlər Nazirliyinin Baş X6 İdarəsi tərəfindən qəbul edilmiş xx.xx.2024-cü il tarixli, EQ 22487524 nömrəli inzibati tənbeh vermə haqqında qərarların ləğv edilməsi barədə qərar qəbul olunmasını xahiş etmişdir. İşin baxılmağa hazırlanması zamanı müəyyən olunmuşdur ki, verilmiş şikayət ərizəsi şikayət verməyə hüququ olmayan şəxs tərəfindən verildiyindən, həmçinin verilmiş şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Belə ki, inzibati xəta haqqında iş üzrə materiala əlavə edilmiş şikayət ərizəsi və inzibati tənbeh vermə haqqında qərarlar nəzərdən keçirilərkən müəyyən olunmuşdur ki, xx.xx.2024-cü il tarixli, EQ 22487524 nömrəli inzibati tənbeh vermə haqqında qərar X3 barəsində çıxarılmış, buna baxmayaraq, şikayət X2 tərəfindən verilmişdir. Həmçinin, X2 məhkəməyə ünvanladığı şikayət ərizəsində sözügedən qərarlardan 08 sentyabr 2024-cü ildə məlumatlı olduğunu qeyd etmişdir. Buna baxmayaraq, şikayət vermiş şəxs müddətin bərpası barədə ərizə təqdim etmədən şikayət ərizəsi ilə məhkəməyə müraciət etmişdir. Beləliklə, qeyd olunanlara əsasən X1 Azərbaycan Respublikası Daxili İşlər Nazirliyinin Baş X6 İdarəsi tərəfindən qəbul edilmiş xx.xx.2024-cü il tarixli, EQ 22487524 nömrəli inzibati tənbeh vermə haqqında qərarların ləğv edilməsinə dair verdiyi şikayət ərizəsi düzgün tərtib olunmadığından geri qaytarılmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 43.1-ci maddəsini rəhbər tutaraq, qərara aldı: X1 Azərbaycan Respublikası Daxili İşlər Nazirliyinin Baş X6 İdarəsi tərəfindən qəbul edilmiş xx.xx.2024-cü il tarixli, EQ 22487524 nömrəli inzibati tənbeh vermə haqqında qərarların ləğv edilməsinə dair müraciəti geri qaytarılsın. Hakim: Aynurə Sadıqova