Bakı Şəhəri Binəqədi Rayon Məhkəməsi Qərardad — İş №3(001)-872/2025

Azərbaycan Respublikası adından QƏRARDAD Bakı şəhəri İş № 3(001)-872/2025 27.02.2025 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Sadıqova Aynurə Vahid qızının sədrliyi, Bəbirov Qədir Nadir oğlunun katibliyi, barəsində inzibati xəta haqqında iş üzrə icraat aparılan hüquqi şəxs "xxxx" ASC-nin nümayəndəsi X1 iştirakları ilə, "xxxx" ASC barəsində Azərbaycan Respublikasının İnzibati Xətalar Məcəlləsinin (bundan sonra - İXM) 326-cı maddəsi ilə tərtib olunmuş inzibati xəta haqqında protokol üzrə toplanmış materiala məhkəmənin binasında açıq məhkəmə iclasında baxaraq, məhkəmə, müəyyən etdi: Məhkəmənin icraatına Azərbaycan Yerüstü Nəqliyyat Agentliyi tərəfindən "xxxx" ASC barəsində İXM-in 326-cı maddəsi ilə tərtib edilmiş xx.xx.2025-ci il tarixli, MN ******* nömrəli inzibati xəta haqqında protokol əsasında toplanmış material daxil olmuşdur. Məhkəmə iclasında barəsində inzibati xəta haqqında iş üzrə icraat aparılan hüquqi şəxs "xxxx" ASC-nin nümayəndəsi X2 məhkəməyə vəsatət verərək, hüquqi şəxsin qeydiyyatda olduğu ünvanın AZ5300, Siyəzən rayonu, Siyəzən şəhəri olmasını nəzərə alıb, ASC barəsində tərtib olunmuş 06 fevral 2025-ci il tarixli, MN ******* nömrəli inzibati xəta haqqında protokola hüquqi şəxsin ünvanının yerləşdiyi yerin məhkəməsində, yəni Siyəzən rayon Məhkəməsində baxılmasını xahiş etmişdir. Məhkəmə iclasında Barəsində inzibati xəta haqqında iş üzrə icraat aparılan şəxs "xxxx" ASC-nin nümayəndəsi X2 vəsatətin məzmununa uyğun çıxış edərək, inzibati xəta haqqında işin baxılması üçün aidiyyəti üzrə Siyəzən rayon Məhkəməsinə göndərilməsini xahiş etmişdir. Məhkəmə vəsatəti iş materialları ilə qarşılıqlı şəkildə araşdırıb hesab edir ki, inzibati xəta haqqında protokol və ona əlavə olunmuş materiallar baxılması üçün aidiyyəti üzrə Siyəzən rayon Məhkəməsinə göndərilməlidir. Belə ki, iş materialları əsasında məlum olmuşdur ki, inzibati xətanı törətmiş şəxs "xxxx" ASC-nin hüquqi ünvanı AZ5300, ünvan 3addəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. “Azərbaycan Respublikası İnzibati Xətalar Məcəlləsinin 110.1-ci maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 17 mart 2021-ci il tarixli qərarında formalaşdırdığı hüquqi mövqeyə əsasən inzibati xəta hərəkətsizlik formasında törədildiyi hallarda onun törədildiyi yer hərəkətin həyata keçirilməli olduğu yer, qanunvericiliklə şəxsin üzərinə düşən öhdəliyin, o cümlədən hüquqi şəxsin öhdəliyinin icra edilməli olduğu yer hesab olunur. “Azərbaycan Respublikası İnzibati Xətalar Məcəlləsinin 110.1-ci maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 17 mart 2021-ci il tarixli qərarında formalaşdırdığı hüquqi mövqeyə əsasən inzibati xəta hərəkətsizlik formasında törədildiyi hallarda onun törədildiyi yer hərəkətin həyata keçirilməli olduğu yer, qanunvericiliklə şəxsin üzərinə düşən öhdəliyin, o cümlədən hüquqi şəxsin öhdəliyinin icra edilməli olduğu yer hesab olunur. Buna görə də, iş materialları baxılması üçün inzibati xətanı törətməsi ehtimal edilən hüquqi şəxsin qeydiyyatda olduğu yer üzrə Siyəzən Rayon Məhkəməsinə göndərilməlidir. Azərbaycan Respublikası İnzibati Xətalar Məcəlləsinin 106.0 və 106.0.1-ci maddələrinin tələbinə görə hakim inzibati xəta haqqında işlərə baxarkən işin baxılmasının onun səlahiyyətinə aid olub-olmadığı məsələsini həll etməlidir. Həmin Məcəllənin 109.1 və 109.1.7-ci maddələrinin tələbinə görə əgər işə baxılması hakimin səlahiyyətinə aid deyildirsə, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edilir. Beləliklə də, təsvir olunanlarla əsasən məhkəmə hesab edir ki, "xxxx" ASC-nin barəsində inzibati xəta haqqında iş aidiyyəti üzrə Siyəzən Rayon Məhkəməsinə göndərilməlidir. “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 04 noyabr 2020-ci il tarixli Qərarına əsasən inzibati xətalar qanunvericiliyinin ümumi və xüsusi normalarında məhkəmə qərardadlarından şikayət verilməsi nəzərdə tutulmamışdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 106, 109-cu maddələrini rəhbər tutaraq, qərara aldı: Azərbaycan Yerüstü Nəqliyyat Agentliyi "xxxx" ASC-nin barəsində Azərbaycan Yerüstü Nəqliyyat Agentliyi Azərbaycan Respublikasının İnzibati Xətalar Məcəlləsinin 326cı maddəsi ilə tərtib edilmiş xx.xx.2025-ci il tarixli, MN ******* nömrəli inzibati xəta haqqında protokol və ona əlavə olunmuş materiallar hüquqi şəxsin ünvanı üzrə baxılması üçün Siyəzən Rayon Məhkəməsinə göndərilsin. Hakim: Aynurə Sadıqova