Bakı Şəhəri Binəqədi Rayon Məhkəməsi Qərardad — İş №3(001)-8735/2025

Azərbaycan Respublikası adından QƏRARDAD Bakı şəhəri İş № 3(001)-8735/2025 25.11.2025 BAKI ŞƏHƏRİ BİNƏQƏDİ RAYON MƏHKƏMƏSİ Mən, Bakı şəhəri Binəqədi Rayon Məhkəməsinin hakimi Nəsibov Samir Nadir oğlu, X2 Binəqədi rayon DYPŞ tərəfindən qəbul edilmiş 29 oktyabr 2025-ci il tarixli inzibati tənbeh vermə haqqında qərardan şikayətini məhkəmə iclasında baxılmağa hazırlanması zamanı nəzərdən keçirərək, M Ü Ə Y Y Ə N E T D İ M: X1 DYPŞ tərəfindən qəbul edilmiş 29 oktyabr 2025-ci il tarixli “inzibati tənbeh vermə haqqında” qərardan şikayətlə məhkəməyə müraciət etmişdir. Şikayəti və ona əlavə edilmiş sənədləri araşdıraraq hesab edirəm ki, şikayət geri qaytarılmalıdır. Belə ki, İXM-in 109.1.6-cı maddəsinə əsasən protokol və ya digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokollar və ya digər sənədlərin onu tərtib etmiş orqana, vəzifəli şəxsə geri qaytarılır. Hazırki halda S.Ə.Rüstəmovun şikayətindən onun tələbini müəyyənləşdirmək mümkün deyildir. Belə ki, şikayətdə polis əməkdaşının ondakı sübutlara əhəmiyyət vermədən protokol tərtib etdiyi, protokolu ona təqdim etmədiyi göstərilmiş, yəni məhkəməyə hər hansı tələb və ya xahiş ünvanlanmamışdır. Belə olan halda, hesab edirəm ki, işə mahiyyəti üzrə baxılması üçün tələb dəqiqləşdirilməli, bu məqsədlə də, hazırki şikayət geri qaytarılmalıdır. “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 22 noyabr 2020-ci il tarixli Qərarına əsasən inzibati xətalar qanunvericiliyinin ümumi və xüsusi normalarında məhkəmə qərardadlarından şikayət verilməsi nəzərdə tutulmamışdır. X6 Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. Yuxarıda göstərilənlərə əsasən və İXM-in 109.1.6-cı maddəsini rəhbər tutaraq, Q Ə R A R A A L D İ M: X2 Binəqədi rayon DYPŞ tərəfindən qəbul edilmiş 29 oktyabr 2025-ci il tarixli inzibati tənbeh vermə haqqında qərardan şikayəti və ona əlavə edilmiş sənədlər geri qaytarılsın. Qərardaddan şikayət verilə bilməz. Hakim Samir Nəsibov