Bakı Şəhəri Binəqədi Rayon Məhkəməsi Qərardad — İş №3(001)-9394/2025

Azərbaycan Respublikası adından QƏRARDAD Bakı şəhəri İş № 3(001)-9394/2025 17.12.2025 BAKI ŞƏHƏRİ BİNƏQƏDİ RAYON MƏHKƏMƏSİ Mən, Bakı şəhəri Binəqədi Rayon Məhkəməsinin hakimi Nəsibov Samir Nadir oğlu, X2 Binəqədi rayon DYPŞ tərəfindən qəbul edilmiş 11 dekabr 2025-ci il tarixli, TP seriyalı İXP ******* nömrəli inzibati tənbeh vermə haqqında qərardan şikayətini məhkəmə iclasında baxılmağa hazırlanması zamanı nəzərdən keçirərək, M Ü Ə Y Y Ə N E T D İ M: X1 DYPŞ tərəfindən qəbul edilmiş 11 dekabr 2025-ci il tarixli, TP seriyalı İXP ******* nömrəli “inzibati tənbeh vermə haqqında” qərardan şikayətlə məhkəməyə müraciət etmişdir. Şikayəti və ona əlavə edilmiş sənədləri araşdıraraq hesab edirəm ki, şikayət geri qaytarılmalıdır. Belə ki, İXM-in 109.1.6-cı maddəsinə əsasən protokol və ya digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokollar və ya digər sənədlərin onu tərtib etmiş orqana, vəzifəli şəxsə geri qaytarılır. Hazırki halda Ç.X.Cəfərov Binəqədi DYPŞ tərəfindən qəbul edilmiş 11 dekabr 2025-ci il tarixli, TP seriyalı İXP ******* nömrəli “inzibati tənbeh vermə haqqında” qərardan şikayət versə də, şikayətinə İXP ******* nömrəli “inzibati xəta haqqında protokol”u qoşma etmiş, barəsində şikayət verilmiş qərar isə əlavə olunmamışdır. Bununla da, həmin protokolun qərar qüvvəsi aldığını müəyyənləşdirmək mümkün deyildir. Digər tərəfdən, şikayətdə barəsində şikayət verilmiş qərarın nömrəsi “TP seriyalı İXP 7668480” kimi qeyri-müəyyən ifadə edilmişdir. Belə olan halda, hesab edirəm ki, işə mahiyyəti üzrə baxılması üçün şikayət dəqiqləşdirilməli, barəsində şikayət verilmiş qərar şikayətə əlavə edilməlidir, bu məqsədlə də, hazırki şikayət geri qaytarılmalıdır. “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 22 noyabr 2020-ci il tarixli Qərarına əsasən inzibati xətalar qanunvericiliyinin ümumi və xüsusi normalarında məhkəmə qərardadlarından şikayət verilməsi nəzərdə tutulmamışdır. X5 Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. Yuxarıda göstərilənlərə əsasən və İXM-in 109.1.6-cı maddəsini rəhbər tutaraq, Q Ə R A R A A L D İ M: X2 Binəqədi rayon DYPŞ tərəfindən qəbul edilmiş 11 dekabr 2025-ci il tarixli, TP seriyalı İXP ******* nömrəli inzibati tənbeh vermə haqqında qərardan şikayəti və ona əlavə edilmiş sənədlər geri qaytarılsın. Qərardaddan şikayət verilə bilməz. Hakim Samir Nəsibov