Bakı Şəhəri Binəqədi Rayon Məhkəməsi Qərar — İş №3(001)-962/2021

Azərbaycan Respublikası adından QƏRAR Bakı şəhəri İş № 3(001)-962/2021 02.02.2021 BAKI ŞƏHƏRİ BİNƏQƏDİ RAYON MƏHKƏMƏSİ Hakim Məmmədov Vüqar Nemət oğlunun sədrliyi, Almazov Pərviz Məhərrəm oğlunun katibliyi, Bakı şəhəri Binəqədi rayon İcra və probasiya şöbəsinin icra məmuru X1, Barəsində inzibati xəta haqqında iş üzrə icraat aparılan Şəxs, Müdafiəçi Bakı şəhər 11 saylı Vəkil Bürosunun vəkili Vəkil iştirakları ilə, xx.xx.1985-ci ildə Mingəçevir şəhərində doğulmuş, evli, məhkum olunmuş, fərdi əmək fəaliyyəti ilə məşğul olan, ünvan 1 ünvanında qeydiyyatda olan, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə müəyyən olunmuş inzibati xətanı törətməsinə dair Bakı şəhəri Binəqədi rayon İcra və Probasiya şöbəsindən daxil olmuş inzibati xəta haqqında materiala Binəqədi rayon Məhkəməsinin inzibati binasında baxaraq, M ü ə y y ə n e t d i m : Bakı şəhəri Binəqədi rayon İcra və probasiya Şöbəsi Binəqədi rayon Məhkəməsinə müraciət edərək Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsini xahiş etmişdir. İnzibati xəta haqqında protokol onunla əsaslandırılmışdır ki, iş üzrə borclu Şəxs Bakı Apellyasiya Məhkəməsinin 2(103)-3955/2017 saylı, xx.xx.2017-ci il tarixli icra vərəqəsinə əsasən hər ay iki uşağının saxlanılması üçün xx.xx.2016-cı il tarixdən xx.xx.2016-cı il tarixədək 240 manat, xx.xx.2017-ci il tarixdən 280 manat, Bakı şəhəri Xətai Rayon Məhkəməsinin 2(011)-3160/2020 saylı xx.xx.2020-ci il tarixli icra vərəqəsinə əsasən 340 manat alıment tutulmalıdır. Şəxs hər iki icra vərəqəsi üzrə cəmi 11800 manat aliment borcunu ödəməmişdir. Nəticədə borclu Şəxs tərəfindən Azərbaycan Respublikası İXMnin 528.1-ci maddəsində nəzərdə tutulmuş inzibati xəta törədilmişdir. Onun barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta haqqında protokol tərtib olunmuşdur. Məhkəmə prosesində Bakı şəhəri Binəqədi rayon İcra Şöbəsinin icra məmuru X5 barəsində inzibati xəta haqqında iş üzrə icraat aparılan Şəxs icra sənədlərinin icrasından qərəzli olaraq yayındığını bildirərək onun Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsini xahiş etmişdir. Məhkəmə prosesində inzibati xəta haqqında materiala baxarkən barəsində inzibati xəta haqqında iş üzrə icraat aparılan Şəxs icra sənədini icra etməkdən qəsdən yayınmadığını, öz aralarında tələbkara müxtəlif vaxtlarda ödənişlər etdiyini, hal-hazırda işləmədiyini, aliment borcunu ödəmək imkanın olmadığını, 9600 manat alacaq pulunun olduğunu, pulunu qaytarsalar hamısını aliment borcuna verəcəyini bildirərək məhkəmədən ədalətli qərar qəbul edilməsini xahiş etmişdir. Məhkəmə prosesində iştirak edən müdafiəçi Vəkil Şəxs barəsində ədalətli qərar qəbul edilməsini xahiş etmişdir. İş materiallarında olan Bakı Apellyasiya Məhkəməsinin xx.xx.2017-ci il tarixli, 2(103)-3955/2017 saylı icra sənədindən görünür ki, Şəxs xx xxxxxx 2009-cu il təvəllüdlü X3 xx xxxxxx 2016-cı il tarixdən xx xxxxxx 2016-cı il tarixədək saxlanılmaları üçün hər ay hər uşağa 120 (bir yüz iyirmi) manat, cəmi 240 (iki yüz qırx) manat, xx xxxxxx 2017-ci il tarixdən hər bir uşağın yetkinlik yaşına çatanadək saxlanılması üçün hər ay hər uşağa görə 140 (bir yüz qırx) manat, cəmi 280 (iki yüz səksən) manat sabit pul məbləğində aliment tutularaq X6 ödənilməsi qət edilmişdir. İş materiallarında olan Xətai Rayon Məhkəməsinin xx.xx.2020-ci il tarixli, 2(001)-3160/2020 saylı icra sənədindən görünür ki, Bakı şəhəri Yasamal Rayon Məhkəməsinin xx.xx.2017-ci il tarixli, 2(004)-400/2017 saylı qətnaməsi ilə təyin edilmiş alimentin miqdarının dəyişdirilməsi, cavabdeh Şəxs xx.xx.2009-cu il təvəllüdlü X2 və xx.xx.2011-ci il təvəllüdlü X3 yetkinlik yaşına çatanadək saxlanılması üçün hər ay hər uşağa görə 170 (bir yüz yetmiş) manat olmaqla, cəmi 340 (üç yüz qırx) manat sabit pul məbləğində aliment tutularaq X6 ödənilməsi qət edilmişdir. İş materiallarında olan Bakı şəhəri Binəqədi Rayon Məhkəməsinin xx.xx.2020-ci il tarixli, 8(001)-384/2020 saylı qərardaddan görünür ki, Şəxs mülkiyyətində olan “Opel Zafira” minik markalı, **-NG-*** dövlət qeydiyyat nişanlı və “Mitsubishi Pajero” minik markalı, **-SL-*** dövlət qeydiyyat nişalı nəqliyyat vasitələrinin üzərinə həbs qoyulması qərara alınmışdır. İş materiallarından aydın olur ki, Bakı şəhəri Binəqədi rayon İcra Şöbəsinin icra məmuru Z.Ağamirzəyev xx.xx.2017-ci il tarixdə “İcraata başlamaq haqqında” qərar qəbul edərək, tələbin könüllü icrası üçün Şəxs bildiriş göndərmiş, tələb könüllü icra edilmədiyi təqdirdə barəsində məcburi icra tədbirləri görüləcəyinə dair xəbərdarlıq göndərmişdir. İş materiallarında olan Binəqədi rayon icra və probasiya şöbəsinin icra məmuru N.Allahverdiyev tərəfindən qəbul edilən xx.xx.2019-cu il tarixli “Borclunun məcburi gətirilməsi haqqında” qərardan görünür ki, Şəxs fməcburi qaydada Binəqədi rayon icra və probasiya şöbəsinə gətirilməsi qərara alınmışdır. İş materiallarında olan Binəqədi rayon icra və probasiya şöbəsinin icra məmuru N.Allahverdiyev tərəfindən qəbul edilən xx.xx.2019-cu il tarixli “Borclunun axtarılması haqqında” qərardan görünür ki, Şəxs faktiki yaşadığı ünvan məlum olmadığı üçün onun barəsində axtarış elan edilməsi qərara alınmışdır. Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə fiziki şəxslər beş yüz manatdan min manatadək miqdarda cərimə edilir və ya işin hallarına görə, pozuntunu törədənin şəxsiyyəti nəzərə alınmaqla bir ayadək müddətə inzibati həbs tətbiq olunur, vəzifəli şəxslər min manatdan üç min manatadək miqdarda, hüquqi şəxslər üç min manatdan beş min manatadək miqdarda cərimə edilir. Barəsində inzibati xəta haqqında iş üzrə icraat aparılan Şəxs borcunu ödəmək niyyətinin olmasına tənqidi yanaşılmalı və bu xüsusat onun özünü müdafiə üçün seçdiyi üsul kimi qiymətləndirilməlidir. İş üzrə olan sübutlarla, Binəqədi Rayon Məhkəməsinin Bakı Apellyasiya Məhkəməsinin xx.xx.2017-ci il tarixli, 2(103)-3955/2017 saylı və Xətai Rayon Məhkəməsinin xx.xx.2020-ci il tarixli, 2(001)-3160/2020 saylı icra sənədlərini üzrsüz səbəbdən icra etməməsi, icra sənədləri üzrə borcunun ödənilməsinə laqeydliyi, bununla da İXM-nin 528.1-ci maddəsi ilə nəzərdə tutulan inzibati xətanı törədildiyi tam sübuta yetirilir. Ona görə də, o həmin maddə ilə təqsirli bilinərək inzibati qaydada tənbeh edilməlidir. Barəsində inzibati xəta haqqında icraat aparılan şəxsin məsuliyyətini yüngülləşdirən və ağırlaşdıran hallar müəyyən ediməmişdir Qanuni qüvvəyə minmiş qətnamlərə ilə müəyyən edilmiş borcun ödənilməməsində ifadə olunan inzibati xətanın xarakteri məhkəmə tərəfindən Şəxs şəxsiyyətini xarakterizə edən hal olaraq nəzərə alınır. Odur ki, Şəxs inzibati tənbehin qeyd edilənlər nəzərə alınmaqla, inzibati həbs növündə təyin edilməsi inzibati tənbehin məqsədlərinə uyğundur. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 110, 114-117, 128-131-cimaddələrini rəhbər tutaraq, Q ə r a r a a l d ı m : Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib, 15 (on beş) gün müddətinə inzibati qaydada həbs edilsin. Həbsetmənin əvvəli xx xxxxxx 2021-ci il tarixdən saat 17:15-dən hesablansın. Qərarın icrası Azərbaycan Respublikası Daxili İşlər Nazirliyi Bakı şəhəri Binəqədi rayon Polis İdarəsinin 5-ci Polis Bölməsinə və Daxili İşlər Nazirliyinə bilavasitə tabe olan İnzibati həbs olunanların saxlanılma mərkəzinə həvalə edilsin. Qərarın surəti təqdim edildiyi və ya alındığı gündən 10 gün müddətində Bakı Apellyasiya Məhkəməsinə şikayət və ya protest verilə bilər. Hakim: Vüqar Məmmədov