Bakı şəhəri Qaradağ Rayon Məhkəməsi Qərar — İş №3(002)-1000/2020

Azərbaycan Respublikası adından QƏRAR Bakı şəhəri İş № 3(002)-1000/2020 27.08.2020 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlunun sədirliyi, Şahvələdov Ümüd Nadir oğlunun katibliyi, Qaradağ RPİ-nin 11ci PB-nin sahə inspektoru polis mayoru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxx 1988-ci ildə Cəlilabad rayonunda doğulmuş, Azərbaycan Respublikası vətəndaşı, orta təhsilli, subay, Cəlilabad rayonu, Uzuntəpə kəndində qeydiyyatda olmaqla, Bakı şəhəri, Suraxanı rayonu, Hövsan qəsəbəsi, O.Şabanov küçəsi, bağ evləri ünvanında yaşayan Şəxs barəsində Qaradağ RPİ-nin 11-ci PB-dən daxil olmuş inzibati materiala məhkəmənin binasında açıq məhkəmə iclasında baxaraq, MÜƏYYƏN ETDİM: Şəxs barəsində İXM-nin 211.1-ci maddəsinə əsasəninzibati protokol tərtib edilərək baxılması üçün Qaradağ rayon məhkəməsinə göndərilmişdir. Məhkəmə iclasında iştirak edən Qaradağ RPİ-nin 11-ci PB-nin sahə inspektoru polis mayoru X2 öz izahatında protokolu müdafiə edərək bildirmişdir ki, Şəxs xx xxxxxx 2020-ci il tarixdə idarə etdiyi “Kia” minik markalı 10 UX-636 dövlət qeydiyyat nişanlı avtomobildə Bakı-Ələt magistral yolunun 65-ci kilometrliyində quraşdırılmış postdan xüsusi icazəsi olmayan sərnişinləri xüsusi karantin postunu keçirtmişdir. Bununlada o, epidemiya əleyhinə rejimin, sanitariya-gigiyena və karantin rejimlərinin tələblərini pozmuşdur. Buna görə də xx xxxxxx 2020-ci ildə Şəxs barəsində İXM-nin 211.1-ci maddəsinə əsasən inzibati protokol tərtib edilmişdir. Hazırda da inzibati protkolu müdafiə edərək Şəxs inzibati məsuliyyətə cəlb edilməsini xahiş etmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında verdiyi izahatında inzibati xəta törətməsini etiraf edərək karantin rejiminin qaydalarını bilməyərəkdən pozduğunu bildirmişdir. O, öz izahatında göstərmişdir ki, xx xxxxxx 2020-ci il tarixdə qohumu ona zəng edərək Cəlilabad şəhərində hüzr yerinə getmək lazım olduğunu bildirmişdir. Onun sürücülük vəsiqəsi olduğundan avtomobili onun idarə etməsini xahiş etmişdir. O da razılaşaraq qohumunun adına olan “Kia” minik markalı 10 UX-636 dövlət qeydiyyat nişanlı avtomobili idarə etmişdir. Həmin tarixdə quraşdırılmış xüsusi karantin postunda yoxlanılarkən, avtomobildə xüsusi icazəsi olmayan sərnişinləri yəni onun qohumlarını aşkar etmişlər. O, taksi sürücüsü olmadığını və avtomobildə əyləşən onun yaxın qohumlarının olmasını və onlarla birlikdə Cəlilabad rayonuna hüzr yerinə getdiklərini bildirmişdir. Lakin polis əməkdaşı onun özünün Cəlilabad rayonunda qeydiyyatda olduğundan icazə verəcəyini, lakin sərnişinlərin Bakı şəhərində qeyddiyyatda olduğları üçün xüsusi karantin postundan keçməsinə icazə vermədiyini bildirmişdir. Daha sonra isə orada sıxlıq olduğundan avtomobili qırağa verib saxlamasını tələb etmişdir. Oda avtomobili biraz irəli sürərək postu keçmiş və qırağda avtomobili saxlamışdır. Həmin an polis əməkdaşları onun yanına gələrək polis əməkdşaının qanuni tələblərinə tabe olmadığını və quraşdırılmış xüsusi karantin postundan qanunsuz keçməyə cəhd göstərməsini bildirərək əlavə kömək üçün post patrul naryadı çağırmışlar. Lakin o, xüsusi karantin postunu keçməkdə cəhd göstərməmiş və heç bir polis əməkdaşına qarşı qanunsuz hərəkətlər etməmişdir. Hal-hazırda törətdiyi əməldən peşiman olmasını, ilk dəfə inzibati məsuliyyətə cəlb olunmasını və “xüsusi karantin rejimini” bilərəkdən pozmamasını nəzərə alıb barəsində həbslə bağlı olmayan inzibati tənbeh tədbirinin tədbqi edilməsini xahiş etmişdir. İş materiallarına əlavə edilmiş MN ******* saylı xx xxxxxx 2020-ci il tarixli inzibati xəta haqqında protokoldan aydın olur ki, Şəxs barəsində özünün iştirakı ilə İXM-nin 211.1-ci maddəsinə əsasən prtokol tərtib edilmişdir. Beləliklə, məhkəmə araşdırması zamanı Şəxs İXM-nin 211.1-ci maddəsində nəzərdə tutulmuş inzibati xətanın törətməsi özünün və protokolu tərtib etmiş şəxsin izahatları və iş materialları ilə tam sübuta yetmişdir. Azərbaycan Respublikası İXM-nin 211.1-ci maddəsində göstərilir ki: epidemiya əleyhinə rejimin, sanitariya-gigiyena və karantin rejimlərinin pozulmasına görə fiziki şəxslər iki yüz manatdan dörd yüz manatadək məbləğdə, vəzifəli şəxslər üç min manatdan dörd min manatadək məbləğdə cərimə edilir, yaxud işin hallarına görə, xətanı törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, hüquqi şəxslər dörd min manatdan on min manatadək məbləğdə cərimə edilir. Həmin Məcəllənin İXM-nin 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə, Şəxs tərəfindən törədilmiş inzibati xətanın xarakterini, ictimai təhlükəlilik dərəcəsini və onun şəxsiyyətini nəzərə alaraq barəsində cərimə növündə inzibati tənbeh tədbirinin tətbiq edilməsini məqsədə daha müvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 115,128,129 və 130-cu maddələrini rəhbər tutaraq, QƏRARA ALDİM: Şəxs AzərbaycanRespublikasıİXM-nin 211.1-ci maddəsində nəzərdə tutulmuş inzibati xətanı törətməkdə təqsirli bilinərək 200 (iki yüz) manat məbləğində inzibati qaydada cərimə edilsin. Qərardan, onun surətinin təqdim edildiyi və ya alındığı gündən 10 (on) gün müddətində Qaradağ rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Rufan Mürsəlov