Bakı şəhəri Qaradağ Rayon Məhkəməsi Qərar — İş №3(002)-1112/2025

Azərbaycan Respublikası adından QƏRAR Bakı şəhəri İş № 3(002)-1112/2025 14.05.2025 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlunun sədrliyi, Mustafayeva Sevda Bahaddin qızının katibliyi, Qaradağ rayon icra şöbəsinin icra məmuru X2, Barəsində inzibati xəta haqqında iş üzrə icraat aparılan şəxs Şəxs iştirakları ilə, 05 avqust 1967-cı ildə Zəngilan rayonunda doğulmuş, Azərbaycan Respublikasının vətəndaşı, evli, ünvan 1 ünvanında qeydiyyatda olmaqla ünvan 2 yaşayan Şəxs Azərbaycan Respublikası İXM-nin 528.1-ci maddəsi ilə təqsirləndirilməsinə dair inzibati materiala məhkəmənin binasında, açıq məhkəmə iclasında baxaraq MÜƏYYƏN ETDİ: Şəxs Qaradağ rayon Məhkəməsinin 2(002)-2135/2016 saylı, 17 may 2016-cu il tarixli icra vərəqəsini üzrlü səbəb olmadan icra etmədiyinə görə barəsində Azərbaycan Respublikası İXM-nin 528.1-ci maddəsi ilə tərtib edilmiş inzibatı protokol baxılması üçün məhkəməyə göndərilmişdir. Məhkəmə iclasında iştirak edən Qaradağ rayon icra şöbəsinin icra məmuru X4 protokolu müdafiə edərək bildirmişdir ki, Qaradağ rayon Məhkəməsinin 2(002)-2135/2016 saylı, 17 may 2016-cı il tarixli icra vərəqəsinə əsasən, cavabdeh Şəxs 15300 (on beş min üç yüz) ABŞ dolları məbləğində borc pul vəsaitinin (icra olunduğu günə Azərbaycan manatına olan məzənnə ilə) tutularaq iddiaçı X5 ödənilməsi qət edilmişdir. Həmin icra sənədi icra olunması üçün Qaradağ rayon icra və probasiya şöbəsinə göndərilmiş, qanunvericlikdə nəzərdə tutulmuş qaydada icraata başalamaq haqqında qərar qəbul olunaraq 23 iyun 2016-cı il tarixdə tələbin könüllü icrasına dair bildirişlə birlikdə borcluya ünvanlanmışdır. 08 iyul 2016-cı il tarixdə borclu Qaradağ rayon İcra Şöbəsinə gələrək iddiaçı X5 olan borcunu digər banklara olan borcunu ödədikdən sonra ödəcəyini bildirərək bu barədə izahat yazmışdır. Sonradan borclunun yaşayış yerini müəyyən etmək mümkün olmadığından barəsində 04 oktyabr 2016-cı il tarixdə axtarış işi açılmışdır. 07 may 2019cu il tarixdə yenidən borclunun axtarışı haqqında qərar qəbul olunaraq icra olunması üçün Qaradağ rayon İcra Şöbəsinə göndərilmişdir. 05 iyul 2022-ci il tarixdə borclu saxlanılaraq Qaradağ rayon İcra Şöbəsinə təhvil verilmişdir. Həmin tarixdə borclu barəsində protokol tərtib olunaraq baxılması üçün Qaradağ rayon Məhkəməsinə göndərilmişdir. Qaradağ rayon Məhkəməsinin 3(002)-764/2022 saylı 05 iyul 2022-ci il tarixli qərarı ilə icraata xitam verilmişdir. Beləliklə borclu hal-hazıradək yaranmış borcundan heç bir ödəniş etməmişdir. Borclu bu gün, yəni 14 may 2025-ci il tarixdə Qaradağ rayon İcra Şöbəsinə məcburi gətirilmişdir. Bütün bu qeyd etdiklərinin nəzərə alınaraq borclu barəsində İXM-nin 528.1-ci maddəsi ilə 14 may 2025-cü il tarixli MN ******* saylı protokol tərtib etmiş və borclunun inzibati məsuliyyətə cəlb olunmasını xahiş etmişdir. İcra məmuru öz izahatında daha sonra göstərmişdir ki, məhkəmə iclasının yeri və vaxtı barədə X1 məlumat verilsə də tələbkar hal-hazırda Bakı şəhərində olmadığını, işə onun iştirakı olmadan baxılmasına etiraz etmədiyini və yaranmış borcunu tələb etdiyini bildirmişdir. Məhkəmə iclasında iştirak edən borclu Şəxs öz izahatında barəsində tərtib edilmiş protokolu qəbul edərək göstərmişdir ki, icra vərəqəsindən məlumatı vardır, lakin indiyədək heç bir imkanı olmadığından həmin məbləği ödəyə bilməmişdir. Belə ki, ağciyər xərçəngi, sümük xəstəliyi və yüksək təzyiqdən əziyyət çəkir. Səhhəti imkan vermədiyinə görə heç bir yerdə işləyə bilmir, həmçinin ailə üzvləri ondan üz döndərdiyindən bir neçə şəxsin maddi yardımları sayəsində kirayədə yaşayır. X1 isə borcundan on min manata yaxın ödəniş etmişdir, lakin bunu sübut edəcək rəsmi bir sənədi yoxdur. Şərait yaradılcağı təqdirdə gələcəkdə borcundan müəyyən ödənişlər etməyə çalışacağını bildirərək, həmçinin tələbkarla aralarında razılığa gəlməyə çalışacağını bildirərək inzibati iş üzrə icraata xitam verilməsini məhkəmədən xahiş etmişdir. Məhkəmə, tərəflərin izahatını və icra işini nəzərdən keçirərək, hesab edir ki, borclu Şəxs əməlində hazırki vaxtda inzibati xəta tərkibi olmadığından inzibati xəta haqqında iş üzrə icraata xitam verilməlidir. Belə ki, məhkəmə araşdırması zamanı borclunun yaranmış borcunu ödəməkdən qəsdən yayınmasına və eləcə də icra məmurunun qanuni tələblərinə qəsdən tabe olmamasına dair heç bir hal müəyyən edilməmişdir. Bundan başqa, məhkəmə araşdırılması zamanı müəyyən edilmişdir ki, borclu rəsmi qaydada heç bir yerdə işləməməklə hər hansı bir gəlirə də malik olmamışdır. Göründüyü kimi borclunun yaranmış borcunu ödəməkdən qəsdən yayınmasına dair heç bir hal müəyyən edilməmişdir. İnzibati Xətalar Məcəlləsinin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114.1.4-cü maddəsinə əsasən inzibati xəta haqqında işə baxılarkən inzibati xəta haqqında iş üzrə icraata xitam verilməsi haqqında məsələ üzrə qərar çıxarılır. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Beləliklə məhkəmə yuxarıda qeyd olunanları nəzərə alaraq hesab edir ki, borclu Şəxs əməlində hal-hazırda inzibati xəta tərkibinin olması öz təsdiqini tapmamışdır. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barədə şübhələr onun xeyrinə həll edilir. Qeyd olunanları nəzərə alaraq və Azərbaycan Respublikası İnzibati Xətalar Məcəlləsinin 115,128,129 və 130-cu maddələrini rəhbər tutaraq, məhkəmə QƏRARA ALDİ: Şəxs əməlində Azərbaycan Respublikası İXM-nin 528.1-ci maddəsində nəzərdə tutulmuş inzibati xəta tərkibi olmadığından başlanmış inzibati xəta haqqında icraata xitam verilsin. Qərardan onun surəti təqdim edildiyi və ya alındığı gündən 10 (on) gün müddətində Qaradağ rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və protesti verilə bilər. Sədrlik edən: Rufan Mürsəlov