Bakı şəhəri Qaradağ Rayon Məhkəməsi Qərardad — İş №3(002)-1150/2025

Azərbaycan Respublikası adından QƏRARDAD Bakı şəhəri İş № 3(002)-1150/2025 19.05.2025 BAKI ŞƏHƏRİ QARADAĞ RAYON MƏHKƏMƏSİ Bakı şəhəri Qaradağ Rayon Məhkəməsinin hakimi Dadaşova Şəfa Əliövsət qızı, Şəxs Azərbaycan Respublikasının İXM-in 198.2-ci maddəsi ilə inzibati məsuliyyətə cəlb edilməsinə dair Bakı şəhəri Qaradağ Rayon Prokurorluğundan daxil olmuş inzibati xəta haqqında iş materiallarına baxaraq, MÜƏYYƏNETDİ: Şəxs Azərbaycan Respublikasının İXM-in 198.2-ci maddəsi ilə inzibati məsuliyyətə cəlb edilməsinə dair Bakı şəhəri Qaradağ Rayon Prokurorluğundan xx.xx.2025-ci il tarixli inzibati xətaya dair iş üzrə icraatın başlanması haqqında qərar və ona əlavə edilmiş sənədlər Qaradağ Rayon Məhkəməsinə daxil olmuşdur. Məhkəmə inzibati xəta haqqında protokolu, ona əlavə edilmiş materialları nəzərdən keçirərək hesab edir ki, inzibati xəta haqqında material natamam olduğundan, işə baxılarkən tamamlamaq mümkün olmadığından Bakı şəhəri Qaradağ Rayon Prokurorluğuna geri qaytarılmalıdır. Belə ki, Bakı şəhəri Qaradağ Rayon Prokurorluğunun müstəntiqi tərəfindən inzibati xəta üzrə xx.xx.2025-ci il tarixdə hadisə yerinə baxış keçirilməsinə, bununla bağlı tərtib olunmuş protokolda aparılmış videoqeydlə bağlı DVD diskin mövcud olmasının qeyd olunmasına baxmayaraq, material natamam qaydada, videogörüntülərin əlavə edildiyi DVD disk daxil edilmədən məhkəməyə daxil olmuşdur. Həmin Məcəllənin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Belə olan halda hesab edirəm ki, yuxarıda qeyd edilən nöqsanlar aradan qaldırılması üçün inzibati xətaya dair iş üzrə icraatın başlanması haqqında qərar və ona əlavə edilmiş sənədlərlə birlikdə onu tərtib etmiş orqana geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 100, 101,102.5 və 109-cu maddələrini rəhbər tutaraq QƏRARAALDİ: Şəxs Azərbaycan Respublikasının İnzibati Xətalar Məcəlləsinin 198.2-ci maddəsi ilə nəzərdə tutulmuş inzibati xətaya dair iş üzrə icraatın başlanması haqqında qərar və toplanmış material Bakı şəhəri Qaradağ Rayon Prokurorluğuna qaytarılsın. Hakim: Şəfa Dadaşova