Bakı şəhəri Qaradağ Rayon Məhkəməsi Qərardad — İş №3(002)-1217/2025

Azərbaycan Respublikası adından QƏRARDAD Bakı şəhəri İş № 3(002)-1217/2025 11.06.2025 BAKI ŞƏHƏRİ QARADAĞ RAYON MƏHKƏMƏSİ Hakim Dadaşova Şəfa Əliövsət qızının sədrliyi, Məmmədova Ülviyyə Nizami qızının katibliyi ilə, X2 barəsində tərtib olunmuş xx.xx.2024-cü il tarixli EQ 25124541 nömrəli inzibati tənbeh vermə haqqında qərardan verdiyi şikayətə açıq məhkəmə iclasında baxaraq, məhkəmə MÜƏYYƏNETDİ: X2 məhkəməyə müraciət edərək barəsində tərtib olunmuş xx.xx.2024-cü il tarixli EQ 25124541 nömrəli inzibati tənbeh vermə haqqında qərarın ləğv edilməsi və iş üzrə icraata xitam verilməsini məhkəmədən xahiş etmişdir. Məhkəmə iclasının vaxtı və yeri barədə inzibati tənbeh vermə qərarını qəbul etmiş səlahiyyətli orqana və qərardan şikayət vermiş şəxsə rəsmi məlumat verilməsinə baxmayaraq, iş üzrə tərəflər məhkəmə iclasına gəlməmiş, səbəbləri barədə məhkəməyə məlumat verməmişdirlər. Bu səbəbdən məhkəmə iclasın proses iştirakçılarının iştirakı olmadan keçirilməsini mümkün hesab edir. Məhkəmə şikayət ərizəsini, həmçinin ona əlavə edilmiş materialları nəzərdən keçirərək hesab edir ki, şikayət ərizəsi və ona əlavə edilmiş sənədlər icraata qəbul edilmədən şikayətçiyə qaytarılmalıdır. Belə ki, məhkəmə icasında müəyyən edilmişdir ki, X1 eyni qərardan şikayət ərizəsinə daha öncə Qaradağ Rayon Məhkəməsində baxılaraq, məhkəmənin 3(002)-82/2025 saylı, xx.xx.2025-ci il tarixli qərarı ilə rədd edilmişdir. Bu səbəbdən məhkəmə şikayət etmiş şəxsin nəzərinə çatdırır ki, inzibati orqanın inzibati tənbeh vermə qərarından şikayətlə bağlı məhkəmənin ləğv edilməmiş, qanuni qüvvəyə minmiş qərarı mövcuddur. Azərbaycan Respublikasının İXM-nin 53.1.7-ci maddəsinin tələbinə görə barəsində inzibati xəta haqqında iş üzrə icraat aparılan şəxsə aid eyni fakt üzrə inzibati tənbeh etmək haqqında hakimin, səlahiyyətli orqanın (vəzifəli şəxsin) qərarı olduqda, yaxud inzibati xəta haqqında işə xitam verilməsi barəsində ləğv edilməmiş qərar olduqda, habelə həmin fakt üzrə cinayət işi başlamaq haqqında qərar olduqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd olunanlara əsasən məhkəmə hesab edir ki, X2 barəsində tərtib olunmuş xx.xx.2024-cü il tarixli EQ 25124541 nömrəli inzibati tənbeh vermə haqqında qərardan şikayəti və ona əlavə edilmiş sənədlər şikayətçiyə geri qaytarılmalıdır. Göstərilənlərə əsasən və Azərbaycan Respublikasının İXM-nin 128-ci maddəsini rəhbər tutaraq, məhkəmə Q Ə R A R A A L D İ: X1 barəsində tərtib olunmuş xx.xx.2024-cü il tarixli EQ 25124541 nömrəli inzibati tənbeh vermə haqqında qərardan şikayəti və ona əlavə edilmiş sənədlər şikayətçiyə geri qaytarılsın. Hakim: Şəfa Dadaşova