Bakı şəhəri Qaradağ Rayon Məhkəməsi Qərar — İş №3(002)-1334/2025

Azərbaycan Respublikası adından QƏRAR Bakı şəhəri İş № 3(002)-1334/2025 14.07.2025 BAKI ŞƏHƏRİ QARADAĞ RAYON MƏHKƏMƏSİ Hakim Qurbanov Teymur Əhməd oğlunun sədrliyi, İlyasov Ceyhun Bəhruz oğlunun katibliyi ilə, Qərardan şikayət verən X2 iştirakı ilə, X2 Bakı şəhəri DYPİ Yol Patrul Xidməti inspektoru, polis baş serjantı X7 tərəfindən qəbul edilmiş 19 mart 2025-ci il tarixli, TP ******* saylı inzibati tənbeh vermə haqqında qərarından verdiyi şikayətə məhkəmənin binasında, açıq məhkəmə iclasında baxaraq, məhkəmə müəyyənetdi: X3 Bakı şəhəri DYPİ Yol Patrul Xidməti inspektoru, polis baş serjantı X7 tərəfindən qəbul edilmiş 19 mart 2025-ci il tarixli, TP ******* saylı inzibati tənbeh vermə haqqında qərarından şikayətlə məhkəməyə müraciət etmişdir. Şikayət onunla əsaslandırılmışdır ki, Bakı şəhəri DYPİ Yol Patrul Xidməti inspektoru, polis baş serjantı X7 tərəfindən qəbul edilmiş 19 mart 2025-ci il tarixli, TP ******* saylı qərarla o Azərbaycan Respublikası İXM-nin 327.1-ci maddəsində nəzərdə tutulmuş inzibati xəta törətdiyinə görə 40 manat məbləğində cərimə edilmişdir. Qəbul edilmiş qərarla razı deyil, qeyd edilən səbəblərə görə barəsində qəbul edilmiş qərar ləğv edilməli və iş üzrə icraata xitam verilməlidir. Belə ki, 99XH414 dövlət qeydiyyat nişanlı “Mercedes Benz ML 350” markalı minik avtomobilini etibarnamə əsasında idarə edir. Həmin avtomobillə xx.xx.2025-ci il tarixdə saat 13:15-də Bakı şəhəri, 28 may ərazisinə yaxın “Yol hərəkəti haqqında” Azərbaycan Respublikasının Qanununa 3 saylı əlavədə göstərilən 4.1.4 yol nişanı üzrə sol orta zolaq üzrə düzünə hərəkət etmişdir. DYP əməkdaşı isə onu saxlayaraq qanunsuz və əsassız olaraq xx.xx.2025-ci il tarixli İXP ******* nömrəli protokol tərtib etmişdir. Həmin protokoldan narazılığını bildirdikdə, görüntünü tələb etdikdə idarəyə gedib görüntünü görə biləcəyini bildirdi. Halbuki kameraya inzibati xəta düşdüyü halda əməkdaşın protokol tərtib etməsi qanunsuzdur. Həmin qərarın ünvanına göndəriləcəyini gözləsə də DYPİ tərəfindən bu hərəkət həyata keçirilməmiş, bu səbəbdən şikayət verə bilməmişdir. Dəfələrlə qərarın surəti üçün müraciət etsə də qərar ünvanına göndərilməmişdir. xx.xx.2025-ci il tarixdə tərəfindən elektron qaydada BDYPİ-nin e-mail ünvanına məktub yazılmış, yalnız bundan sonra qərar elektron formada e-mailinə göndərilmişdir. Odur ki, qeyd edilənləri nəzərə alaraq Bakı şəhəri DYPİ Yol Patrul Xidməti inspektoru, polis baş serjantı X7 tərəfindən qəbul edilmiş 19 mart 2025-ci il tarixli, TP ******* saylı inzibati xəta haqqında qərarın ləğv edilməsi barədə qərar qəbul edilməsini xahiş edir. Məhkəmə iclasında X3 ərizəyə uyğun izahat verərək, inzibati qərarın ləğv edilməsini məhkəmədən xahiş etmişdir. Məhkəmə iclasının vaxtı və yeri barədə qanunvericiliklə nəzərdə tutulmuş qaydada məlumat verilməsinə baxmayaraq, Bakı şəhəri DYPİ Yol Patrul Xidməti inspektoru, polis baş serjantı X7 məhkəmə iclasında gəlməmiş, gəlməməsinin səbəbləri barədə də məhkəməyə heç bir məlumat verilməmiş və eləcə də qeyd olunan inzibati işlə əlaqədar Bakı şəhəri DYPİ Yol Patrul Xidməti inspektoru, polis baş serjantı X7 məhkəməyə hər hansı bir sübut təqdim etməmişdir. Məhkəmə işə Bakı şəhəri DYPİ Yol Patrul Xidməti inspektoru, polis baş serjantı X4 iştirakı olmadan baxılmasını mümkün hesab etmişdir. Məhkəmə iş materiallarını araşdıraraq hesab edir ki, ərizə təmin olunmalıdır. Azərbaycan Respublikası İXM-nin 12-ci maddəsinə əsasən, "Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur." İXM-nin 3-cü maddəsinə görə isə, "Yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Təqsir inzibati xətanın əsas elementidir. Əməlin hüquqazidd olmasına baxmayaraq, təqsirin olmaması əməlin inzibati xəta kimi sayılmamasına səbəb olur. Beləliklə, iş materiallarından görünür ki, mübahisələndirilən inzibati xəta üzrə prosessual qaydalara əməl olunmamış və xəta üzrə əməldə inzibati xəta tərkibi olubolmaması şəxsin iştirakı ilə araşdırılmadan X2 təqsirinin olması əsas götürülərək müvafiq qərar qəbul olunmuşdur. X1 ümumiyyətlə protokol və ya qərar tərtib olunarkən ona bildiriş göndərilməmiş, idarəyə dəvət olunmamış və inzibati araşdırılma aparılmadan barəsində əsassız qərar qəbul olunmuşdur. Azərbaycan Respublikası İnzibati Xətalar Məcəlləsinin: 100.1-ci maddəsinə əsasən bu Məcəllənin 54-cü maddəsində nəzərdə tutulmuş hallar istisna olmaqla, inzibati xətanın törədilməsi haqqında protokol tərtib edilir. İnzibati xəta haqqında protokolda aşağıdakılar göstərilir: 100.1.7-ci maddəsinə əsasən barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları; 100.2-ci maddəsinə əsasən protokol tərtib edilərkən, barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə, habelə inzibati xəta haqqında iş üzrə icraatın digər iştirakçılarına bu Məcəllədə nəzərdə tutulmuş hüquqları və vəzifələri izah edilir və bu barədə protokolda müvafiq qeyd aparılır. 100.3-cü maddəsinə əsasən barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə inzibati xəta haqqında protokolun surəti verilir. İnzibati xəta haqqında iş üzrə zərər çəkmiş şəxsin də inzibati xəta haqqında protokolun surətini almaq hüququ vardır. 100.4-cü maddəsinə əsasən protokol onu tərtib etmiş şəxs, barəsində inzibati xəta haqqında iş üzrə icraat aparılan fiziki şəxs və ya hüquqi şəxsin nümayəndəsi tərəfindən imzalanır. Barəsində inzibati xəta haqqında iş üzrə icraat aparılan fiziki şəxs və ya hüquqi şəxsin nümayəndəsi protokolu imzalamaqdan imtina etdikdə, bu barədə protokolda müvafiq qeyd aparılır. Barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatlar və protokolun məzmunu barəsində öz mülahizələrini təqdim etmək, habelə protokolu imzalamaqdan imtina etməsinin səbəblərini göstərmək hüquqları vardır. Onların bu izahatları və mülahizələri protokola əlavə olunur. Bundan başqa iş materialları nəzərdən keçirilərkən müəyyən edilmişdir ki, X2 izahatı alınmamış, həmçinin qərarın surəti ona təqdim edilməmiş və ya imza etməkdən imtina edilməsi barədə qərarda müvafiq qeyd aparılmamışdır. Azərbaycan Respublikası İnzibati Xətalar Məcəlləsinin 134.1.4-cü maddəsinə əsasən bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir. Qeyd edilənlərə əsasən məhkəmə hesab edir ki, 19 mart 2025-ci il tarixli, TP ******* saylı inzibati xəta haqqında qərarın qəbul edilməsi zamanı kobud pozuntulara yol verildiyindən qərar ləğv edilməli və yenidən baxılması üçün Bakı şəhəri DYPİ-nə göndərilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 134, 128-133-cü maddələrini rəhbər tutaraq, məhkəmə qəraraaldı: X2 inzibati xəta haqqında qərarın ləğv edilməsi haqqında şikayət ərizəsi təmin edilsin. Bakı şəhəri DYPİ Yol Patrul Xidməti inspektoru, polis baş serjantı X7 tərəfindən qəbul edilmiş 19 mart 2025-ci il tarixli, TP ******* saylı qərar ləğv edilsin. İnzibati xəta haqqında iş yenidən baxılması üçün Bakı şəhəri DYPİ-nə göndərilsin. Qərarın surəti rəsmi qaydada verildiyi vaxtdan on gün müddətində Bakı Apellyasiya Məhkəməsinə şikayət verilə bilər. Hakim Teymur Qurbanov