Bakı şəhəri Qaradağ Rayon Məhkəməsi Qərar — İş №3(002)-1397/2023

Azərbaycan Respublikası adından QƏRAR Bakı şəhəri İş № 3(002)-1397/2023 13.07.2023 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlunun sədrliyi, Mustafayeva Sevda Bahaddin qızının katibliyi, Qaradağ rayon icra şöbəsinin icra məmuru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxxxx 1990-cı ildə Ağdaş rayonu, Kükəl kəndində doğulmuş, Azərbaycan Respublikasının vətəndaşı, subay, orta təhsilli, deməsinə görə əvvəllər məhkum olunmamış, Ağdaş rayonu, Kükəl kəndində qeydiyatda olmaqla ünvan 1 ünvanında yaşayan Şəxs Azərbaycan Respublikası İXM-nin 528.1-ci maddəsilə inzibati inzibati məsuliyyətə cəlb edilməsinə dair materiala məhkəmənin inzibati binasında açıq məhkəmə iclasında baxaraq MÜƏYYƏN ETDİ: Qaradağ rayon İcra şöbəsinin icra məmuru X6, borclu Şəxs barəsində protokol tərtib edərək, Qobustan Rayon Məhkəməsinin 04 aprel 2016-cı il tarixdə verilmiş, 2(026)- 102/2016 saylı və 11 dekabr 2020-ci il tarixli, 2(026)-191/2020 saylı, icra vərəqələrini üzrlü səbəb olmadan icra etmədiyinə görə onun İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsini xahiş etmişdir. Məhkəmə iclasında Qaradağ rayon İcra şöbəsinin icra məmuru X6 izahat verərək bildirmişdir ki, Qobustan rayon məhkəməsinin 2(026)-102/2016 saylı, 04 aprel 2016-cı il tarixldə verilmiş icra vərəqəsinə əsasən X2 hər ay 118 manat sabit pul məbləğində alimentin tutulub 06 iyun 2014-cü il tarixdə anadan olmuş X3 yetkinlik yaşına çatanadək saxlanılması üçün X4 verilməsi qət edilmişdir. Bundan başqa Qobustan rayon Məhkəməsinin 2(026)-191/2020 saylı, 11 dekabr 2020-ci il tarixli icra vərəqəsinə əsasən isə 06 iyun 2014-cü il tarixdə anadan olmuş X7 və 03 avqust 2016-cı il tarixdə anadan olmuş X5 yetkinlik yaşına çatanadək saxlanması üçün Şəxs hər ay hər uşağa görə 100 manat olmaqla, cəmi 200 manat sabit pul məbləğində alimentin tutulub X4 verilməsi qət edilmişdir. Hər iki icra sənədini bir icraatda birləşdirilərək qanunvericiliklə nəzərdə tutulmuş qaydada icraata başlamaq haqqında qərar qəbul olunaraq tələbin könüllü icrasına dair bildirişlə birgə borcluya göndərilmişdir. Borclu icra sənədini icra etməyərək indiyədək aliment borcundan heç bir ödəniş etməmişdir, bu günədək 17384 manat aliment borcu qalmaqdadır. Buna görə də borlcu barəsində 13 iyul 2023-cü il tarixli MN ******* saylı protokol tərtib edilmişdir. O öz izahatında daha sonra göstərmişdir ki, tələbkar X8 ilə mobil telefon vasitəsilə əlaqə saxlanılaraq məhkəmə iclasında iştirak etməsi təklif edilsə, tələbkar maddi imkansızlığı səbəbindən məhkəməyə gələ bilməyəcəyini, borclunun aliment borclarını ödəmədiyi üçün ondan şikayətçi olduğunu və barəsində daha ciddi inzibati tənbeh tədbirinin tətbiq edilməsini xahiş etmişdir. Bütün bunların nəzərə alınaraq borclu barəsində inzibati tənbeh tədbirinin tətbiq edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan fiziki şəxs Şəxs öz izahatında bildirmişdir ki, borcundan xəbəri vardır, tələbkarla rəsmi şəkildə ayrılsalar da 2011-ci il tarixdən 2020-ci il tarixədək birlikdə yaşamışlar. Birlikdə yaşadıqları müddətdə hər iki övladı onun himayəsində olmuşdur. Buna görə də aliment borclarının yığıldığından məlumatlı olmamışdır. O hal-hazırda heç bir maddi imkanının olmadığını, vaxt veriləcəyi təqdirdə növbəti aydan kifayət qədər aliment borcundan ödəniş edəcəyini bildirmişdir. O barəsində həbslə bağlı olmayan inzibati tənbeh tədbirinin tədbiq edilməsini xahiş etmişdir. Tərtib edilmiş inzibati protokoldan, iş materiallarından, borclunun, icra məmurunun və tələbkarın izahatlarından aydın olur ki, Şəxs heç bir üzrlü səbəb olmadan icra sənədini uzun müddətdər ki, icra etməmişdir. Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətməsi işdə iştirak edən şəxslərin izahatları və inzibati xəta haqqında tərtib edilmiş 13 iyul 2023-cü il tarixli MN ******* saylı protokolla və işin digər halları ilə tam təsdiq olunur. Azərbaycan Respublikası İXM-nin 528.1-ci maddəsinə əsasən məhkəmə qərarlarını üzürsüz səbəbdən icara etməməkvə icra məmurunun qanuni tələblərinə tabe olmamaq inzibatı məsulliyət yaradır. Azərbaycan Respublikası İXM-nin 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə, iş materiallarını nəzərdən keçirib hesab edir ki, borclunun qanuni qüvvəyə minmiş məhkəmə qətnaməsinin icrasından uzun müddət keçməsinə baxmayaraq qətnaməni icra etməməsi qərəzli yayınma kimi qiymətləndirilməlidir. Hazırki məhkəmə iclasında da borclu, borcun ödənilməsi üçün hər hansı bir formada cəhd belə göstərməmiş və bu barədə məhkəməyə hər hansı inandırıcı heç bir dəlil də gətirməmiş, əksinə öz izahatı və hərəkətləri ilə yaranmış borcunu ödəməyəcəyini bir daha nümayiş etdirmişdir. Ona görə də Şəxs Azərbaycan Respublikası İXM-nin 528.1-ci maddəsi ilə təqsirli bilinib, ona həmin maddənin sanksiya çərçivəsində inzibati həbs növündə tənbeh tədbirinin tətbiq edilməsi daha qanuni, əsaslı və ədalətlidir. Qeyd olunanları nəzərə alaraq və Azərbaycan Respublikası İnzibati Xətalar Məcəlləsinin 115,128,129 və 130-cu maddələrini rəhbər tutaraq, QƏRARA ALDİ: 1.Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib 08 (səkkiz) gün müddətinə inzibati qaydada həbs edilsin. 2.Həbs müddətinin əvvəli 13 iyul 2023-cü il tarixdən saat 17:30-dan hesablansın. 3.Qərarın icrası Qaradağ rayon Polis İdarəsinə və Qaradağ rayon İcra şöbəsinə həvalə edilsin. 4.Qərardan, onun surətinin təqdim edildiyi və ya alındığı gündən 10 (on) gün müddətində Qaradağ rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Rufan Mürsəlov