Bakı şəhəri Qaradağ Rayon Məhkəməsi Qərar — İş №3(002)-1443/2021

Azərbaycan Respublikası adından QƏRAR Bakı şəhəri İş № 3(002)-1443/2021 29.12.2021 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlunun sədrliyi, Mustafayeva Sevda Bahaddin qızının katibliyi ilə, Şəxs Azərbaycan Respublikası İXM-nin 529.1-ci maddəsilə inzibati inzibati məsuliyyətə cəlb edilməsinə dair materiala məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Qaradağ rayon İcra şöbəsinin böyük icra məmuru X1 tərtib etdiyi 01 dekabr 2021-ci il tarixli MN ******* saylı inzibati xəta haqqında protokoldan aydın olur ki, Qədirli X2 RPİ-nin 10-cu PB-nin ******* saylı 15 dekabr 2020-ci il tarixli icra sənədinin icrasını təmin etməmiş, cəriməni ödəməmişdir. Məhkəmə iclasının yeri və vaxtı barədə Qaradağ rayon İcra şöbəsinə və barəsində inzibati xəta haqqında iş üzrə icraat aparılan Şəxs rəsmi qaydada məlumat verilsə də, tərəflər məhkəmə iclasında iştirak etməmiş, iştirak etməmələrinin səbəbləri barədə də məhkəməyə heç bir məlumat verməmişlər. Məhkəmə işə tərəflərin iştirakı olmadan baxılmasını mümkün hesab etmişdir. İş materiallarına əlavə edilmiş 15 dekabr 2020-ci il tarixli MN ******* saylı inzibati xəta haqqında protokoldan və 15 dekabr 2020-ci il tarixli MN ******* saylı iznibati tənbehvermə haqqında qərarların surətindən aydın olur ki, Şəxs 15 dekabr 2020-ci il tarixdə Lökbatan qəsəbəsində, saat 21:00 radələrində SMS icazəsi olmadan çölə çıxdığna görə onun barəsində İXM-nin 211.1-ci maddəsi ilə protokol tərtib edilərək 200 manat məbləğində cərimə edilmişdir. Məhkəmə, inzibati xəta haqqında protokolu və ona əlavə edilmiş sənədləri nəzərdən keçirərək hesab edir ki, borclu Şəxs əməlində hazırki vaxtda inzibati xəta tərkibi olmadığından inzibati xəta haqqında iş üzrə icraata xitam verilməlidir. Belə ki, məhkəmə araşdırması zamanı borclunun yaranmış borcunu ödəməkdən qəsdən yayınmasına və eləcə də icra məmurunun qanuni tələblərinə qəsdən tabe olmamasına dair heç bir hal müəyyən edilməmişdir. Məhkəmə araşdırması zamanı müəyyən edilmişdir ki, borclu rəsmi heç bir yerdə işləməməklə, adına rəsmiləşdirilmiş daşınar və ya daşınmaz əmlak yoxdur. Bundan başqa tərtib edilmiş inzibati protokoldan və ona əlavə edilmiş sənədlərdən borclu Şəxs yaranmış borcunu ödəməkdən qərəzli yayınmasını müəyyən etmək mümkün deyildir. İş materiallarına əlavə edilmiş Şəxs 29 noyabr 2021-ci il tarixli izahatından da aydın olur ki, onun icra sənədi üzrə hər hansı bir ödəniş etməyə imkanı yoxdur. İnzibati Xətalar Məcəlləsinin 529.1-ci maddəsinə əsasən yol hərəkəti qaydaları əleyhinə olan inzibati xətaların və bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə istisna olmaqla, inzibati cərimə növündə inzibati tənbeh tətbiq etmə haqqında səlahiyyətli orqanın (vəzifəli şəxsin) qərarının qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə yüz altmış saatdan iki yüz qırx saatadək ictimai işlər tətbiq olunur. Həmin Məcəllənin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114.1.4-cü maddəsinə əsasən inzibati xəta haqqında işə baxılarkən inzibati xəta haqqında iş üzrə icraata xitam verilməsi haqqında məsələ üzrə qərar çıxarılır. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barədə şübhələr onun xeyrinə həll edilir. Qeyd olunanları nəzərə alaraq və Azərbaycan Respublikası İnzibati Xətalar Məcəlləsinin 115,128,129 və 130-cu maddələrini rəhbər tutaraq, məhkəmə QƏRARA ALDİM: Şəxs əməlində Azərbaycan Respublikası İXM-nin 529.1-ci maddəsində nəzərdə tutulmuş inzibati xəta tərkibi olmadığından başlanmış inzibati xəta haqqında icraata xitam verilsin. Qərardan, onun surətinin rəsmi qayda təqdim edildiyi və ya alındığı gündən 10 (on) gün müddətində Qaradağ Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və protesti verilə bilər. Hakim: Rufan Mürsəlov