Bakı şəhəri Qaradağ Rayon Məhkəməsi Qərar — İş №3(002)-1504/2023

Azərbaycan Respublikası adından QƏRAR Bakı şəhəri İş № 3(002)-1504/2023 31.07.2023 BAKI ŞƏHƏRİ QARADAĞ RAYON MƏHKƏMƏSİ Hakim Qurbanov Teymur Əhməd oğlunun sədrliyi, İlyasov Ceyhun Bəhruz oğlunun katibliyi ilə, Qaradağ Rayon Polis İdarəsi 38-ci polis bölməsinin polis sahə rəisi X3, Zərəçəkmiş şəxs X1, Barəsində inzibati xəta haqqında iş üzrə icraat aparılan Şəxs iştirakları ilə, xx.xx.1978-ci ildə Cəbrayıl rayonu, Yuxarı Mərcanlı kəndində doğulmuş, Azərbaycan Respublikası vətəndaşı, evli, əvvəllər inzibati məsuliyyətə cəlb edilmiş, Cəbrayıl rayonu, Böyük Mərcanlı kəndində qeydiyyatda olmaqla, Bakı şəhəri, Qaradağ rayonu, Qızıldaş qəsəbəsi, 2-ci massiv nömrəsiz fərdi evdə yaşayan, Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsi ilə daxil olmuş inzibati xəta haqqında materiala baxaraq, məhkəmə m ü ə y y ə n e t d i: Şəxs 06 iyul 2023-cü il tarixdə, ünvan 1 ünvanında aralarında yaranmış münaqişə zamanı həyat yoldaşı X2 vuraraq sağlamlığa zərər vurmayan xəsarətlər yetirmişdir. Qeyd olunanlarla bağlı 18 iyul 2023-cü il tarixdə fakt üzrə cinayət işinin başlanılması rədd edilmiş və Qaradağ Rayon Polis İdarəsi 38-ci polis bölməsinin polis sahə rəisi X5 tərəfindən Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə 31 iyul 2023-cü il tarixli, MN ******* saylı inzibati xəta haqqında protokol tərtib edilmişdir. Məhkəmə iclasında Qaradağ Rayon Polis İdarəsi 38-ci polis bölməsinin polis sahə rəisi X5 bildirmişdir ki, 06 iyul 2023-cü il tarixdə, ünvan 1 ünvanında Şəxs ilə X4 arasında baş vermiş münaqişə ilə bağlı Qaradağ Rayon Polis İdarəsi 38-ci polis bölməsində araşdırma aparılmış və fakt üzrə cinayət işinin başlanılması rədd edildikdən sonra material aidiyyəti üzrə ona verilmiş və Şəxs əməlində Azərbaycan Respublikası İnzibati Xətalar Məcəlləsinin 157-ci maddəsinin tərkibi olduğundan barəsində 31 iyul 2023-cü il tarixli, MN ******* saylı inzibati xəta haqqında protokol tərtib edilərək məhkəməyə göndərilmişdir. Məhkəmə iclasında barəsində inzibati xəta haqqında iş üzrə icraat aparılan Şəxs əməlini etiraf edərək bildirmişdir ki, 06 iyul 2023-cü il tarixdə, ünvan 1 ünvanında həyat yoldaşı X1 işləməyinə görə aralarında mübahisə yaranmış və mübahisə zamanı ona xəsarət yetirmişdir. Törətdiyi əməldən peşmandır. Nəzərə alınmasını xahiş edir. Məhkəmə iclasında zərəçəkmiş şəxs X4 bildirmişdir ki, 06 iyul 2023-cü il tarixdə, ünvan 1 ünvanında həyat yoldaşı Şəxs onunla mübahisə edərək onu vurmağa başlamışdır. Vuran zaman sağ və sol qollarına xəsarət yetirmişdir. Bundan sonra o, döyülməyi ilə bağlı 38-ci polis bölməsinə müraciət etmiş və ekspetiza müayinəsindən keçmişdir. Şəxs şikayətçidir və ona ciddi cəza verilməsini məhkəmədən xahiş edir. İş materiallarında olan 18 iyul 2023-cü il tarixli qərardan görünür ki, X1 ərizəsi əsasında toplanılmış materiallar üzrə cinayət işinin başlanılması rədd edilmiş və Şəxs əməlində Azərbaycan Respublikası İXM-nin 157-ci maddəsində nəzərə tutulmuş inzibati xəta olduğu müəyyən edilmişdir. İş materiallarında olan məhkəmə tibbi ekspertizasının 482 saylı xx.xx.2023-cü il tarixli rəyində göstərilmişdir ki, X1 barəsində aşkar edilmiş xəsarətlər – hər iki bazu nahiyələrinin bərk küt əşya təsirindən müayinədən bir günə qədər əvvəl törənmişdir və sağlamlığa zərər vurmayan xəsarətlərə aid olduqları üçün dərəcələri təyin edilmir. Məhkəmə inzibati xəta haqqında materialı araşdırıb, sübutlara məcmu halda, hüquqi qiymət verərək hesab edir ki, Şəxs Azərbaycan Respublikası İXM-nin 157-ci maddəsində nəzərə tutulmuş inzibati xətanı törətməsi sübuta yetirilmişdir və o, inzibati məsuliyyətə cəlb edilməlidir. Məhkəmə hesab edir ki, Şəxs tərəfindən inzibati xətanın törədilməsi iş materialları və zərərçəkmiş şəxsin izahatı ilə tam təsdiq olunur. Məhkəmədə müəyyən olunmuşdur ki, inzibati xəta törətmiş Şəxs əməli Azərbaycan Respublikasının İnzibati Xətalar Məcəlləsinin 157-ci maddəsi ilə düzgün tövsif edilmişdir və həmin maddədə nəzərdə tutulan inzibati tənbeh tədbiri tətbiq edilməlidir. Azərbaycan Respublikası İnzibati Xətalar Məcəlləsinin 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 31.4-cü Bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Azərbaycan Respublikasının İnzibati Xətalar Məcəlləsinin 31.2-ci maddəsinə əsasən inzibati xəta törətmiş Şəxs qarşı inzibati tənbeh tətbiq edilərkən inzibati xətaya görə məsuliyyəti yüngülləşdirən və ağırlaşdıran hallar nəzərə alınmalıdır. İnzibati Xətalar Məcəlləsinin 32 və 33-cü maddəsinə əsasən Şəxs əməlində məsuliyyəti yüngülləşdirən və ağırlaşdıran hallar müəyyən olunmamışdır. Azərbaycan Respublikası İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati xəta törədən şəxs Şəxs barəsində inzibati tənbeh tətbiq edərkən məhkəmə barəsində inzibati xəta haqqında iş üzrə icraat aparılan şəxsin şəxsiyyətini, inzibati xətanın xarakterini, törədilmə şəraitini, nəzərə alaraq, ona inzibati həbs növündə tənbeh verilməsini məqsədəmüvafiq hesab edir. Qeyd olunanlara əsasən və Azərbaycan Respublikasının İnzibati Xətalar Məcəlləsinin 114-cü, 115-ci, 128-130-cu maddələrini rəhbər tutaraq, məhkəmə qəraraaldı: Şəxs Azərbaycan Respublikasının İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanın törədilməsində təqsirli bilinərək barəsində 01 (bir) ay müddətinə inzibati həbs tətbiq edilsin. Qərar dərhal icra edilsin. Həbs etmənin əvvəli 31 iyul 2023-cü il tarixdən, saat 12.05-dən hesablansın. Şəxs saxlanılması üçün Daxili İşlər Nazirliyinin Bakı şəhər Baş Polis İdarəsinə bilavasitə tabe olan İnzibati həbsolunanların saxlama mərkəzinə təhvil verilsin. Qərarın surəti rəsmi qaydada verildiyi vaxtdan on gün müddətində Bakı Apellyasiya Məhkəməsinə şikayət və ya protest verilə bilər. Hakim Teymur Qurbanov