Bakı şəhəri Qaradağ Rayon Məhkəməsi Qərar — İş №3(002)-1585/2023

Azərbaycan Respublikası adından QƏRAR Bakı şəhəri İş № 3(002)-1585/2023 03.08.2023 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlunun sədrliyi, Mustafayeva Sevda Bahaddin qızının katibliyi, Qaradağ rayon icra şöbəsinin icra məmuru X3 Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxxx 1991-ci ildə Bakı şəhərində doğulmuş, Azərbaycan Respublikasının vətəndaşı, evli, orta təhsilli, ünvan 1 ünvanında qeydiyyatda olmaqla ünvan 2da kirayənişin yaşayan Şəxs Azərbaycan Respublikası İXM-nin 528.1-ci maddəsilə inzibati inzibati məsuliyyətə cəlb edilməsinə dair materiala məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Qaradağ rayon İcra şöbəsinin icra məmuru X7, borclu Şəxs barəsində protokol tərtib edərək, Qaradağ Rayon Məhkəməsinin 2(002)-2614/2021 saylı, 08 sentyabr 2021-ci il tarixli icra vərəqəsini üzrlü səbəb olmadan icra etmədiyinə görə onun İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsini xahiş etmişdir. Məhkəmə iclasında Qaradağ rayon İcra şöbəsinin icra məmuru X7 protokolu müdafiə edərək bildirmişdir ki, Bakı şəhəri Qaradağ rayon Məhkəməsinin 2(002)-2614/2021 saylı, 08 sentyabr 2021-ci il tarixli icra vərəqəsinə əsasən; cavabdeh Şəxs 07 fevral 2020-ci il tarixli kredit müqaviləsi üzrə yaranmış 33 000 manat məbləğində borc pul vəsaiti, hüquqi yardımla bağlı çəkilmiş xərcin əvəzi olaraq 250 manat məbləğində pul vəsaiti və ödənilmiş 30 manat məbləğində dövlət rüsumunun tutularaq iddiaçı X5 xeyrinə ödənilməsi qət edilmişdir. İcra sənədi icraata daxil olduqdan sonra qanunvericiliklə nəzərdə tutulmuş qaydada 25 oktyabr 2021-ci il tarixdə icraata başlamaq haqqında qərar qəbul olunaraq tələbin könüllü icrasına dair bildirişlə birgə borcluya göndərilmişdir. 16 noyabr 2021-ci il tarixdə tələbkar X2 rayon İcra Şöbəsinə ərizə ilə müraciət edərək boclu ilə aralarında hər ay iki yüz manat ödənilməsi ilə altı ay müddətində razılaşma əldə etdiklərini və buna görə də icra işinin altı ay müddətində dayandırılmasını xahiş etmişdir. Eyni tarixdə borlcu Şəxs da iltizam verərək X6 olan borcunu 15 dekabr 2021-ci il tarixdən başlayaraq hər ay 200 manat olmaqla ödəyəcəyinə söz vermişdir. Nəticədə 18 noyabr 2021-ci il tarixdə icraatın məcburi dayandırılması haqqında Qərar qəbul olunmuşdur. Lakin borclu söz verdiyi kimi borcundan heç bir ödəniş etməmiş və nəticədə tələbkar X8 22 iyun 2022-ci il tarixdə ərizə verərək icraatın təzələnməsini və borclunun inzibati və cinayət məsuliyyətinə cəlb olunmasına göstəriş verilməsini xahiş etmişdir. 02 avqust 2023-cü il tarixdə isə tələbkar ərizə ilə İcra Şöbəsinə müraciət edərək borclu barəsində axtarış elan edilib onun məsuliyyətə cəlb edilməsini xahiş etmişdir. Hal-hazırda borclunun tələbkara 33280 manat borcu qalmaqdadır. Bundan əlavə İcra məmuru tələbkar X9 ilə telefon vasitəsilə əlaqə saxladığını, tələbkarın məhkəmə iclasına işdə olması səbəbindən gələ bilmədiyini, lakin borclunun inzibati qaydada həbs olunmasını tələb etdiyini bildirmişdir. Bütün bunların nəzərə alınaraq borclu barəsində daha ciddi inzibati tənbeh tədbirinin tətbiq edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan fiziki şəxs Şəxs öz izahatında bildirmişdir ki, borcundan xəbəri vardır, özü ailəli olmaqla himayəsində iki azyaşlı uşağı və xərçəng xəstəsi anası var. X1 33000 manat borcu ailəsində yaranan ehtiyac üzündən almış, lakin sonradan anasının xəsətliyi ilə əlaqədar, həmçinin özünün əvvəlki iş yerində istehsalat qəzası nəticəsində barmaqlarının kəsilməsi səbəbi ilə işləyə bilməmiş və borcundan heç bir ödəniş edə bilməmişdir. O hal-hazırda heç bir maddi imkanının olmadığını, vaxt veriləcəyi təqdirdə borcundan kifayət qədər ödənişlər edəcəyini bildirərək barəsində həbslə bağlı olmayan inzibati tənbeh tədbirinin tədbiq edilməsini xahiş etmişdir. Tərtib edilmiş inzibati protokoldan, iş materiallarından, borclunun və icra məmurunun izahatlarından aydın olur ki, Şəxs heç bir üzrlü səbəb olmadan icra sənədini uzun müddətdər ki, icra etməmişdir. Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətməsi işdə iştirak edən şəxslərin izahatları və inzibati xəta haqqında tərtib edilmiş 03 avqust 2023-cü il tarixli MN ******* saylı protokolla və işin digər halları ilə tam təsdiq olunur. Azərbaycan Respublikası İXM-nin 528.1-ci maddəsinə əsasən məhkəmə qərarlarını üzürsüz səbəbdən icara etməməkvə böyük icra məmurunun qanuni tələblərinə tabe olmamaq inzibatı məsulliyət yaradır. Azərbaycan Respublikası İXM-nin 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə, iş materiallarını nəzərdən keçirib hesab edir ki, borclunun qanuni qüvvəyə minmiş məhkəmə qətnaməsinin icrasından uzun müddət keçməsinə baxmayaraq qətnaməni icra etməməsi qərəzli yayınma kimi qiymətləndirilməlidir. Hazırki məhkəmə iclasında da borclu, borcun ödənilməsi üçün hər hansı bir formada cəhd belə göstərməmiş və bu barədə məhkəməyə hər hansı inandırıcı heç bir dəlil də gətirməmiş, əksinə öz izahatı və hərəkətləri ilə yaranmış borcunu ödəməyəcəyini bir daha nümayiş etdirmişdir. Bundan başqa məhkəmə araşdırması zamanı müəyyən edilmişdir ki, borclu icra məmurunun çağırışlarına da məhəl qoymaraq icra şöbəsinə gəlməkdən imtina etmişdir. Ona görə də Şəxs Azərbaycan Respublikası İXM-nin 528.1-ci maddəsi ilə təqsirli bilinib, ona həmin maddənin sanksiya çərçivəsində inzibati həbs növündə tənbeh tədbirinin tətbiq edilməsi daha qanuni, əsaslı və ədalətlidir. Qeyd olunanları nəzərə alaraq və Azərbaycan Respublikası İnzibati Xətalar Məcəlləsinin 115,128,129 və 130-cu maddələrini rəhbər tutaraq, QƏRARA ALDİ: 1.Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib 08 (səkkiz) gün müddətinə inzibati qaydada həbs edilsin. 2.Həbs müddətinin əvvəli 03 avqust 2023-cü il tarixdən saat 16:50-dən hesablansın. 3.Qərarın icrası Qaradağ rayon Polis İdarəsinə və Qaradağ rayon İcra şöbəsinə həvalə edilsin. 4.Qərardan, onun surətinin təqdim edildiyi və ya alındığı gündən 10 (on) gün müddətində Qaradağ rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Rufan Mürsəlov