Bakı şəhəri Qaradağ Rayon Məhkəməsi Qərar — İş №3(002)-1801/2024

Azərbaycan Respublikası adından QƏRAR Bakı şəhəri İş № 3(002)-1801/2024 20.06.2024 BAKI ŞƏHƏRİ QARADAĞ RAYON MƏHKƏMƏSİ Hakim Qurbanov Teymur Əhməd oğlunun sədrliyi, İlyasov Ceyhun Bəhruz oğlunun katibliyi ilə, Qaradağ Rayon Polis İdarəsi 10-cu polis şöbəsinin sahə rəisi X1, Barəsində inzibati xəta haqqında iş üzrə icraat aparılan Şəxs iştirakları ilə, xx.xx.1990-cı ildə Bakı şəhərində doğulmuş, azərbaycanlı, Azərbaycan Respublikasının vətəndaşı, orta təhsilli, Bakı şəhəri Qaradağ rayonu Müşfiqabad qəsəbəsi, yataqxana 1 ünvanında qeydiyyatda olmaqla yaşayan, Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə daxil olmuş inzibati xəta haqqında materiala baxaraq, məhkəmə m ü ə y y ə n e t d i: Şəxs 18 iyun 2024-cü il tarixdə, saat 18.06 radələrində Bakı şəhəri Qaradağ rayonu, Lökbatan qəsəbəsində Binə Ticarət Mərkəzinin qarşısında yerləşən “Araz” marketə daxil olaraq oradan ümumi dəyəri 70 manat təşkil edən 8 ədəd “Baltika 9” pivəsi, 2 ədəd araq, bir qutu maccoffe və bir bükümdə saçaqlı pendir oğurlayaraq qanunsuz yolla ələ keçirmişdir. Qeyd edilənlərə əsasən Qaradağ RPİ 10-cu polis şöbəsinin sahə inspektoru X2 tərəfindən Azərbaycan Respublikasının İnzibati Xətalar Məcəlləsinin 227-ci maddəsi ilə MN serialı 18753790 saylı, xx.xx.2024-cü il tarixli inzibati xəta haqqında protokol tərtib edilmişdir. Məhkəmə iclasında barəsində inzibati iş üzrə icraat aparılan Şəxs əməlini etiraf peşman olduğunu bildirmiş və ziyanın ödənilməsi üçün ona bir neçə gün vaxt verilməsini xahiş etmişdir. Məhkəmə iclasında “Araz” marketin Binə filialınının mağaza müdiri X4 bildirmişdir ki mağazaya dəymiş ziyanı tam olaraq tələb edir və əks halda Şəxs ciddi qaydada cəzalandırılmasını tələb edir. Məhkəmə iş materiallarını nəzərdən keçirib, tərəflərin izahatlarını dinləyib hesab edir ki, Şəxs əməli Azərbaycan Respublikasının İnzibati Xətalar Məcəlləsinin 227-ci maddəsi ilə düzgün tövsif olunmuşdur və onun barəsində həmin maddədə nəzərdə tutulan inzibati tənbeh tədbiri tətbiq edilməlidir. İş materiallarında olan xx.xx.2024-cü il tarixli qərarından görünür ki, qeyd edilən fakt üzrə Şəxs barəsində cinayət işinin başlanılması rədd edilmişdir. İş materiallarında olan xx.xx.2024-cü il tarixli protokoldan görünür ki, Şəxs xx.xx.2024-cü il tarixdə saat 08.00-da inzibati qayada tutumuşdur. Məhkəmə Şəxs inzibati qaydada tutulması məsələsinə qiymət verərəkən hesab edir ki, Şəxs barəsidə inzibati qaydada tutma haqqında protokol xx.xx.2024-cü il tarixdə tərtib edilsə də, onun hüquqları faktiki olaraq oğurluq etdiyi “Araz” marketin Binə filialında tutulduğu vaxtdan, yəni xx.xx.2024-cü il tarixdə, saat 2030-dan məhdudlaşdırılmışdir və buna görə də inzibati qaydada tutmanın əvvəli xx.xx.2024-cü il tarixdə, saat 20.30-dan hesablanmalıdır. Azərbaycan Respublikasının İnzibati Xətalar Məcəlləsinin 31.2-ci maddəsinə əsasən inzibati xəta törətmiş Şəxs qarşı inzibati tənbeh tətbiq edilərkən inzibati xətaya görə məsuliyyəti yüngülləşdirən və ağırlaşdıran hallar nəzərə alınmalıdır. Şəxs əməlində məsuliyyətini yüngülləşdirən və ağırlaşdıran hallar müəyyən olunmamışdır. Azərbaycan Respublikası İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati xəta törədən şəxs Şəxs barəsində inzibati tənbeh tətbiq edərkən məhkəmə inzibati xətanın xarakterini inzibati xəta törədənin şəxsiyyətini nəzərə alaraq, inzibati həbs növündə tənbeh verilməsini məqsədəmüvafiq hesab edir. Azərbaycan Respublikasının İnzibati Xətalar Məcəlləsinin 156.1-ci maddəsinə əsasən hakim tərəfindən inzibati həbs haqqında qərar çıxarıldıqdan sonra həmin qərar dərhal icra edilir. Qeyd olunanlara əsasən və Azərbaycan Respublikasının İnzibati Xətalar Məcəlləsinin 114-cü, 115-ci, 128-130-cu maddələrini rəhbər tutaraq, məhkəmə qəraraaldı: Şəxs Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulmuş inzibati xətanın törədilməsində təqsirli bilinərək barəsində 02 (iki) ay müddətinə inzibati həbs tətbiq edilsin. Qərar dərhal icra edilsin. Həbs etmənin əvvəli 18 iyun 2024-cü il tarixdən, saat 20.30-dan hesablansın. Şəxs saxlanılması üçün Daxili İşlər Nazirliyinin Bakı şəhər Baş Polis İdarəsinə bilavasitə tabe olan İnzibati həbsolunanların saxlanılma mərkəzinə təhvil verilsin. Qərarın surəti rəsmi qaydada verildiyi vaxtdan on gün müddətində Bakı Apellyasiya Məhkəməsinə şikayət və ya protest verilə bilə. Hakim: Teymur Qurbanov