Bakı şəhəri Qaradağ Rayon Məhkəməsi Qərardad — İş №3(002)-1860/2023

Azərbaycan Respublikası adından QƏRARDAD Bakı şəhəri İş № 3(002)-1860/2023 25.08.2023 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlu, X1, barəsində qəbul edilmiş 12 avqust 2023-cü il tarixli, İXP ******* nömrəli protokol əsasında qəbul edilmiş inzibati tənbeh vermə haqqında qərarın ləğvinə dair şikayətin icraata qəbul edilməsi məsələsinə baxaraq, məhkəmə MÜƏYYƏN ETDİ: X2 ərizə ilə Qaradağ Rayon Məhkəməsinə müraciət edərək barəsində qəbul edilmiş 12 avqust 2023-cü il tarixli, İXP ******* nömrəli protokol əsasında qəbul edilmiş inzibati tənbeh vermə haqqında qərarın ləğv edilməsini və barəsində başlanılmış inzibati xəta haqqında iş üzrə icraata xitam verilməsi barədə qərar qəbul edilməsini xahiş etmiş, lakin işin Qaradağ rayon Məhkəməsində baxılmasına dair vəsatətlə məhkəməyə müraciət etməmişdir. Məhkəmə şikayəti və ona əlavə edilmiş sənədləri nəzərdən keçirib hesab edir ki, şikayət baxılması üçün aidiyyəti üzrə Lerik rayon Məhkəməsinə göndərilməlidir. Belə ki, şikayət və ona əlavə edilmiş sənədlərdən aydın olur ki, törədilməsi ehtimal olunan inzibati xəta hadisəsi Lənkəran-Lerik yolunun 21-ci kilometrliyində baş vermişdir. Həmin ərazi Lerik rayonunun inzibati ərazisinə aiddir. Azərbaycan Respublikası Konstitutsiya Məhkəməsi Plenumunun 04 noyabr 2020-ci il tarixli qərarında göstərilmişdir ki, qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Azərbaycan Respublikası İnzibati Xətalar Məcəlləsinin 110.1-ci maddəsinin tələblərindən aydın olur ki, inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Həmin Məcəllənin 112.4-cü maddəsinə əsasən bu Məcəllənin 110-cu maddəsinə müvafiq olaraq işin aidiyyəti üzrə göndərilməsi barədə qərardad çıxarılır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 110 və 112-ci maddələrini rəhbər tutaraq, məhkəmə QƏRARA ALDİ: X1, barəsində qəbul edilmiş 12 avqust 2023-cü il tarixli, İXP ******* nömrəli protokol əsasında qəbul edilmiş inzibati tənbeh vermə haqqında qərarın ləğvinə dair şikayəti ona əlavə edilmiş sənədlərlə birlikdə baxılması üçün aidiyyəti üzrə Lerik Rayon Məhkəməsinə göndərilsin Hakim: Rufan Mürsəlov