Bakı şəhəri Qaradağ Rayon Məhkəməsi Qərardad — İş №3(002)-19/2023

Azərbaycan Respublikası adından QƏRARDAD Bakı şəhəri İş № 3(002)-19/2023 11.01.2023 BAKI ŞƏHƏRİ QARADAĞ RAYON MƏHKƏMƏSİ Hakim Dadaşova Şəfa Əliövsət qızı, Şəxs MMC-nin Azərbaycan Respublikasının İnzibati Xətalar Məcəlləsinin 491.1-ci maddəsi ilə nəzərdə tutulmuş inzibati xətanı törətməsinə dair materiala baxılmağa hazırlanması zamanı, məhkəmə MÜƏYYƏNETDİ: Şəxs MMC -nin Azərbaycan Respublikasının İnzibati Xətalar Məcəlləsinin 491.1-ci maddəsi ilə nəzərdə tutulmuş inzibati xətanı törətməsinə dair 19 dekabr 2022-ci il tarixli, 00100-02658/22 (EP № 0066671) saylı inzibati xəta haqqında protokol və ona əlavə edilmiş sənədlər Qaradağ Rayon Məhkəməsinə daxil olmuşdur. Məhkəmə iş materiallarını araşdıraraq hesab edir ki, iş baxılması üçün ərazi adiyyəti üzrə Abşeron Rayon Məhkəməsinə göndərilməlidir. Belə ki, inzibati xəta haqqında protokoldan və ona əlavə edilmiş iş materiallarından görünür ki, Bakı İnzibati Məhkəməsinin MXMT (112)-274/2021 saylı, 5 noyabr 2021-ci il tarixli qərarı ilə Şəxs MMC-nin ünvan 1 ünvanında yerləşən anbarına yerləşdirilən 1795 qutu (12412 kq) Hindistan istehsalı olan yapışdırıcılar yükünə 06 dekabr 2022-ci il tarixdə baxış keçirilmiş, baxış zamanı malların anbarda olmadığı müəyyən edilmişdir. İnzibati xəta haqqında protokoldan və digər sənədlərdən müəyyən olunur ki, inzibati xəta Abşeron rayonu ərazisində törədilmişdir. Azərbaycan Respublikasının İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Göstərilənlərə əsasən və Azərbaycan Respublikasının İnzibati Xətalar Məcəlləsinin 110.1-ci maddəsini rəhbər tutaraq, məhkəmə QƏRARAALDİ: Şəxs MMC-nin Azərbaycan Respublikasının İnzibati Xətalar Məcəlləsinin 491.1-ci maddəsi ilə nəzərdə tutulmuş inzibati xətanı törətməsinə dair material baxılması üçün ərazi aidiyyəti üzrə Abşeron Rayon Məhkəməsinə göndərilsin. Sədrlik edən: Şəfa Dadaşova