Bakı şəhəri Qaradağ Rayon Məhkəməsi Qərardad — İş №3(002)-216/2025

Azərbaycan Respublikası adından QƏRARDAD Bakı şəhəri İş № 3(002)-216/2025 17.02.2025 BAKI ŞƏHƏRİ QARADAĞ RAYON MƏHKƏMƏSİ Hakim Qurbanov Teymur Əhməd oğlu, Avto Lizing Azərbaycan MMC barəsində Azərbaycan Respublikası İXM-nin 347-ci maddəsi ilə təqsirləndirilməsinə dair inzibati materialın icraata qəbul edilməsi məsələsinə baxaraq, məhkəmə Müəyyən etdi: Azərbaycan Respublikası DİN-in Bakı şəhər Qaradağ rayon Polis İdarəsi tərəfindən Avto Lizing Azərbaycan MMC barəsində Azərbaycan Respublikası İXM-nin 347-ci maddəsi ilə inzibati xəta haqqında material daxil olmuşdur. Məhkəmə hesab edir ki, həmin material mahiyyəti üzrə baxılması üçün aidiyyəti üzrə Cəbrayıl rayon Məhkəməsinə göndərilməlidir. Belə ki, işdə olan xx.xx.2025-ci il tarixli İXP ******* №-li protokoldan və işə əlavə edilmiş sənədlərdən aydın olur ki, Avto Lizing Azərbaycan MMC balansında olan Toyota Camry markalı, 90AA457 dövlət qeydiyyat nişanlı nəqliyyat vasitəsini xx.xx.2025-ci il tarixdə idarə edən şəxs barəsində sorğuya qanunla müəyyən edilmiş qaydada və müddətdə cavab verilməmişdir. Məhkəmə araşdırması zamanı müəyyən edilmişdir ki, Avto Lizing Azərbaycan MMC AZ1400, Cəbrayıl rayonu, Soltanlı, ev "X1 Zonası" Sənaye Parkı ünvanında yerləşir. Azərbaycan Respublikası İXM-nin 110-cu maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Həmin Məcəllənin 110.3-cü maddəsinə əsasən nəqliyyat vasitəsini idarə etmək hüququnun məhdudlaşdırılmasına səbəb ola bilən inzibati xətalar haqqında işlərə, müvafiq icra hakimiyyəti orqanının mərkəzi informasiya sisteminin məlumatları nəzərə alınmaqla, bu Məcəllənin 110.1-ci maddəsində nəzərdə tutulmuş qaydada baxılır. Həmin Məcəllənin 112.4-cü maddəsinə əsasən bu Məcəllənin 110-cu maddəsinə müvafiq olaraq işin aidiyyəti üzrə göndərilməsi barədə qərardad çıxarılır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 110 və 112-ci maddələrini rəhbər tutaraq, məhkəmə Qərara aldı: Avto Lizing Azərbaycan MMC-nin İnzibati Xətalar Məcəlləsinin 347-ci maddəsi ilə təqsirləndirilməsinə dair inzibati xəta haqqında material aidiyyəti üzrə baxılması üçün Cəbrayıl rayon Məhkəməsinə göndərilsin. Hakim Teymur Qurbanov