Bakı şəhəri Qaradağ Rayon Məhkəməsi Qərar — İş №3(002)-2236/2025

Azərbaycan Respublikası adından QƏRAR Bakı şəhəri İş № 3(002)-2236/2025 17.10.2025 BAKI ŞƏHƏRİ QARADAĞ RAYON MƏHKƏMƏSİ Hakim Fətəliyev Emin Mirzə oğlunun sədrliyi, Kazımlı Orxan Əli oğlunun katibliyi ilə, Protokolu tərtib edən şəxs Qaradağ rayon icra şöbəsinin böyük icra məmuru X3, Barəsində inzibati xəta haqqında iş üzrə icraat aparılan Şəxs iştirakları ilə, xx.xx.1981-ci ildə Bakı şəhərində doğulmuş, Azərbaycan Respublikası vətəndaşı, FİN (xxxxxxx), evli, ünvan 1 ünvanında yaşayan Şəxs barəsində Azərbaycan Respublikasının İnzibati Xətalar Məcəlləsinin 528.1-1-ci maddəsi ilə daxil olmuş inzibati xəta haqqında materiala baxaraq, məhkəmə müəyyənetdi: İnzibati xəta haqqında materialdan görünür ki, Məmmədov X4 Rayon Məhkəməsinin 2(071)-229/13 saylı, xx.xx.2013-cü il və Şirvan Şəhər Məhkəməsinin 2(032)-154/24 saylı, 13 mart 2024-cü il tarixli icra sənədlərinin icrası ilə əlaqədar icra məmurunun qanunvericilikdən irəli gələn tələblərini icra etməkdən qəsdən yayınmış və icra sənədi üzrə 6500 manat aliment borcu yaranmışdır. Qeyd edilənlərlə bağlı Qaradağ rayon İcra Şöbəsinin böyük icra məmuru X8 tərəfindən Şəxs barəsində Azərbaycan Respublikası İXM-nin 528.1-1-ci maddəsilə nəzərdə tutulan MN serialı ******* saylı, xx.xx.2025-ci il tarixli inzibati xəta haqqında protokol tərtib edilmişdir. Qaradağ rayon İcra Şöbəsinin böyük icra məmuru X5 məhkəmə iclasında bildirmişdir ki, Hacıqabul şəhər Məhkəməsinin 19 iyun 2013-cü il tarixli icra sənədinə əsasən Şəxs 2 övladının yetkinlik yaşına çatana qədər saxlanması üçün 20 may 2013-cü ilən başlayaraq hər uşağa görə 93 manat olmaqla ümumilikdə 186 manat tələbkar X1 hesabına aliment ödəməlidir. Bundan sonra Şirvan şəhər Məhkəməsinin 13 mart 2024-cü il tarixli icra sənədinə əsasən aliment məbləği artırılmış və hər uşağa görə 135 manat olmaqla ümumilikdə 270 manat sabit pul məbləğində aliment müəyyən edilmişdir. Hər iki icra sənədi üzrə borclu qismən ödənişlər etmiş, ümumilikdə bu günə qədər 6500 manat ödənilməmiş aliment borcu yaranmışdır. Son olaraq borclu iyul ayında 270 manat aliment borcu ödəmiş, iyuldan bu yana ödəniş etməmişdir. Odur ki, qeyd olunanlara əsasən Şəxs qanunamüvafiq qaydada cəzalandırılmasını xahiş etmişdir. Verilən suallara cavab olaraq icra məmuru Səbuhi Əhmədli Şəxs bundan əvvəl Bakı şəhəri Qaradağ Rayon Məhkəməsinin 3(002)-619/2025 saylı, xx.xx.2025-ci il tarixli qərarı ilə barəsində inzibati tənbeh tətbiq olunduğunu, 08 (səkkiz) gün müddətinə inzibati həbs olunduğunu bildirmişdir. Məhkəmə iclasında barəsində inzibati xəta haqqında iş üzrə icraat aparılan Şəxs iki dəfə infakt keçirdiyini, ürəyində stent olduğunu, bundan əlavə, avtoqəza keçirdiyi üçün 6 ay müddətinə aliment ödənişi edə bilmədiyini bildirmişdir. 2013-cü ildən etibarən 29800 manat aliment ödəmiş, dünən mülkiyyətində olan 3 sot torpaq sahəsini böyük qızının adına keçirməklə tələbkara qarşı olan borc öhdəliyini bağlamaqla bağlı tələbkarla razılaşmış, lakin bu gün tələbkar bununla onu aldadacağını bildirərək fikrini dəyişmişdir. Qeyd etdiyi torpaq sahəsini böyük qızının adına keçirməklə borcun silinməsini və aylıq aliment öhdəliyini ödəməyə davam etməyini məhkəmədən xahiş etmişdir. Verilən suallara cavab olaraq barəsində inzibati xəta haqqında iş üzrə icraat aparılan Şəxs yaranmış aliment borcunu ödəməmə səbəbinin səhhəti ilə bağlı olduğunu, iki dəfə infakt və avtoqəza keçirməsini bildirmiş, qeyd etdiyi torpaq sahəsinin 3 sot olmaqla Ələt qəsəbəsində yerləşdiyini, çıxarışsız bağçılıq sənədləri olduğunu vurğulamışdır. Fəhlə kimi işlədiyi üçün rəsmi iş yeri olmadığından aylıq 135 manat ödəniş etməyə imkanı çatdığını qeyd etmişdir. Məhkəmə iclasında tələbkar X2 ilə əlaqə saxlanılmışdır. A.E.İbrahimova bildirmişdir ki, Şəxs səhhəti ilə bağlı problemlər olsa da,Şəxs uşaqları üçün aliment ödəməli olduğunu bildirərək tələbkardan şikayətçi olmuş, həmçinin Şəxs uşaqları təhqir etdiyini də qeyd etmişdir. Verilən suallara cavab olaraq tələbkar X2 borclu Şəxs ona torpaq sahəsini verməsi ilə bağlı təklifi ilə razılaşmadığını, Şəxs sonuncu dəfə iyul ayında ödəniş etdiyini, Şəxs biriki dəfə normal qaydada ödəniş etsə də, sonra müntəzəm olaraq aliment üzrə ödənişlər aparmadığını bildirərək, Şəxs aliment borcunu ödəməsini məhkəmədən xahiş etmişdir. Məhkəmə hesab edir ki, Şəxs tərəfindən məhkəmə qərarının təkrarən qərəzli şəkildə icra edilməməsi və Azərbaycan Respublikası İXM-nin 528.1-1-ci maddəsində nəzərdə tutulmuş inzibati xətanın törədilməsi onun izahatı ilə və işdə olan digər sənədlərlə tam təsdiq olunur. Azərbaycan Respublikası MPM-nin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Lakin məhkəmə araşdırması zamanı Şəxs barəsində qəbul edilmiş və qanuni qüvvəsini almış icra sənədini təkrarən qərəzli şəkildə icra etmədiyi müəyyən edilmişdir. Bununla da məhkəmə hesab edir ki, Şəxs hərəkətləri Azərbaycan Respublikasının İnzibati Xətalar Məcəlləsinin 528.1-1-ci maddəsilə düzgün tövsif olunmuşdur və o, həmin maddədə nəzərdə tutulan inzibati tənbeh tədbiri tətbiq edilməlidir. Azərbaycan Respublikası İnzibati Xətalar Məcəlləsinin: 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. 528.1-1-ci maddəsinə əsasən bu Məcəllənin 528.1-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərarın qanuni qüvvəyə mindiyi gündən bir il ərzində eyni icra sənədinə münasibətdə təkrar törədilməsinə görə fiziki şəxslər min manatdan min beş yüz manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla iki ayadək müddətə inzibati həbs tətbiq olunur, vəzifəli şəxslər iki min beş yüz manatdan dörd min manatadək məbləğdə, hüquqi şəxslər beş min manatdan yeddi min manatadək məbləğdə cərimə edilir. Həmin maddənin qeyd hissəsinə əsasən bu Məcəllənin 528.1-ci maddəsində nəzərdə tutulmuş inzibati xətanı törətmiş borclu müvafiq icra sənədini həmin inzibati xəta haqqında iş üzrə məhkəmə qərar qəbul edənədək icra etdikdə inzibati məsuliyyətdən azad olunur. 32-ci və 33-cü maddələrinə əsasən müvafiq olaraq məsuliyyəti yüngülləşdirən və ağırlaşdıran hallar müəyyən olunmamışdır. 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair Azərbaycan Respublikası Konstitusiya Məhkəməsi Plenumunun 04 sentyabr 2018-ci il tarixli qərarında qeyd edilmişdir ki, Azərbaycan Respublikası İnzibati Xətalar Məcəlləsinin 9.2, 12 və 35-ci maddələrinin mənası baxımından, şəxs həmin Məcəllənin 528.1-ci maddəsində nəzərdə tutulan inzibati xətanı törətməyə görə inzibati məsuliyyətə cəlb edildikdən sonra məhkəmə və digər orqanların qərarlarını icra etmədikdə (qərəzli olaraq icra etməmə istisna olmaqla), yenidən inzibati məsuliyyətə cəlb oluna bilər. Məhkəmə qeyd edir ki, qeyd olunan hal özlüyündə, icra məmurunun qanuni tələblərinin, ümumilikdə isə müvafiq icra vərəqəsinin icra olunmamasına gətirib çıxarmış borclu tərəfindən həmin hərəkətlərin edilməməsinin obyektiv və subyektiv səbəblərini, eləcə də müvafiq icraat zamanı icra məmuru tərəfindən Azərbaycan Respublikasının qanunvericiliyinin tələblərinə əsasən lazımlı zəruri icra tədbirlərinin görülüb-görülməməsini araşdırmaqla, qarşılıqlı şəkildə tədqiq edilərək müəyyən edilməsini şərtləndirir. Belə ki, Azərbaycan Respublikası “İcra haqqında” Qanunun 8.2-ci maddəsinə icra məmuru icra sənədini aldığı vaxtdan üç gün müddətində icraata başlamaq haqqında qərar qəbul edir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməmişdirsə, həmçinin bu maddənin üçüncü bəndində müəyyən edilmiş icra müddəti istisna olmaqla, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi və bu Qanunla nəzərdə tutulmuş icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı göstərilir. Azərbaycan Respublikası “İcra haqqında” Qanunun 12-ci maddəsinə əsasən Qanunun 8.2-ci maddəsinin üçüncü bəndində nəzərdə tutulmuş hal istisna olmaqla, icra məmuru icra sənədini aldığı gündən iki ay müddətində bütün zəruri icra hərəkətlərini həyata keçirməlidir. Azərbaycan Respublikasının qanunvericiliyi ilə və ya icra sənədi ilə icrası dərhal nəzərdə tutulmuş tələblər təxirə salınmadan icra olunur. İnzibati xəta törədən şəxs Şəxs barəsində inzibati tənbeh tətbiq edərkən məhkəmə inzibati xətanın xarakterini, yaranmış aliment borcunun məbləğini, tələbkarın şikayətçi olmasını nəzərə alaraq inzibati həbsin orta həddə tətbiq edilməsini onun barəsində məqsədəmüvafiq hesab edir. Azərbaycan Respublikasının İnzibati Xətalar Məcəlləsinin 156.1-ci maddəsinə əsasən hakim tərəfindən inzibati həbs haqqında qərar çıxar ıldıqdan sonra həmin qərar dərhal icra edilir. Qeyd olunanlara əsasən və Azərbaycan Respublikasının İnzibati Xətalar Məcəlləsinin 114-cü, 115-ci, 128-130-cu maddələrini rəhbər tutaraq, məhkəmə qəraraaldı: Şəxs Azərbaycan Respublikasının İnzibati Xətalar Məcəlləsinin 528.1-1-ci maddəsi ilə nəzərdə tutulmuş inzibati xətanın törədilməsində təqsirli bilinərək barəsində 15 (on beş) gün müddətinə inzibati həbs tətbiq edilsin. Qərar dərhal icra edilsin. Həbs etmənin əvvəli 17 oktyabr 2025-ci il tarixdən, saat 16:50-dən hesablansın. Şəxs saxlanılması üçün Daxili İşlər Nazirliyinin Bakı şəhər Baş Polis İdarəsinə bilavasitə tabe olan İnzibati həbsolunanların saxlanılma mərkəzinə təhvil verilsin. Qərarın surəti rəsmi qaydada verildiyi vaxtdan on gün müddətində Bakı Apellyasiya Məhkəməsinə şikayət və ya protest verilə bilər. Hakim: Emin Fətəliyev