Bakı şəhəri Qaradağ Rayon Məhkəməsi Qərar — İş №3(002)-2731/2020

Azərbaycan Respublikası adından QƏRAR Bakı şəhəri İş № 3(002)-2731/2020 29.12.2020 BAKI ŞƏHƏRİ QARADAĞ RAYON MƏHKƏMƏSİ Hakim Həsənov İslam Telman oğlunun sədrliyi, Mustafayeva Zeynəb Əbülfət qızının katibliyi, İnzibati xəta haqqında protokol tərtib edən şəxs Azərbaycan Respublikası Daxili İşlər Nazirliyinin Baş X2 İdarəsinin Xüsusilə mühüm işlər üzrə baş əməliyyat müvəkkili, polis mayoru X1 barəsində inzibati xəta haqqında iş üzrə icraat aparılan Şəxs iştirakları ilə, xx.xx.1955-ci ildə Cəlilabad rayonunda anadan olmuş, Azərbaycan Respublikası vətəndaşı, evli, orta təhsilli, fərdi əməklə məşğul olan, Cəlilabad rayonu, Səttərxan 2 massivində yaşayan Şəxs Azərbaycan Respublikası İnzibati Xətalar Məcəlləsinin 211.1-ci maddəsində nəzərdə tutulmuş inzibati tənbeh tədbirinin tətbiq edilməsinə dair inzibati xəta haqqında materiallara açıq məhkəmə iclasında baxaraq, M Ü Ə Y Y Ə N E T Dİ : Azərbaycan Respublikası Daxili İşlər Nazirliyinin Baş X2 İdarəsinin Xüsusilə mühüm işlər üzrə baş əməliyyat müvəkkili, polis mayoru X3 tərəfindən Şəxs barəsində İnzibati Xətalar Məcəlləsinin 211.1-ci maddəsi ilə nəzərdə tutulmuş inzibati xəta törətməsi barədə xx xxxxxx 2020-ci il tarixli, MN ******* saylı inzibati xəta haqqında protokol tərtib edilərək inzibati xəta haqqında material və ona əlavə edilmiş sənədlər baxılması üçün Qaradağ rayon Məhkəməsinə göndərilmişdir. Məhkəmə iclasında Azərbaycan Respublikası Daxili İşlər Nazirliyinin Baş X2 İdarəsinin Xüsusilə mühüm işlər üzrə baş əməliyyat müvəkkili, polis mayoru X3 tərtib etdiyi protokolun məzmununa uyğun çıxış edərək bildirmişdir ki, xx.xx.2020-ci il tarixdə saat 13:40 radələrində İdarənin əməliyyat müvəkkili, polis baş leytinantı Pünhan Mehdiyev, XMİÜ-nün baş əməliyyat müvəkkili polis polkovni-leytinantı Kazımov İbrahim birlikdə xidmətdə olduqları zaman xx.xx.1955-ci ildə Cəlilabad rayonun Çinar kəndində anadan olmuş, Cəlilabad rayonun Çinar kəndində qeydiyyatda olan Şəxs idarə etdiyi “Mercedes Sprinter” markalı **-OJ-*** dövlət qeydiyyat nişanlı avtomobili ilə rayon qeydiyyatında olan və karantin rejimi qaydalarına uyğun icazəsi olmayan şəxsi, xx.xx.1976-cı ildə Ağdam rayonu Qiyaslı kəndində anadan olmuş, Ağdam rayonu Qiyaslı kəndində qeydiyyatda olan X5 Bakı-Ələt yolunun 62-ci kilometrliyində yerləşən xüsusi karantin postundan qanunsuz olaraq Bakı şəhəri istiqamətində keçirdiyinə görə saxlanılaraq Baş İdarəyə gətirilmiş və izahatı alındıqdan sonra sonuncudan iltizam alınaraq həmin gün sərbəst buraxılmışdır. Şəxs əməlində Azərbaycan Respublikası İnzibati Xətalar Məcəlləsinin 211.1-ci maddəsinin əlamətləri aşkar olduğundan barəsində protokol tərtib edilərək baxılması üçün aidiyyəti üzrə məhkəməyə təqdim olunmuşdur. Barəsində inzibati xəta haqqında icraat aparılan Şəxs məhkəmə iclasında özünü təqsirli bilərək izahatında göstərmişdir ki, xx.xx.2020-ci il tarixdə idarə etdiyi “Mercedes Sprinter” markalı **-OJ-*** dövlət qeydiyyat nişanlı avtomobili ilə Bakı şəhərinə doğru yola düşmüşdür. Həmin gün saat 13:40 radələrində Bakı-Ələt yolunun 62-ci kilometrliyində yerləşən xüsusi karantin postuna çatmamış Vahid Əliyev adlı şəxsi karantin postundan keçməyə icazəsi olmadığı üçün 10 manat müqabilində idarə etdiyi avtomobilində keçirməyə cəhd etmiş, lakin polis əməkdaşları tərəfindən saxlanılaraq icazələrinin olubolmaması yoxlanılmış və müəyyən olunmuşdur ki, onun Bakı şəhərinə girşinə müvafiq icazəsi olsa da, sərnişin qismində daşıdığı Vahid Əliyev adlı soyadlı şəxsin Bakı şəhərinə daxil olması üçün müvafiq icazəsi yoxdur. Daha sonra polis əməkdaşları ilə birlikdə Baş İdarəyə getmiş və orada izahatı alındıqdan sonra ondan iltizam alınaraq həmin gün sərbəst buraxılmışdır. Sonda məhkəməyə müraciət edərək bir daha analoji hallara yol verməyəcəyini, əməlindən səmimi peşman olduğunu, yaşlı olduğunu, ailəsinin yeganə qazanc gətirən şəxs olduğunu nəzərə alınaraq barəsində yüngül inzibati tənbeh tədbirinin tətbiq edilməsi barədə qərar qəbul edilməsini məhkəmədən xahiş etmişdir. İş materiallarında olan və məhkəmə baxışında tədqiq edilmiş: Azərbaycan Respublikası Daxili İşlər Nazirliyinin Baş X2 İdarəsinin rəisi polis polkovniki cənab Əbülfət Rzayevə ünvanlanmış xx xxxxxx 2020-ci il tarixli raportdan görünür ki, xx.xx.2020-ci il tarixdə saat 13:40 radələrində xx.xx.1955-ci ildə Cəlilabad rayonun Çinar kəndində anadan olmuş, Cəlilabad rayonun Çinar kəndində qeydiyyatda olan Şəxs idarə etdiyi “Mercedes Sprinter” markalı **-OJ-*** dövlət qeydiyyat nişanlı avtomobili ilə rayon qeydiyyatında olan və karantin rejimi qaydalarına uyğun icazəsi olmayan şəxsi, xx.xx.1976-cı ildə Ağdam rayonu Qiyaslı kəndində anadan olmuş, Ağdam rayonu Qiyaslı kəndində qeydiyyatda olan X5 Bakı-Ələt yolunun 62-ci kilometrliyində yerləşən xüsusi karantin postundan qanunsuz olaraq Bakı şəhəri istiqamətində keçirdiyinə görə saxlanılaraq Daxili İşlər Nazirliyinin Baş X2 İdarəsinə gətirilmişdir. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 21-ci inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır; 30.2-ci maddəsinə əsasən hamilə qadınlar və ya himayəsində on dörd yaşınadək uşağı olan qadınlar, on dörd yaşına çatmamış uşağını təkbaşına böyüdən kişilər, on səkkiz yaşına çatmayan şəxslər, birinci və ya ikinci qrup əlillər, sağlamlıq imkanları məhdud uşaqlar, altmış yaşına çatmış qadınlar və altmış beş yaşına çatmış kişilər, həmçinin hərbi qulluqçular, o cümlədən müddətli həqiqi hərbi xidmət hərbi qulluqçuları və hərbi qulluqçu hazırlayan xüsusi təyinatlı təhsil müəssisələrinin kursantları barəsində inzibati həbs tətbiq edilə bilməz; 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir; 211.1-ci maddəsinə əsasən Epidemiya əleyhinə rejimin, sanitariya-gigiyena və karantin rejimlərinin pozulmasına görə - fiziki şəxslər iki yüz manatdan dörd yüz manatadək məbləğdə, vəzifəli şəxslər üç min manatdan dörd min manatadək məbləğdə cərimə edilir, yaxud işin hallarına görə, xətanı törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, hüquqi şəxslər dörd min manatdan on min manatadək məbləğdə cərimə edilir. Məhkəmə, izahatı dinləyib, inzibati xəta haqqında materialı tədqiq edərək belə qənaətə gəlir ki, Şəxs qeyd olunan inzibati xətanı törətməkdə təqsirli bilinməlidir. Belə ki, izahatdan, habelə iş materiallarında olan xx.xx.2021-ci il tarixli raport, Azərbaycan Respublikası Daxili İşlər Nazirliyinin Baş X2 İdarəsinin Xüsusilə mühüm işlər üzrə baş əməliyyat müvəkkili, polis mayoru X3 tərəfindən tərtib olunmuş xx xxxxxx 2020-ci il tarixli, MN ******* saylı inzibati xəta haqqında protokol, barəsində inzibati xəta haqqında iş üzrə icraat aparılan fiziki şəxsin yazılı izahatından aydın olur ki, Şəxs xx xxxxxx 2021-ci il tarixdə idarə etdiyi “Mercedes Sprinter” markalı **-OJ-*** dövlət qeydiyyat nişanlı avtomobillə rayon qeydiyyatında olan və Bakı şəhərinə daxil olmaq üçün xüsusi icazəsi olmayan X5 Bakı-Ələt yolunun 62-ci kilometrliyində yerləşən xüsusi karantin postundan qanunsuz olaraq Bakı şəhərinə keçirməklə karantin rejimi qaydalarını pozmuşdur. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati icraat aparılan şəxs Şəxs barəsində inzibati tənbeh tətbiq edərkən onun şəxsiyyətini, ailə vəziyyətini, törətdiyi inzibati xətanın xarakterini, ictimai təhlükəlilik dərəcəsini, əmlak vəziyyətini, o cümlədən məsuliyyəti yüngülləşdirən və ağırlaşdıran halları nəzərə alır. Məhkəmə iclasında inzibati xəta törətmiş şəxsin səmimi peşmançılığını məsuliyyəti yüngülləşdirən hal kimi nəzərə alır, məsuliyyəti ağırlaşdıran hallar müəyyən edilməmişdir. Məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 211.1-ci maddəsində nəzərdə tutulmuş inzibati xətanı törətməkdə təqsirli bilinməli, törətmiş olduğu inzibati xətanın xarakteri, onun şəxsiyyəti, təqsirinin dərəcəsi, əməlindən səmimi peşmançılıq keçirməsi, habelə İnzibati Xətalar Məcəlləsinin 30.2-ci maddəsinin tələblərini, yəni Şəxs 65 (altmış beş) yaşına çatması nəzərə alınaraq ona Azərbaycan Respublikası İnzibati Xətalar Məcəlləsinin 211.1-ci maddəsinin sanksiyasında nəzərdə tutulan həddə cərimə növündə tənbeh tədbiri tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114,128-130-cu maddələrini rəhbər tutaraq QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 211.1-ci maddəsində nəzərdə tutulmuş inzibati xətanı törətməkdə təqsirli bilinərək 200 (iki yüz) manat məbləğində cərimə edilsin. Qərarın surəti rəsmi qaydada verildiyi vaxtdan 10 gün müddətinə işə baxan Bakı şəhəri Qaradağ Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti verilə bilər. kim (İmza) Hakim: İslam Həsənov