Bakı şəhəri Qaradağ Rayon Məhkəməsi Qərardad — İş №3(002)-2752/2025

Azərbaycan Respublikası adından QƏRARDAD Bakı şəhəri İş № 3(002)-2752/2025 22.12.2025 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlu, "xxxx" MMC-nin Azərbaycan Respublikasının İnzibati Xətalar Məcəlləsinin 539.3-cü maddəsində nəzərdə tutulmuş inzibati xətanı törətməsinə dair inzibati materiala açıq məhkəmə iclasında baxılmağa hazırlayarkən, məhkəmə MÜƏYYƏN ETDİ: "xxxx" MMC barəsində Azərbaycan Respublikası Əmək və Əhalinin Sosial Müdafiəsi yanında X2 Xidmətinin Bakı şəhər İdarəsi tərəfindən İnzibati Xətalar Məcəlləsinin 539.3-cü maddəsinə əsasən inzibati protokol tərtib edilmişdir. Məhkəməyə təqdim edilmiş materialları araşdıraraq hesab edir ki, material natamam olduğundan geri qaytarılmalıdır. Belə ki, "xxxx" MMC-nin nümayəndəsinin iştirakı olmadan tərtib edilmiş 08 dekabr 2025-ci il tarixli, MN ******* saylı inzibati protokoldan aydın olur ki, vətəndaş X1 şikayəti əsasında AR ƏM-nin 15-ci maddəsinin 2-ci hissəsinə əsasən "xxxx" MMC-yə 3-17-512-xxxx/2025 nömrəli xx.xx.2025-ci il tarixli məktubda qeyd olunan sənədlər 7 iş günü ərzində DƏMX-nin BŞİ-nə təqdim olunması tələb olunmuşdur. Məktubun cəmiyyətin ünvanına xx.xx.2025-ci il tarixində çatdırılmasına baxmayaraq tələb olunan sənədlər xx.xx.2025-ci il tarixinədək DƏMX-nin BŞİ-nə təqdim edilməmişdir. İş materiallarına "xxxx" MMC-yə X1 müraciətinə münasibət bildirilməsi və vətəndaşa aid sənədlərin yeddi iş günü ərzində Əmək Müfəttişliyinə təqdim edilməsi barədə müvafiq qaydada imzalanmamış məktubun surəti əlavə edilsə də, həmin məktubun həqiqətən də "xxxx" MMC-yə göndərilməsini və məktubun alınıb-alınmamasına dair heç bir sübut aşkar edilməmişdir. Azərbaycan Respublikası İXM-nin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunmadıqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Qeyd olunanları və Azərbaycan Respublikası İnzibati Xətalar Məcəlləsinin 40, 43, 100, 106 109-cu maddələrini rəhbər tutaraq, QƏRARA ALDİM: "xxxx" MMC-nin 08 dekabr 2025-ci il tarixli, MN ******* saylı protokol üzrə İnzibati Xətalar Məcəlləsinin 539.3-cü maddəsi ilə təqsirləndirilməsinə dair inzibati xəta haqqında material natamam olduğundan X2 Xidmətinin Bakı şəhər İdarəsinə geri qaytarılsın. Hakim: Rufan Mürsəlov