Bakı şəhəri Qaradağ Rayon Məhkəməsi Qərardad — İş №3(002)-2836/2025

Azərbaycan Respublikası adından QƏRARDAD Bakı şəhəri İş № 3(002)-2836/2025 26.12.2025 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlu, X1, Azərbaycan Yerüstü Nəqliyyat Agentliyi tərəfindən 12 noyabr 2025-ci il tarixli, AYN ******* saylı inzibati tənbeh vermə haqqında qərarın ləğvinə dair şikayətinin icraata qəbul edilməsi məsələsinə baxaraq, məhkəmə MÜƏYYƏN ETDİ: X2 ərizə ilə Bakı şəhəri Qaradağ Rayon Məhkəməsinə müraciət edərək AYNA tərəfindən xx.xx.2025-ci il tarixində tərtib edilmiş ******* nömrəli inzibati xəta protokolu və tətbiq edilmiş 20 manat cərimənin ləğv edilməsini , barəsində inzibati xəta üzrə icraata xitam verilməsini və qərar qanunsuz hesab edilərək hüquqlarının bərpa edilməsini xahiş etmişdir. X2 şikayətə işin Qaradağ rayon Məhkəməsində baxılmasına dair vəsatət əlavə etməmişdir. Məhkəmə şikayəti və ona əlavə edilmiş sənədləri nəzərdən keçirib hesab edir ki, qeyd olunan şikayət baxılması üçün ərazi aidiyyəti üzrə Bakı şəhəri Nizami rayon Məhkəməsinə göndərilməlidir. Belə ki, şikayət və ona əlavə edilmiş sənədlərdən aydın olur ki, törədilməsi ehtimal olunan inzibati xəta hadisəsi Bak şəhəri, Nizami rayonu, Musa Əliyev -11208 ünvanında baş vermişdir. Həmin ərazi Nizami rayonunun inzibati ərazisinə aiddir. Azərbaycan Respublikası Konstitutsiya Məhkəməsi Plenumunun 04 noyabr 2020-ci il tarixli qərarında göstərilmişdir ki, qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Azərbaycan Respublikası İnzibati Xətalar Məcəlləsinin 110.1-ci maddəsinin tələblərindən aydın olur ki, inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Həmin Məcəllənin 112.4-cü maddəsinə əsasən bu Məcəllənin 110-cu maddəsinə müvafiq olaraq işin aidiyyəti üzrə göndərilməsi barədə qərardad çıxarılır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 110 və 112-ci maddələrini rəhbər tutaraq, məhkəmə QƏRARA ALDİ: X1 12 noyabr 2025-ci il tarixli, AYN ******* saylı inzibati tənbeh vermə haqqında qərarın ləğvinə dair verdiyi şikayət baxılması üçün aidiyyəti üzrə Bakı şəhər Nizami Rayon Məhkəməsinə göndərilsin Hakim: Rufan Mürsəlov