Bakı şəhəri Qaradağ Rayon Məhkəməsi Qərar — İş №3(002)-2997/2024

Azərbaycan Respublikası adından QƏRAR Bakı şəhəri İş № 3(002)-2997/2024 18.11.2024 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlunun sədrliyi, Mustafayeva Sevda Bahaddin qızının katibliyi, Şəxs MMC-nin etibarnamə üzrə nümayəndəsi X1 iştirakı ilə, Şəxs MMC-nin barəsində İXM-nin 464-cü maddəsinə əsasən Azərbaycan Respublikasının Maliyyə Nazirliyindən daxil olmuş inzibati materiala, məhkəmənin binasında, açıq məhkəmə iclasında baxaraq MÜƏYYƏN ETDİ: Azərbaycan Respublikasının Maliyyə Nazirliyi tərəfindən hüquqi şəxs Şəxs Məhdud Məsuliyyətli Cəmiyyəti barəsində Azərbaycan Respublikasının İnzibati Xətalar Məcəlləsinin 464-cü maddəsi ilə nəzərdə tutulmuş inzibati xəta haqqında protokol tərtib olunaraq baxılması üçün Bakı şəhəri Qaradağ Rayon Məhkəməsinə göndərilmişdir. Azərbaycan Respublikasının Maliyyə Nazirliyinin Uçot Siyasəti şöbəsi tərəfindən hüquqi şəxs Şəxs Məhdud Məsuliyyətli Cəmiyyəti barəsində tərtib olunmuş 25 oktyabr 2024-cü il tarixli, MN ******* nömrəli inzibati xəta haqqında protokolundan görünür ki, AZ1063, Bakı şəhəri ünvan 1 ünvanında qeydiyyatda olan hüquqi şəxs Şəxs tərəfindən 2022-ci il üzrə maliyyə hesabatlarının 2023-cü ildə auditi aparılmamışdır və bununla da Azərbaycan Respublikasının İnzibati Xətalar Məcəlləsinin 464-cü maddəsində nəzərdə tutulan inzibati xətanı törətmişdir. Məhkəmə iclasında iştirak edən Şəxs MMC-nin etibarnamə üzrə nümayəndəsi X2 təmsil etdiyi şirkət barəsində qəbul edilmiş protokolu qəbul etməyərək göstərmişdir ki, Azərbaycan Respublikası Maliyyə Nazirliyi tərəfindən məhkəməyə ünvanlanmış 25 oktyabr 2024-cü il tarixli, 3-23/2-7266/2024 saylı məktubda qeyd olunan halları və ona əlavə olunmuş 25 oktyabr 2024-cü il tarixli MN ******* nömrəli inzibati xəta haqqında protokolu əsassız hesab edir. Belə ki, «Arazavia MMC» 2022-ci il üzrə maliyyə hesabatlarının düzgünlüyünü yoxlatmaq üçün "xxxx" MMC arasında audit xidməti göstərilməsi barədə müqavilə bağlamışdır. Həmin müqaviləyə əsasən "xxxx" MMC tərəfindən Şəxs MMC-nin 2022-ci il üzrə maliyyə-təsərrüfat fəaliyyətinin auditi aparılaraq buna dair 31 yanvar 2024cü il tarixli audit rəyi tərtib olunmuş və həmin rəy "audit.gov.az" saytı vasitəsi ilə Azərbaycan Respublikası Auditorlar Palatasına göndərilmişdir. Onlara aid olmayan səbəblərdən 31 yanvar 2024-cü il tarixində göndərilən həmin rəy Auditorlar Palatasının saytından Maliyyə Nazirliyinin saytına vaxtında göndərilməmişdir. Odur ki, Maliyyə Nazirliyinin inzibati xəta haqqında MN ******* saylı protokolu üzrə işə baxılmasına xitam verilməsi barədə qərar qəbul edilməsini xahiş etmişdir. Məhkəmə iclasının vaxtı və yeri barədə Azərbaycan Respublikasının Maliyyə Nazirliyinə rəsmi qaydada məlumat verilməsinə baxmayaraq nümayəndə məhkəmə iclasına gəlməmiş və tərəflərindən məhkəmə iclasının təxirə salınması barədə vəsatət daxil olmamışdır. Məhkəmə Azərbaycan Respublikasının Maliyyə Nazirliyinin nümayəndəsinin iştirakı olmadan məhkəmə iclasının keçirilməsini mümkün hesab etmişdir. İş materiallarında olan Azərbaycan Respublikasının İqtisadiyyat Nazirliyi yanında Dövlət Vergi Xidmətinin Maliyyə Nazirliyinə ünvanladığı 20 fevral 2024-cü il tarixli məlumatdan və çıxarışdan aydın olur ki, Şəxs 2022-ci il üzrə maliyyə hesabatlarını qanunvericilikdə nəzərdə tutulmuş qaydada, vaxtında təqdim etməmişdir. Azərbaycan Respublikasının Maliyyə Nazirliyinin 09 oktyabr 2024-cü il tarixli, 3-23/2- 6624/2024 saylı bildirişindən görünür ki, Şəxs 2022-ci il üzrə maliyyə hesabatlarının auditinin 2023-cü ildə qanunla nəzərdə tutulmuş hallarda həyata keçirilməməsi ilə əlaqədar məcburi auditdən yayınmağa görə inzibati xəta haqqında iş üzrə icraatın iştirakçısı qismində 25 oktyabr 2024-cü il tarixdə, saat 10:35-də Maliyyə Nazirliyinin Uçot Siyasəti şöbəsinə çağırılmışdır. Məhkəmə, inzibati xəta haqqında protokolu və iş materiallarını nəzərdən keçirərək hesab edir ki, hüquqi şəxs Şəxs MMC barəsində Azərbaycan Respublikasının İnzibati Xətalar Məcəlləsinin 464-cü maddəsi ilə təqsirli bilinərək cərimə edilməlidir. Azərbaycan Respublikası İXM-nin 464-cü maddəsinə əsasən “Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər üç yüz manatdan altı yüz manatadək məbləğdə, hüquqi şəxslər min beş yüz manatdan iki min beş yüz manatadək məbləğdə cərimə edilir. Həmin Məcəllənin 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Qeyd olunanları nəzərə alaraq və Azərbaycan Respublikası İnzibati Xətalar Məcəlləsinin 482.1-ci, 114-115, 117 və 152.5-ci maddələrini rəhbər tutaraq, məhkəmə QƏRARA ALDİ: Şəxs MMC (VÖEN:**********) Azərbaycan Respublikası İXM-nin 464-cü maddəsində nəzərdə tutulmuş inzibati xətanı törətməkdə təqsirli bilinərək 1500 (min beş yüz) manat məbləğində cərimə edilsin. Qərardan, onu surətinin rəsmi qaydada verildiyi vaxtdan 10 (on) gün müddətində Bakı şəhəri Qaradağ Rayon Məhkəməsinin vasitəsilə Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Rufan Mürsəlov