Bakı şəhəri Qaradağ Rayon Məhkəməsi Qərar — İş №3(002)-3/2024

Azərbaycan Respublikası adından QƏRAR Bakı şəhəri İş № 3(002)-3/2024 07.11.2024 BAKI ŞƏHƏRİ QARADAĞ RAYON MƏHKƏMƏSİ Hakim Qurbanov Teymur Əhməd oğlunun sədrliyi, İlyasov Ceyhun Bəhruz oğlunun katibliyi Şikayət vermiş şəxs X1, Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Bakı Ərazi Şöbəsininin nümayəndəsi X2 iştirakları ilə, X1 Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Bakı Ərazi Şöbəsininin MN ******* saylı, 28 avqust 2023-cü il tarixli TP ******* saylı, xx.xx.2024-cü il tarixli qərarından şikayətə açıq məhkəmə iclasında baxaraq, məhkəmə müəyyənetdi: X4 Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Bakı Ərazi Şöbəsininin MN ******* saylı, 28 avqust 2023-cü il tarixli qərarının ləğv edilməsi barədə şikayətlə məhkəməyə müraciət etmişdir. X4 şikayətini onunla əsaslandırılmışdır ki, Əmlak Məsələləri Dövlət Xidmətinin Bakı Ərazi Şöbəsinin müdiri X3 28 avqust 2023-cü il tarixində barsində inzibati tənbeh vermə haqqında MN ******* nömrəli qərar qəbul etmişdir.Sözügedən qərara əsasən o, Azərbaycan Respublikasının İnzibati Xətalar Məcəlləsinin 247.2 maddəsi üzrə inzibati xəta törətmişdir.Protokolda qeyd edilmişdir ki, o Qaradağ rayonu, Müşfiqabad qəsəbəsində kənd təsərrüfatı təyinatlı torpaq sahəsindən məqsədli təyinatına uyğun olmayan başqa məqsədlər üçün stifadə edilməsinə görə fərdi yaşayış evi inşa etdirmişdir..Sözügedən qərardan bir müddət sonra məlumatı olmuşdur O, əsassız yerə beş yüz manat cərimə olunmuşdur.Çünki Qaradağ rayonu,Müşfiqabad qəsəbəsində onun istifadəsində olan torpaqda heç bir fərdi yaşayış evi işaaetdirməmişdir. Beləki protokol tərtib olunarkən yainışlığa yol verilmişdir.Fərdi yaşayış evi onun qonşuluğumda inşa edilmişdir.Bu baxımdan da hesab edir ki, Əmlak Məsələləri Dövlət Xidmətinin Bakı Ərazi Şöbəsinin müdiri X3 28 avqust 2023-cü il tarixində qəbul etdiyi MN ******* nömrəli qərar ləğv edilməlidir. Məhkəmə iclasında iştirak edən X4 ərizəsinin məzmununa uyğun izahat verərək, ərizəsinin təmin edilməsini məhkəmədən xahiş etmişdir. Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Bakı Ərazi Şöbəsininin nümayəndəsi X5 şikayətin təmin edilməməsini və Şöbəsininin MN ******* saylı, 28 avqust 2023-cü il tarixli qərarın qüvvəsində saxlanılmasını xahiş etmişdir. Məhkəmə tərəfləri dinləyib, şikayət ərizəsini və digər iş materiallarını araşdıraraq hesab edir ki, şikayət əsassız olduğundan təmin edilməməlidir. Belə ki, qeyd edlən tikilinin kimə məxsus ərazidə aparılmasını müəyyən etmək məqsədi ilə xx.xx.2023-cü il tarixdə məhkəmə tikinti-texniki ekspertisası təyin edilmişdir. İş materiallarında olan məhkəmə tikinti-texniki ekspertizasının 14 avqust 2024-cü il tarixli rəyindən görünür ki, X1 adına icarə hüququ dövlət qeydiyyatından keçirilmiş 0.10 ha torpaq sahəsində aparılan tikilinin bir hissəsi X6, bir hissəsi isə X1 icarəsində olan torpaq sahəsinin hüdudları daxilində yerləşdiryi müəyyən edilmişdir. X4 məhkəmə iclasında sözügedən tikilinin ona məxsus ərazidə tikilmədiyini qeyd etsə də, məhkəmə tikinti-texniki ekspertizasının rəyinə əsasən tikilinin ona məxsus ərazidə aparılması öz təsdiqini tapmışdır. İş materiallarında olan MN ******* saylı, 28 avqust 2023-cü il tarixli inzibati tənbeh vermə haqqında qərardan görünür ki, X4 Azərbaycan Respublikasının İXM-nin 247.2-ci maddəsində nəzərdə tutulmuş inzibati xətanı törətməkdə təqsirli bilinərək 500 manat məbləğində cərimə edilmişdir. Azərbaycan Respublikasının İnzibati Xətalar Məcəlləsinin 247.1-ci maddəsinə əsasən torpaq sahəsindən məqsədli təyinatına uyğun olmayan başqa məqsədlər üçün istifadə edilməsinə görə - fiziki şəxslər üç yüz manat məbləğində, vəzifəli şəxslər altı yüz manat məbləğində, hüquqi şəxslər üç min manat məbləğində cərimə edilir. Həmin Məcəllənin 247.2-ci maddəsinə əsasən bu Məcəllənin 247.1-ci maddəsində nəzərdə tutulmuş xətanın kənd təsərrüfatı təyinatlı torpaqlara münasibətdə törədilməsinə görə - fiziki şəxslər beş yüz manat məbləğində, vəzifəli şəxslər min manat məbləğində, hüquqi şəxslər beş min manat məbləğində cərimə edilir. Azərbaycan Respublikasının İnzibati Xətalar Məcəlləsinin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Azərbaycan Respublikasının İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Məhkəmənin gəldiyi qənaətə görə şikayətçi X4 tərəfindən İXM-nin 247.2-ci maddəsində nəzərdə tutulan inzibati xətanın törədilməsi iş materialları və ekspertiza təyi ilə öz təsdiqini tapdığından, sonuncunun həmin maddə ilə təqsirli bilinib tənbeh edilməsi qanuni və əsaslı olmuşdur.Bu səbəbdən də Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Bakı Ərazi Şöbəsininin MN ******* saylı, 28 avqust 2023-cü il tarixli qərarı qanuni və əsaslı olduğundan X1 verdiyi şikayət təmin edilməməli və qeyd edilən qərar dəyişdirilmədən saxlanılmalıdır. Azərbaycan Respublikası İnzibati Xətalar Məcəlləsinin 134.1.1.-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq qərarın dəyişdirilmədən, şikayətin və ya protestin isə təmin edilmədən saxlanılması haqqında qərar qəbul edilir. Qeyd olunanlara əsasən və Azərbaycan Respublikası İnzibati Xətalar Məcəlləsinin 134, 128-133-cü maddələrini rəhbər tutaraq, məhkəmə qəraraaldı: X1 Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Bakı Ərazi Şöbəsininin MN ******* saylı, 28 avqust 2023-cü il tarixli inzibati xəta haqqında qərarın ləğv edilməsi barədə şikayəti təmin edilməsin. Qərarın surəti rəsmi qaydada verildiyi vaxtdan on gün müddətində Bakı Apellyasiya Məhkəməsinə şikayət verilə bilər. Hakim: Teymur Qurbanov