Bakı şəhəri Qaradağ Rayon Məhkəməsi Qərar — İş №3(002)-3112/2024

Azərbaycan Respublikası adından QƏRAR Bakı şəhəri İş № 3(002)-3112/2024 12.12.2024 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlunun sədrliyi, Mustafayeva Sevda Bahaddin qızının katibliyi, «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialının etibarnamə üzrə nümayəndəsi X1 iştirakı ilə, AZ1083, ünvan 1 ünvanında qeydiyyatda olan «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialı barəsində Qaradağ RPİ-dən daxil olmuş inzibati materiala məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialı barəsində Qaradağ RPİ-nin DYPŞ-sı tərəfindən İnzibati Xətalar Məcəlləsinin 347-ci maddəsinə əsasən inzibati protokol tərtib edilmişdir. İşdə olan İXP ******* №-li 20 noyabr 2024-cü il tarixli protokoldan və işə əlavə edilmiş sənədlərdən aydın olur ki, «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialının mülkiyyətində və ya istifadəsində olan nəqliyyat vasitəsinin yol vərəqəsi və sürücü haqqında məlumat Qaradağ RPİ-nin DYPŞ-na beş gün müddətində təqdim edilmədiyi üçün həmin təşkilat barəsində İXM-nin 347-ci maddəsinə əsasən inzibati protokol tərtib edilmişdir. Məhkəmə iclasında iştirak edən «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialının etibarnamə üzrə nümayəndəsi X2 öz izahatında təmsil etdiyi şirkət barəsində tərtib edilmiş protokolu qəbul etməyərək bildirmişdir ki, Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialı AZ1083, Baki şəhəri, Qaradağ rayonu, Sahil ştq, Emin Quliyev, ev 60, mənzil 38 ünvanında qeydiyyatda olsa da faktiki olaraq şirkət 2022-ci ildən Bakı şəhəri, Nərimanov rayonu, Oktay Kərimov 44 ünvanında yerləşir. Bununla bağlı onlar 20 iyul 2022-ci il tarixdə DİN-in BDYPİ-nə rəsmi məktub ünvanlayaraq məlumat vermişlər. Onlar qeyd olunan protokol ilə bağlı Qaradağ RPİ-nin DYPŞ ilə əlaqə saxlamış, polis orqanı səhvini etiraf edərək yanlışlığa yol verdiklərini etiraf etmişlər. Odur ki, «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialının əməlində inzibati xəta tərkibi olmadığından barəsində başlanılmış inzibati xəta haqqında iş üzrə icraata xitam verilməsini xahiş etmişdir. Məhkəmə iclasının yeri və vaxtı barədə Qaradağ RPİ-nin DYPŞ-na rəsmi məlumat verilsədə həmin təşkilatdan nümayəndə məhkəmə iclasında iştirak etməmiş və iştirak etməməsinin səbəbləri barədə də heç bir məlumat verməmişlər. Məhkəmə işə İXM-nin 61.3-cü maddəsinə əsasən tərəflərin iştirakı olmadan baxılmasını mümkün hesab etmişdir. Məhkəmə iş materiallarını və ona əlavə olunmuş sənədləri tədqiq edərək hesab edir ki, «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialı barəsində başlanmış inzibati iş üzrə icraata xitam verilməldir. Belə ki, «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialına məxsus olan «Mitsubishi L200 minik» markalı, ** YR *** dövlət qeydiyyat nişanlı avtomaşını idarə edən şəxs 09 iyul 2024-cü il tarixdə, saat 11:54-də M2, E 60, AH 5, Bakı-Ələt-Qazax-Gürcüstan yolunun 50-ci kilometrində yolda müəyyən edilmiş hərəkət sürətini 20 km/saat həddində aşdığına görə İXM-nin 328.1-ci maddəsinin tələblərini pozmuşdur. «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialının etibarnamə üzrə nümayəndəsi X1 məhkəmə iclasının gedişində təqdim etdiyi «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialının rəhbəri Alim Şentürk tərəfindən DİN-in BDYPİ-nə ünvanlanmış 20 iyul 2022-ci il tarixli məktubun surətindən aydın olur ki, onlar “Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialının AZ1083, Baki şəhəri, Qaradağ rayonu, Sahil ştq, Emin Quliyev, ev 60, mənzil 38 ünvanında deyil, Bakı şəhəri, Nərimanov rayonu, Oktay Kərimov 44 ünvanında yerləşməsini və onlara ünvanlanmış məktubların həmin ünvana göndərilməsi barədə DİN BDYPİ-nə məlumat vermişlər. Azərbaycan Respublikası İnzibati Xətalar Məcəlləsinin 347-ci maddəsinə əsasən nəqliyyat vasitəsinin istifadəçisi barədə məlumat verilməməsinə - hüquqi şəxsin mülkiyyətində və istifadəsində olan nəqliyyat vasitəsini inzibati xətanı törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 (beş) gün müddətinə verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. Həmin Məcəllənin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Həmin Məcəllənin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.2.1-ci maddəsinə əsasən Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar qəbul edilir. Həmin Məcəllənin 105.1-ci maddəsinə əsasən, həmin Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.2.1-ci maddəsinə əsasən, bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəlləsinin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Beləliklə yuxarıda sadalanan qanunun tələbləri və işin həqiqi halları baxımından məhkəmə belə qənaətə gəlir ki, barəsində inzibati icraat aparılan hüquqi şəxs «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialının Azərbaycan Respublikası İnzibati Xətalar Məcəlləsinin 347-ci maddəsi ilə inzibati xəta törətməsinə dair iş üzrə icraata əməlində inzibati xəta tərkibi olmadığından xitam verilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 43, 48-51, 53, 114, 115, 128-130-cu maddələrini rəhbər tutaraq, məhkəmə QƏRARA ALDİ: AZ1083, Baki şəhəri, Qaradağ rayonu, Sahil ştq, Emin Quliyev, ev 60, mənzil 38 ünvanında qeydiyyatda olan «Özgün Yapı Sanayi ve Ticaret Anonim Şirkəti»nin Azərbaycan Respublikasılndakı filialının (VÖEN: **********) İnzibati Xətalar Məcəlləsinin 347-ci maddəsində nəzərdə tutulan inzibati xətanı törətməsinə dair 20 noyabr 2024-cü il tarixli, İXP ******* nömrəli protokol üzrə icraata əməlində inzibati xəta tərkibi olmadığından xitam verilsin. Qərardan, onun surətinin təqdim edildiyi və ya alındığı gündən 10 (on) gün müddətində Qaradağ rayon məhkəməsi vasitəsi ilə Bakı Apellyasiya Məhkəməsinə şikayət və protest verilə bilər. Hakim: Rufan Mürsəlov