Bakı şəhəri Qaradağ Rayon Məhkəməsi Qərar — İş №3(002)-3271/2024

Azərbaycan Respublikası adından QƏRAR Bakı şəhəri İş № 3(002)-3271/2024 23.12.2024 BAKI ŞƏHƏRİ QARADAĞ RAYON MƏHKƏMƏSİ Hakim Dadaşova Şəfa Əliövsət qızının sədrliyi, Məmmədova Ülviyyə Nizami qızının katibliyi, İnzibati xəta haqqında protokolu tərtib etmiş şəxs Bakı şəhəri Qaradağ RPİ-nin 10-cu PŞ-nin sahə inspektoru X2, Zərərçəkmiş şəxs X1, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1982-ci il tarixdə Cəbrayıl rayonunda anadan olmuş, Azərbaycan Respublikası vətəndaşı, subay, Cəbrayıl rayonu, Hacılı ərazi dairəsi, Kavdar kəndində qeydiyyatda olan Şəxs Azərbaycan Respublikasının İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməsinə dair materiala açıq məhkəmə iclasında baxaraq, məhkəmə MÜƏYYƏN ETDİ: İnzibati xəta haqqında xx.xx.2024-cü il tarixli, MN ******* saylı protokola və ona əlavə edilmiş materiallara əsasən, 19 noyabr 2024-cü il saat 09:30-da Şəxs yaşadıqları Bakı şəhəri, ünvan 1 ünvanında aralarında yaranmış şəxsi münasibətlər zəmnində baş vermiş mübahisə zamanı keçmiş həyat yoldaşı X1 əl nahiyyəsinə vuraraq sonuncuya sol əlin arxa səthinin, sağ said nahiyyəsinin qançırları kimi sağlamlığa zərər vurmayan xəsarəti yetirməklə döymüşdür. Məhkəmə iclasında iştirak edən inzibati xəta haqqında protokol tərtib etmiş Bakı şəhəri Qaradağ RPİ-nin 10-cu PŞ-nin sahə inspektoru X6 tərtib etdiyi inzibati xəta haqqında protokolu müdafiə edərək Şəxs barəsində 02 ay müddətinə həbs növündə inzibati tənbeh tədbirinin tətbiq edilməsini xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək bildirdi ki, keçmiş arvadı X1 telefonda başqa kişilərlə danışdığını görmüş və belə hərəkətlərin onların birgə nikahından doğulmuş qız övladlarının yanında təkrarlanmaması üçün normal qaydada irad bildirmişdir. Lakin, zərərçəkmiş şəxs onun üstünə hücum etmiş, öldürməklə hədələmiş və Könül özünü ona döydürmək üçün təkid etmişdir. Buna baxmayaraq o, Könülə heç bir fiziki zorakılıq göstərməmiş, sadəcə özünü onun hücumundan müdafiə etmişdir. Həmçinin bildirmişdir ki, heç bir əlillik dərəcəsi yoxdur. Müdafiəçi ilə təmin olunmaqdan imtina etmə səbəbi maddi vəziyyəti ilə əlaqədar deyildir. Məhkəmə iclasında iştirak edən zərərçəkmiş şəxs X5 öz izahatında bildirmişdir ki, o keçmiş həyat yoldaşı Poladla nikahları pozulduqdan sonra ayrı yaşamışlar. Lakin, Polad son 2 aydır ki, əvvəllər birgə yaşadıqları evə geri qayıtmiş, onlarla yaşamağa davam etmişdir. Evə qayıtdığı vaxtdan Polad münaqişələr yaratmış, onu evdə uşaqlarının yanında ağır söyüşlərlə söyərək döymüşdür. Anoloji hərəkətlər müxtəlif vaxtlarla təkrarlansa da, o, polisə müraciət etməmişdir, lakin daha bu vəziyyətə tab gətirməyərək şikayət etmişdir. Hazırda onunla barışmaq istəmir, sərt tənbeh tətbiq edilməsini xahiş edir. Məhkəmə proses iştirakçılarının izahatlarını dinləyərək və inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsi tam sübuta yetirilir. Belə ki, iş materiallarında olan xx.xx.2024-cü il tarixli MN ******* saylı inzbati xəta haqqında protokoldan görünür ki, 19 noyabr 2024-cü il saat 09:30 radələrində Şəxs yaşadıqları Bakı şəhəri, ünvan 1 ünvanında aralarında yaranmış şəxsi münasibətlər zəmnində baş vermiş mübahisə zamanı keçmiş həyat yoldaşı X1 əl nahiyyəsinə vuraraq sonuncuya sol əlin arxa səthinin, sağ said nahiyyəsinin qançırları kimi sağlamlığa zərər vurmayan xəsarəti yetirməklə döymüşdür. İş materiallarında olan cinayət işinin başlanmasının rədd edilməsi haqqında xx.xx.2024-cü il tarixli qərardan görünür ki, material üzrə cinayət işinin başlanması rədd edilmiş və Şəxs barəsində Azərbaycan Respublikasının İnzibati Xətalar Məcəlləsinin 157ci maddəsi ilə tədbir görülməsi üçün qərarın surəti sahə inspektoruna göndərilmişdir. İş materiallarına əlavə edilmiş Azərbaycan Respublikası Səhiyyə Nazirliyi “Məhkəmə- Tibbi Ekspertiza və X4” X7 canlı şəxsin ekspertizası 722 saylı, 25 noyabr 2024-cü il tarixli ekspertin rəyindən görünür ki, X1 bədəni üzərində aşkar olunmuş xəsarətlər - sol əlin arxa səthinin, sağ said və sağ bazu nahiyyələrinin qançırları bərk küt əşya (əşyalar) təsirindən törənmişlər. Cöstərilən xəsarətlərdən sol əlin arxa səthinin, sağ said nahiyyəsinin qançırları müayinədən bir neçə saat əvvələ, sağ bazu nahiyyəsinin qançırı isə müayinədən 3-4 gün əvvələ uyğun gəlir və dərəcələrinə görə həm ümumilikdə və həmdə ayrı-ayrılıqda sağlamlığa zərər vurmayan xəsarətlərə aid olduqları üçün dərəcələri təyin edilmir. Məhkəmə iclasında təqdim olunmuş və iş materialına əlavə edilmiş DVD diskdə olan videogörüntüyə baxış zamanı müəyyən edilmişdir ki, Əhmədov X3 Könül Mansır qızı ilə mübahisə edərkən mətbəxin qapısına təpiklə vurduğu zərbə nəticəsində qapının üzərində olan şüşələr sınır, sonuncunun sol əli isə örtülən qapının arasında qalır. Beləliklə, məhkəmə iclasında toplanmış və tədqiq edilmiş obyektiv sübutların məcmusu, zərərçəkmiş şəxsin və şahidlərin izahatları, inzibati xəta haqqında protokol, videogörüntü və digər iş materialları ilə Şəxs zərərçəkmiş şəxsi döyərək qəsdən ona fiziki ağrı və dərəcəsi təyin edilməyən xəsarətlər yetirməsi sübuta yetirildi. Onun əməli məhkəmə tərəfindən Azərbaycan Respublikasının İnzibati Xətalar Məcəlləsinin 157-ci maddəsi ilə tövsif edilməli və həmin maddənin sanksiyası həddində onun barəsində inzibati tənbeh tədbiri tətbiq edilməlidir. Qeyd edilən əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Məhkəmə barəsində inzibati xəta haqqında iş üzrə icaat aparılan şəxsə inzibati tənbeh tətbiq edərkən Azərbaycan Respublikasının İnzibati Xətalar Məcəlləsinin aşağıdakı prinsip və müddəalarını rəhbər tutur. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9-cu maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 157-ci maddəsinə görə döymə və sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Azərbaycan Respublikasının İnzibati Xətalar Məcəlləsinin 32 və 33-cü maddələrinə əsasən isə Şəxs məsuliyyətini ağırlaşdıran və yüngülləşdirən hallar müəyyən edilməmişdir. Qeyd olunanları nəzərə almaqla məhkəmə, barəsində inzibati xəta haqqında iş üzrə icraat aparılan şəxsə inzibati tənbeh tətbiq etmə məsələsini müzakirə edib, törədilmiş xətanın xarakterini və hallarını, inzibati xəta törədən şəxsin şəxsiyyətini xarakretizə edən halları, onun təqsirinin dərəcəsini və tətbiq olunacaq inzibati tənbehin şəxsin islah olunmasına təsirini, onun azyaşlı uşaqların gözü önündə onların anasına yaşatdığı fiziki iztirabı nəzərə alaraq, belə nəticəyə gəlir ki, inzibati tənbehin məqsədi Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş həbs növündə inzibati tənbeh tədbiri tətbiq olunduğu təqdirdə təmin edilə bilər və ona həbs növündə inzibati tənbeh tədbiri tətbiq edilməsi qanuni və ədalətli olmaqla yanaşı, həm də inzibati tənbehin məqsədinə uyğundur. Məhkəmə həmçinin hesab edir ki, inzibati həbsdə saxlama müddətinin əvvəli 23 dekabr 2024-cü il tarixdən hesablanmalıdır. 1 ədəd DVD disk iş materialında saxlanılmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 21, 43, 106-112, 114.1.1, 115.1, 115.5, 117, 128.2.1, 130.1 və 157-ci maddələrini rəhbər tutaraq, məhəkmə QƏRARA ALDİ: Şəxs oğlu Azərbaycan Respublikasının İnzibati Xətalar Məcəlləsinin 157-ci maddəsi ilə təqsirli bilinərək barəsində 15 (on beş) gün müddətə inzibati həbs tətbiq edilsin. İnzibati həbs haqqında qərar dərhal icra edilsin. İnzibati həbsdə saxlama müddətinin əvvəli 23 dekabr 2024-cü il tarixdən hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərarın icrası Azərbaycan Respublikası Daxili İşlər Nazirliyinə bilavasitə tabe olan inzibati həbs olunanların saxlanılma mərkəzinə və Qaradağ Rayon Polis İdarəsinə həvalə edilsin. 1 ədəd DVD disk iş materialında saxlanılsın. Zərərçəkmiş şəxsə “Məişət zorakılığının qarşısının alınması haqqında” Azərbaycan Respublikasının 22 iyun 2010-cu il tarixli Qanuna əsasən qısamüddətli və uzunmüddətli mühafizə orderinin verilməsi üçün Qaradağ rayon icra hakimiyyətinə və məhkəməyə müraciət etmək hüquqları izah edilsin. Qərardan surəti rəsmi qaydada verildiyi vaxtdan 10 (on) gün müddətində Bakı şəhəri Qaradağ Rayon Məhkəməsi vasitəsilə Bakı Apellyasiya Məhkəməsinə şikayət verilə bilər Sədrlik edən: Şəfa Dadaşova