Bakı şəhəri Qaradağ Rayon Məhkəməsi Qərar — İş №3(002)-445/2022

Azərbaycan Respublikası adından QƏRAR Bakı şəhəri İş № 3(002)-445/2022 06.04.2022 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlunun sədrliyi, Mustafayeva Sevda Bahaddin qızının katibliyi, Qaradağ rayon icra şöbəsinin icra məmuru Əhmədzadə Səbuhi İsmayıl oğlunun, Barəsində inzibati xəta haqqında iş üzrə icraat aparılan şəxs Əliyeva (Şükürullayeva) Əfsanə Zakir qızının iştirakları ilə, xx xxxxxx 1972-ci ildə Şirvan rayonunda doğulmuş, Azərbaycan Respublikasının vətəndaşı, ünvan 1 ünvanında qeydiyyatda olan Əliyeva (Şükürullayeva) Əfsanə Zakir qızının Azərbaycan Respublikası İXM-nin 528.1-ci maddəsi ilə təqsirləndirilməsinə dair inzibati materiala məhkəmənin binasında, açıq məhkəmə iclasında baxaraq, məhkəmə MÜƏYYƏN ETDİ: Əliyeva (Şükürullayeva) X15 rayon Məhkəməsinin 2(002)-240/2008 saylı, 17 avqust 2008-ci il tarixli icra vərəqəsini üzrlü səbəb olmadan icra etmədiyinə görə barəsində Azərbaycan Respublikası İXM-nin 528.1-ci maddəsi ilə tərtib edilmiş inzibatı material baxılması üçün məhkəməyə daxil olmuşdur. Məhkəmə iclasında iştirak edən Qaradağ rayon icra şöbəsinin icra məmuru Əhmədzadə Səbuhi İsmayıl oğlu protokolu müdafiə edərək bildirmişdir ki, Qaradağ rayon Məhkəməsinin 2(002)-240/2008 saylı, 17 avqust 2008-ci il tarixli icra vərəqəsinə əsasən X7 və X2 X13 xeyrinə 14000 manat ABŞ dolları pul tutulmalıdır. Cavabdeh tərəfindən borcdan indiyədək 1242 manat 42 qəpik ödənilmiş, 1120 manatlıq əmlak borc əvəzi olaraq təqdim edilmişdir. Hazırda borc 21438 manatdır. Buna görə də borclu barəsində İXM-nin 528.1-ci maddəsi ilə 06 aprel 2022-ci il tarixli MN ******* saylı protokol tərtib etmiş və borclunu inzibati məsuliyyətə cəlb olunmasını xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Əliyeva (Şükürullayeva) Əfsanə Zakir qızı öz izahatında göstərmişdir ki, icra vərəqəsindən məlumatı vardır, qeyd olunan borc məbləğini keçmiş əri X5 X9 alarkən onu da imza atmağa məcbur etmişdir. Hal-hazırda ərindən ayrılmaqla üç oğlunu təkbaşına böyüdür. Bundan başqa başında xoşxassəli şiş var. Oğlu Şükürullayev X16 Qarabağ müharibəsində fəal iştirak edərək Cəbrayıl və Xocavəndin azad olunmasına görə meddalla təltif olunmuşdur, qazidir. O, maddi vəziyyətinin ağır olduğunu, hal-hazırda heç bir yerdə işləmədyini, hər hansı bir gəlirə və ya qazanca malik olmadığını və borcundan gələcəkdə ödənişlər edəcəyini bildirərək, ilk dəfə inzibati məsuliyyətə cəlb olunmasını, borcunu ödəməkdən qəsdən yayınmamasını və icra məmurunun çağırışlarına vaxtı-vaxtında gəlməsinin nəzərə alınaraq inzibati iş üzrə icraata xitam verilməsini məhkəmədən xahiş etmişdir. Məhkəmə, tərəflərin izahatını və icra işini nəzərdən keçirərək, hesab edir ki, borclu Əliyeva (Şükürullayeva) Əfsanə Zakir qızının əməlində hazırki vaxtda inzibati xəta tərkibi olmadığından inzibati xəta haqqında iş üzrə icraata xitam verilməlidir. Belə ki, məhkəmə araşdırması zamanı borclunun yaranmış borcunu ödəməkdən qəsdən yayınmasına və eləcə də icra məmurunun qanuni tələblərinə qəsdən tabe olmamasına dair heç bir hal müəyyən edilməmişdir. İnzibati Xətalar Məcəlləsinin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114.1.4-cü maddəsinə əsasən inzibati xəta haqqında işə baxılarkən inzibati xəta haqqında iş üzrə icraata xitam verilməsi haqqında məsələ üzrə qərar çıxarılır. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barədə şübhələr onun xeyrinə həll edilir. Qeyd olunanları nəzərə alaraq və Azərbaycan Respublikası İnzibati Xətalar Məcəlləsinin 115,128,129 və 130-cu maddələrini rəhbər tutaraq, məhkəmə QƏRARA ALDİ: Əliyeva (Şükurullayeva) Əfsanə Zakir qızının əməlində Azərbaycan Respublikası İXM-nin 528.1-ci maddəsində nəzərdə tutulmuş inzibati xəta tərkibi olmadığından başlanmış inzibati xəta haqqında icraata xitam verilsin. Qərardan onun surəti təqdim edildiyi və ya alındığı gündən 10 (on) gün müddətində Qaradağ rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və protesti verilə bilər. Sədrlik edən: Rufan Mürsəlov