Bakı şəhəri Qaradağ Rayon Məhkəməsi Qərar — İş №3(002)-465/2025

Azərbaycan Respublikası adından QƏRAR Bakı şəhəri İş № 3(002)-465/2025 14.03.2025 BAKI ŞƏHƏRİ QARADAĞ RAYON MƏHKƏMƏSİ Hakim Qurbanov Teymur Əhməd oğlunun sədrliyi, Rəhimov Arif Rəfail oğlunun katibliyi ilə, Qaradağ rayon Pİ 10-cu Polis Şöbəsinin sahə inspektoru X1, Barəsində inzibati xəta haqqında iş üzrə icraat aparılan Şəxs iştirakları ilə, xx.xx.1994-cü ildə Beyləqan rayonu, Aşqallar kəndində anadan olmuş, Azərbaycan Respublikası vətəndaşı, evli, Ağdam rayonu, Ətyeməzli kəndində qeydiyyatda olan və Abşeron rayonu, Qobu kəndində yaşayan Şəxs barəsində Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə daxil olmuş inzibati xəta haqqında materiala baxaraq, məhkəmə m ü ə y y ə n e t d i: İnzibati xəta haqqında materialda göstərilmişdir ki, Şəxs 13 mart 2025-ci il tarixdə, saat 23:30 radələrində Bakı şəhəri, Qaradağ rayonu, Qobu Park istiqamətində hərəkətdə olan zaman polis əməkdaşları tərəfindən saxlanılmış və polis əməkdaşının qanuni tələblərinə qəsdən tabe olmayaraq tabesizlik göstərərək nalayiq ifadələr işlətmişdir. Qeyd edilənlərlə bağlı Şəxs barəsində Qaradağ RPİ 10-cu Polis Şöbəsinin sahə inspektoru X2 tərəfindən Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə nəzərdə tutulan MN seriyalı ******* saylı, xx.xx.2025-ci il tarixli protokol tərtib edilmişdir. Qaradağ rayon Pİ 10-cu Polis Şöbəsinin sahə inspektoru X2 məhkəmə iclasında bildirmişdir ki, Şəxs 13 mart 2025-ci il tarixdə, saat 23:30 radələrində Bakı şəhəri, Qaradağ rayonu, Qobu Park istiqamətində hərəkətdə olan zaman polis əməkdaşları tərəfindən saxlanılmış və polis əməkdaşının qanuni tələblərinə qəsdən tabe olmayaraq tabesizlik göstərərək nalayiq ifadələr işlətmişdir. Qeyd edilənlərlə bağlı tərəfindən MN seriyalı ******* saylı, xx.xx.2025-ci il tarixli protokol tərtib edilərək məhkəməyə göndərilmişdir. Barəsində inzibati iş üzrə icraat aparılan Şəxs məhkəmə iclasında bildirmişdir ki, xx.xx.2025-ci il tarixdə Qobu istiqamətində işdən gələn zaman YPX əməkdaşları tərəfindən saxlanılmışlar. Saxlanılan zaman sürücüdən sənədləri tələb etdilər. Onlar da yerə düşdükdə aralarında söz-söhbət yaranmışdır. Həmin gün içki içməmişdir. Sadəcə sözlə mübahisə olmuşdur. Özünü təqsirli bilmir. Qeyd edilənlərin nəzərə alınmasını xahiş edir. İnzibati xəta haqqında materialı araşdırıb, sübutlara məcmu halda, hüquqi qiymət verərək hesab edirəm ki, Şəxs İXM-nin 510 və 535.1-ci maddələrində nəzərə tutulmuş inzibati xətanı təqsirli olaraq törətməsi sübuta yetirilmədiyindən iş üzrə icraata xitam verilməlidir. Belə ki, İXM-nin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. İstinad edilən Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə hesab edir ki, inzibati xəta haqqında materialda olan sübutlarla Şəxs ictimai qaydanı pozaraq xırda xuliqanlıq etməsi və polis əməkdaşlarının qanuni tələblərinə qəsdən tabe olmaması sübuta yetirilməmişdir. Bundan başqa məhkəmə iclası zamanı iş üzrə şahidlər təqdim edilməmiş, iş materiallarına yalnız protokol əlavə edilərək, başqa heç bir sübut əlavə edilməmişdir. AR İXM-nin 53.0.1-ci və 53.0.2-ci maddələrinə əsasən inzibati xəta hadisəsi və inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd olunanlara əsasən və Azərbaycan Respublikasının İnzibati Xətalar Məcəlləsinin 114-cü, 115-ci, 128-130-cu maddələrini rəhbər tutaraq, məhkəmə qəraraaldı: Şəxs əməlində Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xəta tərkibi olmadığından, barəsində başlanmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan on gün müddətində Bakı Apellyasiya Məhkəməsinə şikayət və ya protest verilə bilər. Hakim Teymur Qurbanov