Bakı şəhəri Qaradağ Rayon Məhkəməsi Qərar — İş №3(002)-496/2021

Azərbaycan Respublikası adından QƏRAR Bakı şəhəri İş № 3(002)-496/2021 02.04.2021 BAKI ŞƏHƏRİ QARADAĞ RAYON MƏHKƏMƏSİ Bakı şəhəri Qaradağ Rayon Məhkəməsinin hakimi Həşimova Günay Rövşən qızının, Muxtarov Nurlan Nurəddin oğlunun katibliyi, Qaradağ Rayon İcra Şöbəsinin böyük icra məmuru X9, Barəsində inzibati protokol tərtib edilmiş Şəxs, X2 iştirakı ilə, xx.xx.1980-ci il tarixdə Bakı şəhərində anadan olmuş, Azərbaycan Respublikasının vətəndaşı, orta təhsilli, ünvan 1 ünvanında qeydiyyatda olmaqla ünvan 2 küçəsi, ev 60, mənzil 9 ünvanında yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair Bakı şəhəri Qaradağ Rayon İcra Şöbəsindən daxil olmuş materiala baxaraq, MÜƏYYƏN ETDİ: Bakı şəhəri Qaradağ rayon İcra şöbəsindən daxil olmuş xx.xx.2021-ci il tarixli, MN № ******* saylı inzibati xəta haqqında protokolda göstərilmişdir ki, Qaradağ Rayon Məhkəməsinin 2(002)-763/2019 saylı xx.xx.2019-cu il tarixli icra sənədinə əsasən iddia təmin edilərək Şəxs xx.xx.2007-ci il təvəllüdlü X7 və xx.xx.2015-ci il təvəllüdlü X3 yetkinlik yaşına çatanadək saxlanılması üçün hər ay hər uşaq üçün 160 manat sabit pul məbləğində aliment tutularaq X8 ödənilməlidir. İcra sənədi icraata daxil olduqdan sonra “İcra haqqında” Azərbaycan Respublikası Qanunun 8.2.-ci maddəsinin tələblərinə uyğun olaraq icraata başlamaq haqqında qərarlar qəbul edilərək borcluya tələbin icrası üçün bildiriş göndərilməsinə, yazılı və şifahi xəbərdarlıq edilərək icra sənədinin icrası tələb olunmasına baxmayaraq borclu Şəxs icra sənədinin icrasını təmin etməmiş, bununla bağlı icra məmurunun qanuni tələblərini yerinə yetirməmişdir. Bakı şəhəri Qaradağ rayon İcra və Probasiya şöbəsinin icra məmuru X13 məhkəmə iclasında tərtib etdiyi inzibati xəta haqqında protokolun dəlillərinə uyğun izahat vermiş və əlavə olaraq bildirmişdir ki, sözü gedən icra sənədi icraatına daxil olmuş, qanunvericilikdə nəzərdə tutulmuş qaydada icraata başlamaq haqqında qərar qəbul edərək tələbin könüllü icrasına dair bildirişlə birlikdə borcluya ünvanlamışdır. Borclu artıq bir neçə aydır ki, hər ay vaxtında aliment ödəməsinə baxmayaraq, əvvəldən yaranmış borcu 1220 manat borcunu ödəməmişdir. Bu səbəbdən də, Şəxs barəsində inzibati protokol tərtib etmiş və baxılması üçün məhkəməyə göndərmişdir. Borclu Şəxs inzibati xəta haqqında materiala öz münasibətini bildirərək, qeyd etdi ki, o artıq 1 ilə yaxın müddətdir ki, hər ay 320 manat aliment borcunu ödəyir, lakin müəyyən qədər borc əvvəlki aylardan qalmışdır. İmkanı olmadığı üçün borcunu vaxtında ödəyə bilməmişdir. Hazırda tələbkara həmin borcdan 300 manat ödəyə bilər. Qalan borcunu da tezliklə ödəyəcəkdir. Qalan borcunu qısa bir zamanda ödəyəcəyini bildirməklə məhkəmədən barəsində ədalətli qərar qəbul edilməsini xahiş etmişdir. X11 Aslan məhkəməyə ərizə təqdim edərək, borclu Şəxs tərəfindən ona hazırda 300 manat pul ödənildiyini qeyd edərək, bu halın nəzərə alınmasını xahiş etdi. Həmçinin qeyd etdi ki, borclu aylıq 320 manat aliment borcunu hər ay ödəsə də, əvvəldən qalan 1220 manat borcu qalmışdır. İş materiallarında olan və məhkəmə baxışında tədqiq edilmiş: Qaradağ Rayon Məhkəməsinin 2(002)-763/2019 saylı xx.xx.2019-cu il tarixli icra sənədinə əsasən iddia təmin edilərək Şəxs xx.xx.2007-ci il təvəllüdlü X7 və xx.xx.2015-ci il təvəllüdlü X3yetkinlik yaşına çatanadək saxlanılması üçün hər ay hər uşaq üçün 160 manat sabit pul məbləğində aliment tutularaq X8 ödənilməlidir. İcraata başlama haqqında xx xxx 2019-cu il tarixli qərarın surətindən görünür ki, Qaradağ Rayon Məhkəməsinin 2(002)-763/2019 saylı xx.xx.2019-cu il tarixli icra sənədi əsasında iş üzrə icraat başlanılmış və icraata başlanması haqqında qərar dərhal icra olunması üçün bildirişlə borclu Şəxs, məlumat üçün isə tələbkara göndərilmişdir; Məhkəmə iclasında tərəflərin izahatlarından və tələbkar tərəfindən təqdim edilmiş yazılı ərizədən göründüyü kimi, xx.xx.2021-ci il tarixində X1 Kəmalə Aslan qızına cəmi 300 (üç yüz) manat ödəniş etmişdir. Azərbaycan Respublikası İnzibati Xətalar Məcəlləsinin: 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir; 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 114.2.1-ci maddəsinə əsasən Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar qəbul edilir İnzibati xəta haqqında protokolu, icra məmurunun, barəsində inzibati xəta haqqında iş üzrə icraat aparılan şəxsin izahatlarını, eləcə də inzibati materialda olan sənədləri nəzərə alıb iş üzrə sübutları qiymətləndirərək məhkəmə hesab edir ki, Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında öz təsdiqini tapmamışdır. Məhkəmə baxışında müəyyən edilmişdir ki, Qaradağ Rayon Məhkəməsinin 2(002)- 763/2019 saylı xx.xx.2019-cu il tarixli icra vərəqəsi üzrə borclu Şəxs tərəfindən aliment borcundan məhkəmə baxışı dövründə ümumilikdə 300 (üç yüz) manat X11 Aslan ödənilməsi təmin edilmişdir. Həmçinin borclu hər ay mütəmadi olaraq aylıq 320 manat aliment borcunu tələbkara ödəyir. Yuxarıda sadalanan qanunun tələbləri və işin həqiqi halları baxımından məhkəmə belə qənaətə gəlir ki, Azərbaycan Respublikası İnzibati Xətalar Məcəlləsinin 528.1-ci maddəsinin dispozisiyasına əsasən icra sənədinin borclu tərəfindən üzrsüz səbəbdən icra edilməməsi inzibati məsuliyyətə səbəb olduğundan, hazırkı halda isə borclu Şəxs tərəfindən icra sənədi üzrə ödənişin edilməsi təmin olunmaqla icra sənədinin üzrsüz səbəblərdən icra edilməməsi halının mövcudluğu istisna olunduğundan, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında iş üzrə icraata əməlində inzibati xəta tərkibi olmadığından xitam verilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 48-51, 53, 114, 115, 128-130-cu maddələrini rəhbər tutaraq QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xətanı törətməsinə dair iş üzrə icraata əməlində inzibati xəta tərkibi olmadığından xitam verilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Hakim: Günay Həşimova