Bakı şəhəri Qaradağ Rayon Məhkəməsi Qərar — İş №3(002)-619/2025

Azərbaycan Respublikası adından QƏRAR Bakı şəhəri İş № 3(002)-619/2025 11.04.2025 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlunun sədrliyi, Mustafayeva Sevda Bahaddin qızının katibliyi, Qaradağ rayon İcra Şöbəsinin icra məmuru X4, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxxxxx 1981-ci ildə Bakı şəhərində doğulmuş, Azərbaycan Respublikasının vətəndaşı, evli, orta təhsilli, ünvan 1 ünvanında qeydiyyatda olmaqla yaşayan Şəxs Azərbaycan Respublikası İXM-nin 528.1-ci maddəsi ilə təqsirləndirilməsinə dair inzibati materiala məhkəmənin binasında, açıq məhkəmə iclasında baxaraq, məhkəmə MÜƏYYƏN ETDİ: Qaradağ rayon İcra şöbəsinin icra məmuru X8, borclu Şəxs barəsində protokol tərtib edərək, Hacıqabul Rayon Məhkəməsinin 2(071)-229/2013 saylı, 19 iyun 2023-cü il tarixli icra vərəqəsini üzrlü səbəb olmadan icra etmədiyinə görə onun İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsini xahiş etmişdir. Məhkəmə iclasında Qaradağ rayon İcra şöbəsinin icra məmuru X8 protokolu müdafiə edərək bildirmişdir ki, Hacıqabul rayon Məhkəməsinin 2(071)-229/2013 saylı, 19 iyun 2023-cü il tarixli icra vərəqəsinə əsasən; cavabdeh Şəxs 21 sentyabr 2007-ci il təvəllüdlü X5 və 16 fevral 2009-cu il təvəllüdlü X1 yetkinlik yaşına çatanadək saxlanılmaları üçün məhkəməyə müraciət olunan 20 may 2013-cü il tarixdən başlayaraq hər ay hər uşağa 93 manat olmaqla cəmi 186 manat sabit pul məblğində alimentin tutularaq iddiaçı X6 ödənilməsi qət edilmişdir. Bundan başqa Şirvan şəhər Məhkəməsinin 2(032)-154/2024 saylı, 13 mart 2024-cü il tarixli icra vərəqəsinə əsasən iddia qismən təmin edilmiş, Hacıqabul rayon Məhkəməsinin 2(071)-229/13 saylı, 19 iyun 2013-cü il tarixli qiyabi qətnaməsi ilə Şəxs X2 xeyrinə tutulan alimentin miqdarı artırılmış, hazırki qətnamə qanuni qüvvəyə mindiyi tarixdən başlayaraq 21 sentyabr 2007-ci il təvəllüdlü X9 və 16 fevral 2009-cu il təvəllüdlü X3 yetkinlik yaşına çatanadək saxlanılması üçün Şəxs X2 xeyrinə hər ay hər uşağa görə 135 manat olmaqla ümumilikdə 270 manat sabit pul məbləğində alimentin tutulması qət edilmişdir. Hər iki icra sənədi 11 aprel 2025-ci il tarixdə bir neçə icra sənədinin bir icraatda birləşdirilməsi haqqında qərarla ümumi icraatda 10529 № ilə birləşdirilmişdir. İcra sənədi icraata daxil olduqdan sonra qanunvericiliklə nəzərdə tutulmuş qaydada 13 sentyabr 2013-cü il tarixdə icraata başlamaq haqqında qərar qəbul olunaraq tələbin könüllü icrasına dair bildirişlə birgə borcluya göndərilmişdir. Borclu icra sənədini indiyədək vaxtaşırı icra etsə də aliment borcları yığılaraq ümumilikdə 5288 manat qalmışdır. Belə ki borclu sonuncu dəfə bu ilin mart ayında aliment borcundan 250 manat ödəniş etmişdir. Bundan əlavə icra məmuru tələbkar X7 ilə telefon vasitəsilə əlaqə saxladığını, tələbkarın məhkəmə iclasına işdə olması səbəbindən gələ bilmədiyini, lakin yaranmış borcun tam ödənilməsini tələb etməklə bu baş vermədikdə borclunun barəsində ağır inzibati tənbeh tədbirinin tətbiq edilməsini xahiş etdiyini bildirmişdir. Bütün bunların nəzərə alınaraq borclu barəsində daha ciddi inzibati tənbeh tədbirinin tətbiq edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan fiziki şəxs Şəxs öz izahatında bildirmişdir ki, borcundan xəbəri vardır, belə ki, icra sənədini indiyədək mütəmadi olaraq icra etmiş, lakin 2019-cu ildə qapalı ürək əməliyyatı keçirmiş və ürəyinə “stent” qoyulmuşdur. Bu səbəbdən də işləyə bilmir və müvafiq gəlirə malik deyil. Lakin yaxın günlərdə aliment borcundan kifayət qədər ödənişlər edə biləcəyini bildirərək barəsində həbslə bağlı olmayan inzibati tənbeh tədbirinin tədbiq edilməsini xahiş etmişdir. Tərtib edilmiş inzibati protokoldan, iş materiallarından, borclunun, icra məmurunun və tələbkarın izahatlarından aydın olur ki, Şəxs heç bir üzrlü səbəb olmadan icra sənədini uzun müddətdər ki, icra etməmişdir. Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətməsi işdə iştirak edən şəxslərin izahatları və inzibati xəta haqqında tərtib edilmiş 11 aprel 2025-cü il tarixli MN ******* saylı protokolla və işin digər halları ilə tam təsdiq olunur. Azərbaycan Respublikası İXM-nin 528.1-ci maddəsinə əsasən məhkəmə qərarlarını üzürsüz səbəbdən icara etməməkvə böyük icra məmurunun qanuni tələblərinə tabe olmamaq inzibatı məsulliyət yaradır. Azərbaycan Respublikası İXM-nin 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə, iş materiallarını nəzərdən keçirib hesab edir ki, borclunun qanuni qüvvəyə minmiş məhkəmə qətnaməsinin icrasından uzun müddət keçməsinə baxmayaraq qətnaməni icra tam etməməsi qərəzli yayınma kimi qiymətləndirilməlidir. Hazırki məhkəmə iclasında da borclu, borcun ödənilməsi üçün hər hansı bir formada cəhd belə göstərməmiş və bu barədə məhkəməyə hər hansı inandırıcı heç bir dəlil də gətirməmiş, əksinə öz izahatı və hərəkətləri ilə yaranmış borcunu ödəməyəcəyini bir daha nümayiş etdirmişdir. Ona görə də Şəxs Azərbaycan Respublikası İXM-nin 528.1-ci maddəsi ilə təqsirli bilinib, ona həmin maddənin sanksiya çərçivəsində inzibati həbs növündə tənbeh tədbirinin tətbiq edilməsi daha qanuni, əsaslı və ədalətlidir. Qeyd olunanları nəzərə alaraq və Azərbaycan Respublikası İnzibati Xətalar Məcəlləsinin 115,128,129 və 130-cu maddələrini rəhbər tutaraq, QƏRARA ALDİ: 1.Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib 08 (səkkiz) gün müddətinə inzibati qaydada həbs edilsin. 2.Həbs müddətinin əvvəli 11 aprel 2025-ci il tarixdən saat 17:00-dan hesablansın. 3.Qərarın icrası Qaradağ rayon Polis İdarəsinə və Qaradağ rayon İcra şöbəsinə həvalə edilsin. 4.Qərardan, onun surətinin təqdim edildiyi və ya alındığı gündən 10 (on) gün müddətində Qaradağ rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Rufan Mürsəlov