Bakı şəhəri Qaradağ Rayon Məhkəməsi Qərardad — İş №3(002)-756/2020

Azərbaycan Respublikası adından QƏRARDAD Bakı şəhəri İş № 3(002)-756/2020 08.07.2020 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlunun sədrliyi ilə “X2 X3 Ticaret Limited” şirkətinin Azərbaycan Respublikasındakı filialı barəsində Dövlət Gömrük Komitəsinin Bakı Baş Gömrük X1 Məcəlləsinin 499.1.3-cü maddəsi ilə daxil olmuş inzibati xəta haqqında işin baxılmağa hazırlanması məsələsinə açıq məhkəmə iclasında baxaraq, məhkəmə m ü ə y y ə n e t d i: “X2 X3 Ticaret Limited” şirkətinin Azərbaycan Respublikasındakı filialı barəsində Dövlət Gömrük Komitəsi Bakı Baş Gömrük İdarəsindən Azərbaycan Respublikasının İnzibati Xətalar Məcəlləsinin 499.1.3-cü maddəsi ilə inzibati material daxil olmuşdur. Məhkəmə hesab edir ki, həmin materialgeri qaytarılmalıdır. Belə ki, iş materiallarından aydın olur ki, ünvan 1 ünvanında qeydiyyatda olan “X2 X3 Ticaret Limited” şirkətinin Azərbaycan Respublikasındakı filialı Azərbaycan Respublikasının gömrük ərazisinə qaytarılması məcburi olan xx xxxxx 2019-cu il tarixdə Bakı Baş Gömrük İdarəsində **********0784 sorğu nömrəli və **********0787 sorğu nömrəli Gömrük bəyannamələri ilə bəyan edilməklə “müvəqqəti ixrac” gömrük prosedurlarında rəsmiləşdirilmiş, GU154UG/BS946B nömə nişanlı və FH287HF/VV993W nömrəli nişanlı yük avtomobillərində xx xxxxx 2020-ci il tarixdə Qərb Ərazi Baş Gömrük İdarəsinin “Qırmızı Körpü” gömrük postunda sərhədi keçməklə Azərbaycan Respublikasından müvəqqəti aparılmış malları 1 (bir) il müddətində, yəni xx xxxxx 2020-ci il tarixədək qaytarılmalı, yaxud başqa gömrük prosedurunda yerləşdirilməli və ya müvəqqəti ixrac müddətini uzatmalı olduğu halda, həmin müddəti bir aydan üç ayadək müddətə gecikdirilməklə, xx xxxx 2020-ci il tarixdə müvəqqəti saxlanc müddətinin uzadılmasına dair Bakı Baş Gömrük İdarəsinə müraciət edilmişdir. Azərbaycan Respublikası İXM-nin 110-cu maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Həmin Məcələənin 499.1.3-cü maddəsinin tələbindən aydın olur ki, Azərbaycan Respublikasının gömrük ərazisindən kənara aparılması və ya bu əraziyə qaytarılması məcburi olan, əvvəllər müvəqqəti gətirilmiş və ya aparılmış mallar və ya nəqliyyat vasitələrinin müəyyən olunmuş müddətlər pozulmaqla Azərbaycan Respublikasının gömrük ərazisindən kənara aparılmasına və ya bu əraziyə qaytarılmasına görə, bir aydan üç ayadək müddətə gecikdirilməklə Azərbaycan Respublikasının gömrük ərazisindən kənara aparılmasına və ya bu əraziyə qaytarılmasına görə fiziki şəxslər beş yüz manatdan yeddi yüz əlli manatadək məbləğdə, vəzifəli şəxslər səkkiz yüz manatdan min iki yüz manatadək məbləğdə, hüquqi şəxslər iki min manatdan üç min manatadək məbləğdə cərimə edilir. Beləliklə, daxil olmuş inzibati materialdan aydın olur ki, barəsində inzibati protokol tərtib edilmiş hüquqi şəxs olan “X2 X3 Ticaret Limited” şirkətinin Azərbaycan Respublikasındakı filialı, üzərinə düşən öhdəliyi düzgün icra etməməklə müvəqqəti saxlanc müddətinin uzadılmasına dair Bakı Baş Gömrük İdarəsinə vaxtında müraciət etməmişdir. Göründüyü kimi “X2 X3 Ticaret Limited” şirkətinin Azərbaycan Respublikasındakı filialına istinad olunan inzibati xəta hadisəsi Qaradağ rayonunun inzibati ərazisində deyil, hüquqi şəxsin öz ünvanında baş vermişdir. Bundan başqa iş materiallarına Bakı Baş Gömrük İdarəsinin Qaradağ rayon ərazisində yerləşməsinə dair heç bir sübut əlavə edilməmişdir. Azərbaycan Respublikasının İXM-nin 109.1.6-cı maddəsinin tələblərinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad çıxarır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109 maddəsini rəhbər tutaraq, məhkəmə qərara aldı: “X2 X3 Ticaret Limited” şirkətinin Azərbaycan Respublikasındakı filialı barəsində Dövlət Gömrük Komitəsi Bakı Baş Gömrük X1 Məcəlləsinin 499.1.3-cü maddəsi ilə daxil olmuş inzibati xəta haqqında material geri qaytarılsın. Hakim: Rufan Mürsəlov