Bakı şəhəri Qaradağ Rayon Məhkəməsi Qərar — İş №3(002)-772/2021

Azərbaycan Respublikası adından QƏRAR Bakı şəhəri İş № 3(002)-772/2021 11.06.2021 BAKI ŞƏHƏRİ QARADAĞ RAYON MƏHKƏMƏSİ Hakim Həsənov İslam Telman oğlunun sədrliyi, Mustafayeva Zeynəb Əbülfət qızının katibliyi ilə, Şəxs barəsində Azərbaycan Respublikasının İnzibati Xətalar Məcəlləsinin 496.1-ci maddəsi ilə inzibati xəta haqqında materiala Qaradağ Rayon Məhkəməsinin binasında açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Dövlət Gömrük Komitəsi Bakı Baş Gömrük İdarəsindən Qaradağ Rayon Məhkəməsinə Şəxs barəsində Azərbaycan Respublikasının İnzibati Xətalar Məcəlləsinin 496.1-ci maddəsi ilə inzibati xəta haqqında material daxil olmuşdur. Azərbaycan Respublikası Dövlət Gömrük Komitəsi Bakı Baş Gömrük İdarəsi tərəfindən daxil olmuş 01.06.2021-ci il tarixli, 00100-1021/21 nömrəli inzibati xəta haqqında protokoldan görünür ki, Şəxs (VÖEN **********) 30 dekabr 2020-ci il tarixdə Bakı Baş Gömrük İdarəsində **********3783 sorğu nömrəli Gömrük bəyannaməsi ilə “müvəqqəti saxlanc” gömrük prosedurunda yerləşdirilmiş mallara görə saxlancın son tarixi - 29 aprel 2021-ci il müəyyən edilməklə rəsmiləşdirilmə apararaq Bakı şəhəri Qaradağ rayonu ərazisində Səlyan şossesi 83 ünvanda saxlanca qoyulan malları, təyin olunan saxlancın son tarixinədək başqa gömrük proseduru altında yerləşdirmək məqsədi ilə səlahiyyətli gömrük orqanına müvafiq gömrük bəyannaməsi təqdim etməli olduğu halda, saxlanc qaydalarını (müddətini) pozaraq həmin müddət ərzində bu yüklərin digər gömrük proseduru altında yerləşdirməsi barədə müraciət təqdim etməyərək, müddət keçdikdən sonra 05 may 2021-ci il tarixdə Bakı Baş Gömrük İdarəsinə malların son istifadə xüsusi gömrük prosedurunda yerləşdirmək məqsədi ilə **********1465 sorğu nömrəli gömrük bəyannaməsi təqdim edərək saxlancın müəyyən olunmuş tələblərinə və şərtlərinə riayət etməmişdir. Barəsində inzibati icraat aparılan hüquqi şəxs və səlahiyyətli orqan məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq, məhkəmə iclasında səlahiyyətli nümayəndələrinin iştirakını təmin etməmişlər, bunun səbəbləri barədə məhkəməyə məlumat verməmişlər. Məhkəmə Azərbaycan Respublikası İnzibati Xətalar Məcəlləsinin 64.3 və 112.1.4-cü maddələrinə əsasən barəsində inzibati icraat aparılan hüquqi şəxsin və səlahiyyəti orqanın nümayəndəsinin iştirakları olmadan işə baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: Bakı Baş Gömrük İdarəsinin rəisi Kənan Məmmədova ünvanlanmış 31 may 2021-ci il tarixli raportdan görünür ki, “Sahil” gömrük postundan daxil olmuş 34/026/012016 nömrəli 04.05.2021-ci il tarixli raportun icrası ilə əlaqədar bildiririk ki, Şəxs MMC tərəfindən **********3783 sorğu nömrəli GB ilə müvəqqəti saxlanc prosedurunda rəsmiləşdirilmiş yüklərin öhdəlik müddəti bitmiş, lakin yük sahibi tərəfindən bu yüklərin digər gömrük proseduru altında yerləşdirilməsi barədə heç bir müraciət daxil olmamışdır. Materiala əlavə edilmiş Gömrük Xidmətinin Vahid Avtomatlaşdırılmış idarəetmə sistemi informasiya resursundan çıxarışa əsasən **********3783 nömrəli 29.12.2020-ci il tarixli gömrük bəyannaməsi ilə müvəqqəti saxlanc prosedurunda yerləşdirilmiş mallara görə saxlancın son tarixi - 29 aprel 2021-ci il tarixədək müəyyən edilmişdir. Materiala əlavə edilmiş **********1465 sorğu nömrəli 05.05.2021-ci il tarixli Gömrük bəyannaməsi və onun * elektron çıxarışına əsasən “xxxx’ MMC tərəfindən əvvəllər **********83783 nömrəli Gömrük bəyannaməsi ilə bəyan edilən mallar 5 may 2021 -ci il tarixdə başqa (son istifadə xüsusi gömrük proseduru) gömrük proseduru altında yerləşdirilmişdir. Materiala əlavə edilmiş 16.05.2021-ci il tarixli aktdan görünür ki, “xxxx” MMC tərəfindən **********1465 nömrəli Gömrük bəyannaməsi ilə “son istifadə” xüsusi gömrük proseduru altında yerləşdirilmiş mallara baxış keçirildikdə heç bir uyğunsuzluq aşkar edilməmişdir. Araşdırma zamanı izahatı alınmış “Sahil” gömrük postunun əməkdaşı X1 izahatında göstərmişdir ki, 05 may 2021 -ci il tarixdə xidmətdə olduğu müddətdə “xxxx” MMC tərəfindən təqdim edilən 05.05.2021-ci il tarixli **********1465 sorğu nömrəli Gömrük bəyannaməsi üzrə yoxlama aparmaq ona tapşırılmışdır. Növbəti olaraq, Ramazan bayramı münasibətilə olan qeyri-iş günlərindən sonrakı ilk iş günü 16 may 2021 -ci il tarixdə həmin bəyannaməni yoxlamış, heç bir uyğunsuzluq olmadığına görə bəyananməni təsdiq edərək buraxılışa vermişdir. Bəyannaməni yoxlayarkən bu malların əvvəllər müvəqqəti saxlanc xüsusi gömrük prosedurunda olduğunu bilmişdir. Ancaq, müddətin ötürüldüyünə diqqət yetirməmiş və fakta görə Təhqiqat şöbəsinə müraciət edilməsindən xəbəri olmayıb. Yükün buraxılışını postun əməkdaşı-yük məmuru Şahin Əlizadə aparıb. Beləliklə aparılan araşdırma nəticəsində müəyyən edilmişdir ki, hüquqi şəxs Şəxs (VÖEN **********) 30 dekabr 2020-ci il tarixdə Bakı Baş Gömrük İdarəsində **********3783 sorğu nömrəli Gömrük bəyannaməsi ilə “müvəqqəti saxlanc” gömrük prosedurunda yerləşdirilmiş mallara görə saxlancın son tarixi - 29 aprel 2021 -ci il müəyyən edilməklə rəsmiləşdirilmə apararaq Bakı şəhəri Oaradağ rayonu ərazisində Səlyan şossesi 83 ünvanda saxlanca qoyulan malları, təyin olunan saxlancın son tarixinədək başqa gömrük proseduru altında yerləşdirmək məqsədi ilə səlahiyyətli gömrük orqanına müvafiq gömrük bəyannaməsi təqdim etməli olduğu halda, saxlanc qaydalarını (müddətini) pozaraq həmin müddət ərzində bu yüklərin digr gömrük prosedura altında yerləşdirmək barədə müraciət təqdim etməyərək, müddət keçdikdən sonra 5 may 2021-ci il tarixdə Bakı Baş Gömrük İdarəsinə malların son istifadə xüsusi gömrük prosdurunda yerləşdirmək məqsədi ilə **********1465 sorğu nömrəli gömrük bəyannaməsi təqdim edərək saxlancın müəyyən olunmuş tələblərinə və şərtlərinə riayət etməmişdir. 16.05.2021-ci il tarixli aktdan görünür ki, Türkiyədən 08AAT828/08AAT795 dövlət qeydiyyat nişanlı avtomaşınla daxil olmuş müvəqqəti saxlanc prosedura altında yerləşdirilmiş və son istifadə xüsusi gömrük prosedura altında **********1465 saylı gömrük bəyannaməsi ilə rəsmiləşdirilən yükə baxış keçirilmiş və heç bir uyğunsuzluq aşkar edilməmişdir. 01.06.2021-ci il tarixli, 00100-1021/21 nömrəli inzibati xəta haqqında protokoldan görünür ki, Şəxs nümayəndəsi X2 01.06.2021-ci il tarixli, 00100-1021/21 nömrəli inzibati xəta haqqında protokolun surətini həmin tarixdə almışdır. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 4-cü maddəsinə əsasən, bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 6.1-ci maddəsinə əsasən, inzibati xətalara görə inzibati tənbeh həmin Məcəlləyə uyğun olaraq tətbiq edilir; 9.1-ci maddəsinə əsasən, İnzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır; 12.1-ci maddəsində göstərilir ki, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 496.1-ci maddəsinə əsasən, malların saxlanca qoyulması və saxlanc qaydalarının (müddətlərinin) pozulmasına, o cümlədən gömrük və müvəqqəti saxlanc anbarlarında mallarla müxtəlif əməliyyatların aparılmasının müəyyən olunmuş tələblərinə və şərtlərinə riayət edilməməsinə görə, fiziki şəxslər əlli manatdan yüz manatadək məbləğdə, vəzifəli şəxslər yüz əlli manatdan iki yüz əlli manatadək məbləğdə, hüquqi şəxslər üç yüz manatdan beş yüz manatadək məbləğdə cərimə edilir. Azərbaycan Respublikası Nazirlər Kabinetinin “Malların saxlanc xüsusi gömrük proseduru altında yerləşdirilməsi Qaydaları”nın təsdiq edilməsi haqqında 27.08.2013-cü il tarixli, 229 saylı qərarının 3.3-cü maddəsinə əsasən “Mallar müvəqqəti saxlanc xüsusi gömrük proseduru altında qalma müddəti başa çatanadək, digər gömrük proseduru altında yerləşdirilmək üçün bəyan edilməli və ya gömrük anbarında yerləşdirilməlidir.” Məhkəmə inzibati material üzrə araşdırılan sübutların məcmusunu hərtərəfli, tam və obyektiv qiymətləndirərək hesab edir ki, Şəxs Məhdud Məsuliiyətli Cəmiyyəti tərəfindən Azərbaycan Respublikası İXM-nin 496.1-ci maddəsində nəzərdə tutulan inzibati xətanın törədilməsi araşdırılmış sübutlarla öz təsdiqini tapır. Belə ki, iş üzrə müəyyən olunmuşdur ki, Şəxs Məhdud Məsuliiyətli Cəmiyyəti tərəfindən **********3783 nömrəli 30.12.2020-ci il tarixli gömrük bəyannaməsi ilə müvəqqəti saxlanc xüsusi gömrük proseduru altında yerləşdirilmiş malların qanunla müəyyən edilmiş müddəti bitsə də, adı çəkilən şirkət tərəfindən qeyd olunan mallar rəsmiləşdirilməmiş və ya tərəflərindən digər gömrük proseduru altında yerləşdirilməsi barədə heç bir tədbir görülməmişdir. Beləliklə, məhkəmə törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək, hesab edir ki, Şəxs Azərbaycan Respublikası İnzibati Xətalar Məcəlləsinin 496.1-ci maddəsi ilə təqsirli bilinməli və barəsində həmin maddənin sanksiyası hədləri daxilində müəyyən məbləğdə cərimə növündə inzibati tənbeh tətbiq edilməlidir. Qeyd olunanlara əsasən, Azərbaycan Respublikasının İXM-nin 25, 40.0.1, 43, 48-51, 55, 114, 115,128-130 maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikasının İnzibati Xətalar Məcəlləsinin 496.1-ci maddəsi ilə nəzərdə tutulmuş inzibati xətanı törətməkdə təqsirli bilinsin və hüquqi şəxs qismində barəsində 500 (beş yüz) manat məbləğində cərimə növündə inzibati tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Hakim: İslam Həsənov