Bakı şəhəri Qaradağ Rayon Məhkəməsi Qərardad — İş №3(002)-87/2024

Azərbaycan Respublikası adından QƏRARDAD Bakı şəhəri İş № 3(002)-87/2024 16.01.2024 BAKI ŞƏHƏRİ QARADAĞ RAYON MƏHKƏMƏSİ Hakim Mürsəlov Rufan Kamil oğlu, Şəxs tərəfindən İnzibati Xətalar Məcəlləsinin 442-ci maddəsi ilə nəzərdə tutulmuş inzibati xətanın törədilməsi barədə Bakı şəhəri Qaradağ Rayon Polis İdarəsindən daxil olmuş inzibati xəta haqqında materialın baxılmağa hazırlanması zamanı materialı nəzərdən keçirərək, MÜƏYYƏN ETDİM: Məhkəmənin icraatına 15 yanvar 2024-cü il tarixdə Bakı şəhəri Qaradağ Rayon Polis İdarəsinin ictimai təhlükəsizlik şöbəsinin baş inspektoru, X1 tərəfindən Şəxs barəsində İXM-nin 442-ci maddəsi ilə tərtib olunmuş MN ******* nömrəli, 28 dekabr 2023-cü il tarixli inzibati xəta haqqında protokol və ona əlavə edilmiş sənədlər daxil olmuşdur. Daxil olmuş sənədlərdən aydın olur ki, Şəxs tərəfindən 28 dekabr 2023-cü il tarixdə Qaradağ rayonu, Lökbatan qəsəbəsi, “Sədərək” ticarət mərkəzində pirotexniki vasitələrin satışı ilə məşğul olması müəyyən edilmişdir. Məhkəmə inzibati xəta haqqında protokolu və ona əlavə edilmiş sənədləri nəzərdən keçirərək hesab edir ki, aşağıda göstərilənlərə əsasən protokol və ona əlavə edilmiş sənədlər natamam olduğundan onu göndərmiş orqana geri qaytarılmalıdır. Belə ki, qeyd olunan maddənin sanksiyasında inzibati xətanın bilavasitə obyekti olmuş malların müsadirəsi imperativ hal kimi nəzərdə tutulmuşdur. Lakin daxil olmuş inzibati materialda müsadirə edilməsi nəzərdə tutulmuş malların siyahısı, hal-hazırda harda saxlanılması və ümumiyyətlə belə bir malların mövcudluğu barədə heç bir sübut aşkar edilməmişdir. Şəxs aşkar edilməsi ehtimal olunan maddi sübutlar İnzibati Xətalar Məcəlləsinin tələblərinə uyğun götürülməli və sənədləşdirilməli idi. Yəni, Şəxs götürülməsi ehtimal olunan pirotexniki vasitələr maddi sübut kimi tanınmamış, nədən və hansı pirotexniki vasitələrdən ibarət olması sadalanmamış, onların fotoşəkli çəkilməmiş, inzibati xəta haqqında protokolda qeyd edilməmiş və işə əlavə edilməmişdir. Azərbaycan Respublikası İnzibati Xətalar Məcəlləsinin 77-ci maddəsinə əsasən inzibati xətanın törədilməsində alət və ya inzibati xətanın bilavasitə obyekti olmuş predmetlər, yaxud üzərində inzibati xətanın izlərini saxladığına görə inzibati xəta haqqında iş üzrə əhəmiyyət kəsb edən halların müəyyən edilməsinə kömək edən predmetlər maddi sübutlar hesab edilir. 77.2. Maddi sübutların fotoşəkilləri çəkilir və onlar inzibati xəta haqqında işə əlavə edilir. Maddi sübutlar inzibati xətalar haqqında protokolda qeyd edilir. 77.3. İcraatında inzibati xəta haqqında iş olan hakim, səlahiyyətli orqan (vəzifəli şəxs) iş üzrə icraat başa çatanadək maddi sübutların qorunub saxlanılmasının təmin edilməsi üçün tədbirlər görməli, inzibati xəta haqqında iş üzrə icraat başa çatdıqdan sonra maddi sübutlar haqqında qərar qəbul etməlidir. Bundan başqa MN seriyalı ******* nömrəli, 28 dekabr 2023-cü il tarixli inzibati xəta haqqında protokol tərtib edilərkən inzibati xətalar haqqında qanunvericiliyin tələblərinə də əməl edilməmişdir. Azərbaycan Respublikası İnzibati Xətalar Məcəlləsinin 100.1.1-ci maddəsində protokolun tərtib edildiyi tarix və yer; 100.1.2. protokolu tərtib etmiş şəxsin vəzifəsi, soyadı, adı, atasının adı; 100.1.3. barəsində inzibati xəta haqqında iş üzrə icraat aparılan şəxs haqqında məlumat; 100.1.4. inzibati xətanın törədildiyi yer, vaxt və bu xətanın mahiyyəti; 100.1.5. inzibati xətaya görə məsuliyyət nəzərdə tutan bu Məcəllənin müvafiq maddəsi; 100.1.6. olduğu halda, şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı; 100.1.7. barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları; 100.1.8. inzibati xətanın aşkar edilməsində xüsusi texniki vasitələrdən istifadə olunmuşdursa, onların göstəriciləri, habelə istifadə olunmuş xüsusi texniki vasitənin tipi, markası, modeli, yerləşdiyi yer, ölçmə vasitəsinin son dəfə müqayisəli dövlət yoxlamasından keçdiyi vaxt (bunu təsdiq edən sənədin nömrəsi, tarixi) və növbəti yoxlamanın keçirilməli olduğu vaxt barədə məlumatlar; 100.1.9. inzibati xətanın törədilməsi nəticəsində şəxsin sağlamlığına yüngül zərər vurulmuşdursa və ya maddi zərər yetirilmişdirsə, bu hallar barədə qeydlər; 100.1.10. inzibati xəta haqqında iş üzrə icraat üçün zəruri olan başqa məlumatlar göstərilməlidir. İXM-in 109.1 və 109.1.6-cı maddələrinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Göstərilənlərə əsasən və İXM-nin 109-cu maddəsini rəhbər tutaraq,məhkəmə QƏRARA ALDİM: Şəxs Azərbaycan Respublikası İnzibati Xətalar Məcəlləsinin 442-ci maddəsi ilə nəzərdə tutulan inzibati xətanı törətməsinə dair Bakı şəhəri Qaradağ RPİ-dən daxil olmuş inzibati material onu tərtib etmiş orqana geri qaytarılsın. Hakim: Rufan Mürsəlov