Bakı Şəhəri Xəzər Rayon Məhkəməsi Qərar — İş №3(003)-1057/2022

Azərbaycan Respublikası adından QƏRAR Bakı şəhəri İş № 3(003)-1057/2022 18.07.2022 BAKI ŞƏHƏRİ XƏZƏR RAYON MƏHKƏMƏSİ Hakim Hüseynli Hüseyn İnanc oğlunun sədrliyi, Namazov Fərəc Elman oğlunun katibliyi, Bakı şəhəri Xəzər rayon İcra Şöbəsinin icra məmuru X2, Barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs X3 iştirakları ilə, xx.xx.1968-ci il tarixdə Bakı şəhərində anadan olmuş, evli, Azərbaycan Respublikasının vətəndaşı, ünvan 1 ünvanında qeydiyyatda olan və yaşayan Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair Bakı şəhəri Xəzər rayon İcra Şöbəsindən daxil olmuş inzibati xəta haqqında işə açıq məhkəmə iclasında baxaraq, məhkəmə MÜƏYYƏNETDİ Bakı şəhəri Xəzər rayon İcra Şöbəsinin icra məmuru X4 tərəfindən Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş əməlin törədilməsi barədə 18 iyul 2022-ci il tarixli protokol tərtib edilərək Şəxs inzibati məsuliyyətə cəlb olunmasına baxılması üçün məhkəməyə təqdim edilmişdir. Məhkəmə iclasında inzibati xəta haqqında protokolu tərtib edən Bakı şəhəri Xəzər rayon İcra Şöbəsinin icra məmuru X4 izahat verərək bildirdi ki, Bakı şəhəri Xəzər rayon Məhkəməsinin 2(003)-1629/2018 saylı, 30 aprel 2018-ci il tarixli icra vərəqəsinə əsasən, Şəxs 1500 manat məbləğində pul vəsaiti və 30 manat ödənilmiş dövlət rüsumu tutularaq X3 xeyrinə ödənilməlidir. Bundan əlavə Bakı şəhəri 25 saylı Notariat Ofisinin 8i-1597 saylı, 08 sentyabr 2020-ci il tarixli icra qeydinə əsasən Şəxs 1487,10 manat məbləğində pul vəsaiti tutularaq "xxxx" ASC-nin xeyrinə ödənilməlidir. 24 may 2021-ci il tarixdə Bakı şəhəri Xəzər rayon Məhkəməsinin 2(003)-1629/2018 saylı, 30 aprel 2018-ci il icra vərəqəsi ilə Bakı şəhəri 25 saylı Notariat Ofisinin 8i-1597 saylı, 08 sentyabr 2020-ci il tarixli icra qeydinin bir icraatda birləşdirilməsi qərara alınmışdır. İcra vərəqələrinin icrasını təmin etmək məqsədilə borclu Şəxs tələbin könüllü icrası barədə bildiriş və inzibati məsuliyyətə cəlb olunacağı barədə xəbərdarlıqlar verilməsinə baxmayaraq o, borcunu ödəməkdən üzrsüz səbəbdən yayınmışdır. Şəxs icra vərəqələri üzrə icra məmurunun qanuni tələblərini yerinə yetirmir. R.X1 xeyrinə cəmi 200 manat ödəniş etmişdir. İcra sənədləri üzrə tərəfindən zəruri icra tədbirləri görülmüş, lakin Şəxs borcunu qanunda müəyyən edilmiş müddətdə ödəməkdən boyun qaçırmışdır. Borclunun əmlak vəziyyətini və adına əmanət və pul vəsaitlərinin olub-olmamağını yoxlamaq məqsədilə aidiyyəti qurumlara sorğular edilmişdir. Borclunun adına rəsmiləşdirilmiş daşınar və daşınmaz əmlak, həmçinin pul vəsaitləri aşkar edilməmişdir. Şəxs əməlində İnzibati Xətalar Məcəlləsinin 528.1-ci maddəsinin tərkib əlamətləri olduğuna görə onun haqqında inzibati xəta haqqında protokol tərtib olunaraq məhkəməyə təqdim edilmişdir. Qeyd edilənlərə əsasən Şəxs inzibati məsuliyyətə cəlb edilməsi məhkəmədən xahiş edilmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs məhkəməyə ərizə ilə müraciət edərək, Bakı şəhəri Xəzər rayon Məhkəməsinin 2(003)- 1629/2018 saylı, 30 aprel 2018-ci il tarixli icra vərəqəsi üzrə borcun hissə-hissə ödəniməsi ilə bağlı tələbkar X5 ilə aralarında razılıq əldə edildiyini qeyd etmiş və bu səbəbdən inzibati iş üzrə icraata xitam verilməsini məhkəmədən xahiş etmişdir. Barəsində inzibati xəta haqqında iş üzrə icraat aparılan şəxs həmçinin Bakı şəhəri 25 saylı Notariat Ofisinin 8i-1597 saylı, 08 sentyabr 2020-ci il tarixli icra qeydi üzrə tələbi tez bir zamanda hissə-hissə olmaqla ödəyəcəyini qeyd etmişdir. Məhkəmə iclasında iştirak edən zərərçəkmiş şəxs X5 məhkəməyə ərizə ilə müraciət edərək, barəsində inzibati xəta haqqında iş üzrə icraat aparılan şəxs Şəxs ilə Bakı şəhəri Xəzər rayon Məhkəməsinin 2(003)-1629/2018 saylı, 30 aprel 2018-ci il tarixli icra vərəqəsi üzrə borcun hissəhissə ödəniməsi ilə bağlı aralarında razılıq əldə edildiyini qeyd etmiş və bu səbəbdən inzibati iş üzrə icraata xitam verilməsini məhkəmədən xahiş etmişdir. Məhkəmə proses iştirakçılarını dinləyib, iş materiallarını araşdırıb hesab edir ki, inzibati xəta haqqında iş üzrə icraata xitam verilməlidir. İş materiallarına əlavə edilmiş Bakı şəhəri Xəzər rayon Məhkəməsinin 2(003)-1629/2018 saylı, 30 aprel 2018-ci il tarixli icra vərəqəsinin surətindən görünür ki, Şəxs 1500 manat məbləğində pul vəsaiti və 30 manat ödənilmiş dövlət rüsumu tutularaq X3 xeyrinə ödənilməlidir. İş materiallarına əlavə edilmiş Bakı şəhəri 25 saylı Notariat Ofisinin 8i-1597 saylı, 08 sentyabr 2020-ci il tarixli icra qeydinin surətindən görünür ki, Şəxs 1487,10 manat məbləğində pul vəsaiti tutularaq "xxxx" ASC-nin xeyrinə ödənilməlidir. İş materiallarına əlavə edilmiş 24 may 2021-ci il tarixli qərarın surətindən görünür ki, Bakı şəhəri Xəzər rayon Məhkəməsinin 2(003)-1629/2018 saylı, 30 aprel 2018-ci il icra vərəqəsi ilə Bakı şəhəri 25 saylı Notariat Ofisinin 8i-1597 saylı, 08 sentyabr 2020-ci il tarixli icra qeydi bir icraatda birləşdirilmişdir. İş materiallarına əlavə edilmiş barəsində inzibati xəta haqqında iş üzrə icraat aparılan şəxs Şəxs məhkəməyə təqdim etdiyi 18 iyul 2022-ci il tarixli ərizədən görünür ki, tərəflər arasında Bakı şəhəri Xəzər rayon Məhkəməsinin 2(003)-1629/2018 saylı, 30 aprel 2018-ci il tarixli icra sənədi üzrə borcun hissə-hissə ödənilməsi ilə bağlı razılıq əldə edilmiş və bu səbəbdən iş üzrə icraata xitam verilməsi xahiş edilmişdir. İş materiallarına əlavə edilmiş zərərçəkmiş şəxs X3 məhkəməyə təqdim etdiyi 18 iyul 2022-ci il tarixli ərizədən görünür ki, tərəflər arasında Bakı şəhəri Xəzər rayon Məhkəməsinin 2(003)- 1629/2018 saylı, 30 aprel 2018-ci il tarixli icra sənədi üzrə borcun hissə-hissə ödənilməsi ilə bağlı razılıq əldə edilmiş və bu səbəbdən iş üzrə icraata xitam verilməsi xahiş edilmişdir. Azərbaycan Respublikası Konstitusiyasının 12.1-ci maddəsinə əsasən “İnsan və vətəndaş hüquqlarının və azadlıqlarının, Azərbaycan Respublikasının vətəndaşlarına layiqli həyat səviyyəsinin təmin edilməsi dövlətin ali məqsədidir.” “İcra Haqqında” Azərbaycan Respublikası Qanununun 3.1-ci maddəsinə əsasən “Məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir.” Azərbaycan Respublikasının İnzibati Xətalar Məcəlləsinin 2-ci maddəsinə əsasən “Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir.” Azərbaycan Respublikasının İnzibati Xətalar Məcəlləsinin 12.1-ci maddəsinə əsasən “Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur.” Azərbaycan Respublikasının İnzibati Xətalar Məcəlləsinin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətlər etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi inzibati xəta tərkibi yaradır. Həmin Məcəllənin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 75-ci maddəsinə əsasən inzibati xətalar haqqında işlərin icraatı üzrə inzibati xəta hadisəsi (inzibati xəta törədilmişdirmi); inzibati xəta törətmiş şəxs; inzibati xəta törətməkdə şəxsin təqsiri; inzibati məsuliyyəti ağırlaşdıran və yüngülləşdirən hallar; inzibati xəta nəticəsində vurulan zərərin xarakteri və miqdarı; inzibati xətalar haqqında işlər üzrə icraatı rədd edən hallar; işin düzgün həlli üçün əhəmiyyətli olan digər hallar, habelə inzibati xətanın törədilməsinə kömək edən səbəblər və şərait müəyyən edilməlidir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair” xx.xx.2018-ci il tarixli qərarında göstərildiyi kimi icra məmurları müxtəlif qanuni vasitələrlə məhkəmə aktlarının icrasının təmin edilməsi üçün şərait yaratmalı və ya yalnız bütün imkanlar tükəndikdən sonra təsir tədbirlərindən istifadə etməlidirlər. Hüquqtətbiqedici işin faktiki hallarını hərtərəfli araşdırmalı, bundan əvvəl onun barəsində bu əmələ görə inzibati tənbeh tətbiq edilibedilməməsini, inzibati tənbehin məqsədlərinə nail olunub-olunmamasını, əməlin məhz qərəzli olaraq törədilib-törədilməməsini və digər mühüm halları araşdırmalıdır. Məhkəmə qeyd edir ki, qanunvericiliyin tələblərinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati xəta tərkibi yaradır. Lakin işin hallarından göründüyü kimi, Bakı şəhəri Xəzər rayon Məhkəməsinin 2(003)-1629/2018 saylı, 30 aprel 2018-ci il icra vərəqəsi üzrə barəsində inzibati xəta haqqında iş üzrə icraat aparılan şəxs (borclu) ilə zərərçəkmiş şəxs (tələbkar) arasında icra sənədi üzrə borcun ödənilməsi ilə bağlı razılıq əldə edimiş və tərəflər iş üzrə icraata xitam verilməsi ilə bağlı ərizə ilə məhkəməyə müraciət etmişdirlər. Məhkəmə Bakı şəhəri 25 saylı Notariat Ofisinin 8i-1597 saylı, 08 sentyabr 2020-ci il tarixli icra qeydi üzrə tələbin icra edilməməsinə dair hissədə isə qeyd edir ki, “İcra Haqqında” Qanunun 43.1.2-ci maddəsində tələbin borclunun əmək haqqına, pensiyasına, təqaüdünə və sair gəlirlərinə yönəldilməsi məcburi icra təbdiri kimi göstərilmişdir. Lakin borclunun mülkiyyətində olan daşınar və daşınmaz əmlakların müəyyən edilməsi ilə bağlı aidiyyəti təşkilatlara sorğular verilsə də borclunun adına hər hansı bir bank hesabının (pul vəsaitinin) olması istiqamətində verilmiş sorğulara tam şəkildə cavab alınmamışdır. Bu isə icra məmuru tərəfindən borclunun əmlak vəziyyəti tam yoxlanılmadan onun barəsində inzibati protokol tərtib edilərək baxılması üçün məhkəməyə təqdim edildiyi anlamına gəlir. Bu səbəbdən məhkəmə hesab edir ki, icra məmuru tərəfindən icra hərəkətlərinin ardıcıllığı prinsipi pozulmuşdur. Məhkəmə araşdırılan sübutları qiymətləndirərək hesab edir ki icra sənədinin borclu tərəfindən üzrsüz səbəbdən icra edilməməsi öz təsdiqini tapmadığından, yəni inzibati xəta tərkibi olmadığından Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair iş üzrə icraata xitam verilməlidir. Şərh olunanlara əsasən və Azərbaycan Respublikasının İnzibati Xətalar Məcəlləsinin 40, 43, 114, 11492, 117, 128-130-cu maddələrini rəhbər tutaraq, məhkəmə Q Ə R A RA A L D İ Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törətməsinə dair iş üzrə icraata inzibati xəta tərkibi olmadığından xitam verilsin. Qərarın surəti rəsmi qaydada verildiyi vaxtdan 10 (on) gün müddətində Xəzər Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən Hüseyn Hüseynli