Bakı Şəhəri Xəzər Rayon Məhkəməsi Qərar — İş №3(003)-1130/2023

Azərbaycan Respublikası adından QƏRAR Bakı şəhəri İş № 3(003)-1130/2023 31.05.2023 BAKI ŞƏHƏRİ XƏZƏR RAYON MƏHKƏMƏSİ Hakim Tağıyev Zaur Müzəffər oğlunun sədrliyi, Eyvazlı Məhəmməd Asəf oğlunun katibliyi, X1 Mülkişah oğlunun iştirakı ilə, Bakı şəhəri Xəzər rayon Polis İdarəsi 14 mart 2023-cü il tarixli, MN ******* saylı X2 haqqında qərarından Soltanov Elçin Mülkişah oğlu tərəfindən verilmiş şikayət ərizəsinə açıq məhkəmə iclasında baxaraq, məhkəmə MÜƏYYƏN ETDİ Soltanov Elçin Mülkişah oğlu şikayət ərizəsi ilə məhkəməyə müraciət edərək, barəsində Bakı şəhəri Xəzər rayon Polis İdarəsi tərəfindən qəbul edilmiş 14 mart 2023-cüi il tarixli, MN ******* saylı X2 haqqında qərarın ləğv edilməsini və iş üzrə icraata xitam verilməsini xahiş etmişdir. Şikayətçi öz şikayətini onunla əsaslandırmışdır ki, “Azneft” İstehsalat Birliyi “Abşeronneft” “NQÇİ-nin rəhbərliyinin CAR-ın Nəqliyyat İdarəsinin 2 saylı Texnoloji Nəqliyyat Departamentinə ünvanladığı xx.xx.2023-cü il tarixili məktubuna əsasən 01xx.xx.2023-cü il tarixinədək (şənbə, bazar və bayram günləri daxil olmaqla) 6(altı) ədəd iri tutumlu özüboşaldan yük maşını sifarış etmiş və ona təhkim olunmuş avtomaşınla həmin sifarişçinin “Abşeronneft” NQÇİ-nin nümayəndəsinin icraçılığı və təşkilatçılığıyla işə başlamışdır. Nəqliyyaf, xüsusi və texnoloji nəqliyyat vasitələr ilə təmin edilmə xidmətinin göstərilməsi barədə Nəqliyyat İdarəsi ilə “Azneft” İstehsalat Birliyi arasında xx.xx.2023-cü il tarixli 14-2-18/3-xx-xx/2023 nömrəli müqaviləyə əsasən bu xidməti yerinə yetirməyə cəlb edilmişdir.xx.xx.2023-cü il tarixində yük maşınıma gündüz vaxtı yola çıxmasına qadağa olduğu üçün gecə saatlarında sifarişə əsasən neftlə çirklənmiş sahələri və tələləri örtülməsi üçün Pirallahi adasının bir neçə kilometrliyində yerləşən Zirə Türkan qəsəbələrindəki uzun illər istismar edilmiş və istismarını başa vurmuş mineral xammal yataqlarında formalaşmış tullantıları, daş qırıntılarını və daş tozlarını daşıyarkən Xəzər Poliş İdarəsinin PPX əməkdaşları tərəfindən saxlanılmışdır. Daşınan yükun müvafiq sənədi istənilmiş, onun isə yol vərəqəsindən başqa sənədi olmamışdır. İdarə etdiyi nəqliyyat vasitəsinin yükü boşaldılmış, avtomaşınım isə 3(üç) gün DYPŞ-nin dayanacaqında saxlanılmış, onu isə Xəzər RPİ-nə aparmışdırlar. xx.xx.2023-cü il tarixində Xəzər RPİ-nin əməkdaşı tərəfindən Azərbaycan Respublikası İXM-nin 243.0.1-ci maddəsinə əsasən 1500 (bir min beş yüz ) manat cərimə olunmuşdur. Ona qarşı edilmiş ədalətsizliyə etiraz edir. O, öz peşə borcunu yerinə yetirmiş, müqavilə əsasında verilən sifarişlə və “Abşeronneft” NQÇİ-nin nümayəndəsinin göstərişinə uyğun işləmişəm. İdarələrarası müqavilə əsas sənəd olduğunu mənə bildiriblər. Heç vaxt hər hansı iş görəndə əlavə heç bir sənəd ondan istəməyiblər. Əgər bu iş hər hansı inzibati məsuliyyət yaradırsa buna cavabdeh olan vəzifəli və hüquqi şəxslər var. O, öz başına hər hansı yükü daşımamışdır. İXM-nin 243.0.1-ci maddəsi isə tam əsassız və qərəzlidir. Bu faktla obyektiv araşdırma aparılmamış, boşaldılmış həmin yükün nədən ibarət olduğunu da göstərə bilər, orada həmin İXM-nin 243.0.1-cimaddəsinin tələblərinin pozulması faktı həqiqəti əks etdirmir və heç bir əsası yoxdur. Bu vəziyyətdən sui istifadə edənləri açıq aydın görür. İşi ağır, ailəsini isə çətiliklə dolandırır. Bu cərimə iki aylıq əmək haqqısıdır. O, Xəzər RPİ-nin ədalətsiz hərəkətlərindən xx.xx.2023-cü il tarixində Daxili İşlər Nazirliyinə şikayət ərizəsi yazaraq bunun araşdırılmasını, qeyd olunan protokolun ləğv edilməsini xahiş etmiş, lakin bu günə kimi hər hansı cavab almamışdır. 14 mart 2023-cü il tarixli, MN ******* saylı X2 Haqqında Qərarı ləğv olunmaqla inzibati xəta haqqında iş üzrə icraata xitam verilməsi barədə qərar qəbul edilməsini xahiş edir. Məhkəmə iclasında iştirak edən X1 Mülkişah oğlu şikayəti müdafiə edərək Bakı şəhəri Xəzər rayon Polis İdarəsi tərəfindən onun barəsində tərtib edilmiş X2 haqqında 14 mart 2023-cü il tarixli, MN ******* nömrəli qərarın ləğv edilməsi və inzibati xəta haqqında işin icraatına xitam verilməsi barədə qərar çıxarılmasını xahiş etdi. Bakı şəhəri Xəzər rayon Polis İdarəsinin nümayəndəsi məhkəmə iclasına gəlməmişdir. Məhkəmə, Bakı şəhəri Xəzər rayon Polis İdarəsinin nümayəndəsinin iştirakı olmadan məhkəmə iclasının keçirilməsini mümkün hesab etmişdir. Məhkəmə proses iştirakçılarını dinləyib, iş materiallarını araşdıraraq hesab edir ki, aşağıdakılara əsasən şikayət təmin edilməlidir. Belə ki, iş materiallarına əlavə olunmuş Bakı şəhəri Xəzər rayon Polis İdarəsi tərəfindən qəbul edilmiş 14 mart 2023-cüi il tarixli, MN ******* saylı X2 haqqında qərardan görünür ki, Soltanov Elçin Mülkişah oğlu Azərbaycan Respublikası İnzibati Xətalar Məcəlləsinin 243.0.1-ci maddəsi ilə təqsirli bilinərək 1500 manat məbləğində cərimə olunmuşdur. İşdən görünür ki, SOCAR Nəqliyyat İdarəsi tərəfindən Sultanov Elçinə xx.xx.2023cü il -xx.xx.2023-cü il tarxlərə saat 22:00 dan 07:00-dək yol vərəqəsindən görünür ki, Azneft İB üçün toprğın daşınmasını həyata keçirmişdir. Azərbaycan Respublikası Konstitusiyasının 12.1-ci maddəsinə əsasən “İnsan və vətəndaş hüquqlarının və azadlıqlarının, Azərbaycan Respublikasının vətəndaşlarına layiqli həyat səviyyəsinin təmin edilməsi dövlətin ali məqsədidir.” Azərbaycan Respublikası Konstitusiyasının 80-ci maddəsinə əsasən “Konstitusiyanın və qanunların pozulması, o cümlədən Konstitusiyada və qanunlarda nəzərdə tutulan hüquqlardan sui-istifadə və ya vəzifələrin yerinə yetirilməməsi qanunla müəyyən edilən məsuliyyətə səbəb olur.” Hüquq normaları ictimai münasibətlərdən irəli gələn hüquq münasibətlərinin tənzimlənməsinin əsasını təşkil edir. Belə münasibətlərin reallaşdırılmasının özülü kimi qiymətləndirilən hüquq normaları özundə dövlətin iradəsini əks etdirir və hüquq subyektlərinin qarşılıqlı hüquq və vəzifələrini müəyyənləşdirir. Qeyd edilməlidir ki, fərdin hüquq normalarında nəzərdə tutulan tələb və göstərişlərə zidd davranışı ictimai zəruri və faydalı hesab edilməyən hərəkəti kimi hüquq pozuntusu olmaqla cəmiyyət və dövlət qarşısında muvafiq məsuliyyətin yaranması ilə nəticələnir. İnzibati məsuliyyətin yaranmasının əsasını həmin Məcəllənin xüsusi hissəsindəki inzibati məsuliyyəti və onun tətbiqini müəyyənləşdirən maddi hüquq normaları təşkil edir. Qeyd edilməlidir ki, maddihüquq normalarının reallaşdırılması ilə bağlı inzibati prossesual fəaliyyətin tənzimlənməsi də İXM-ə xas olan xarakterik xüsusiyyətlərdən biridir. Bu baxımdan həmin Məcəllənin funksional fəalliyyətinin təmini üçün onun həm maddi, həm də prossesual (formal) normaları arasında sistemli hüquqi vəhdətin, məntiqliyin, aydınlığın mövcud olması mühüm əhəmiyyət kəsb edir. Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 53.8-ci maddəsinin Azərbaycan Respublikasının Konstitusiyasına uyğunluğunun yoxlanılmasına dair” xx.xx.2010-cu il tarixli qərarında göstərilmişdir ki, “Hüquqi müəyyənliyə dair tələblər hüququn üstünlüyü, normativ-hüquqi aktların hüquqa və haqq-ədalətə əsaslanmasına dair konstitusiya prinsiplərindən irəli gəlir. Konstitusiya Məhkəməsinin hüquqi müəyyənlik prinsipinin mahiyyəti və əhəmiyyəti barədə formalaşdırdığı hüquqi mövqeyinə görə hüquqi müəyyənlik prinsipi hüququn aliliyinin əsas aspektlərindən biri kimi çıxış edir. Hər bir qanunun və ya onun hər hansı bir müddəasının hüquqi müəyyənlik prinsipinə cavab verməsi olduqca vacibdir. Konstitusiya Məhkəməsinin Plenumu bir daha vurğulayır ki, qanunverici orqan tərəfindən hər hansı bir inzibati xətaya görə inzibati tənbeh növü müəyyən edilərkən Konstitusiyada öz əksini tapan qanunun aliliyinin tərkib hissəsi olan mütənasiblik və tarazlıq prinsipləri də nəzərə alınmalıdır.” Azərbaycan Respublikası İXM-nin 2-ci maddəsinə əsasən “Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir.” Həmin Məcəllənin 3-cü maddəsinə əsasən “Yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur.” Məhkəmə iclasında müəyyən edilmişdir ki, Soltanov Elçin Mülkişah oğlu Bakı şəhəri Xəzər rayon Polis İdarəsinin 14 mart 2023-cü il tarixli, MN ******* saylı X2 haqqında qərarı ilə İnzibati Xətalar Məcəlləsinin 243.0.1-ci maddəsi ilə təqsirli bilinərək 1500 manat məbləğində cərimə edilmişdir. Azərbaycan Respublikası İXM-nin 243.0.1-ci maddəsinə əsasən yerin təkindən istifadə ilə əlaqədar işlərin təhlükəsiz aparılması, yer təkinin və ətraf mühitin mühafizəsi üzrə standartların (normaların, qaydaların) tələblərinin pozulmasına görə - fiziki şəxslər min beş yüz manatdan iki min manatadək məbləğdə, vəzifəli şəxslər üç min manatdan beş min manatadək məbləğdə, hüquqi şəxslər on beş min manatdan iyirmi min manatadək məbləğdə cərimə edilir. “Yerin təki haqqında” Qanunun 46-cı maddəsinə əsasən bu Qanunun pozulmasına görə hüquqi və fiziki şəxslər aşağıdakı hallarda məsuliyyət daşıyırlar: -yerin təkindən istifadənin qanunvericiliklə müəyyən olunmuş qaydaları pozularsa; -yerin təkindən özbaşına istifadə edilərsə; -yerin təkindən istifadə ilə əlaqədar işlərin təhlükəsiz aparılması, yer təkinin və ətraf mühitin mühafizəsi üzrə standartların (normaların, qaydaların) tələbləri pozularsa; -yer təkinin çirklənməsinə və faydalı qazıntı yatağının istismar üçün yararsız hala düşməsinə yol verilərsə; -geoloji və digər məlumatlara mülkiyyət hüququ və bu məlumatların məxfiliyi pozularsa; -faydalı qazıntı yayılan sahələrdə özbaşına tikinti işləri aparılarsa; -yerin təkindən istifadə edilərkən bina və qurğuların, eləcə də xüsusi mühafizə olunan ərazilərin və ətraf mühit obyektlərinin toxunulmazlığı təmin edilməzsə; -yeraltı suların müşahidə quyuları, markşeyder və geodeziya nişanları məhv edilərsə və zədələnərsə; -yerin təkindən istifadə edərkən ödəmə qaydaları müntəzəm olaraq pozularsa; -ləğv edilən və konservasiya olunan dağ-qazmalarının və buruq quyularının əhalinin və ətraf mühitin təhlükəsizliyini təmin edən vəziyyətə gətirilməsi, habelə konservasiya müddəti ərzində faydalı qazıntı yataqlarının, dağ-qazmaların və buruq quyularının qorunması tələblərinə əməl edilməzsə; -yerin təkindən istifadə edilərkən yararsız hala salınmış torpaq sahələri və digər təbiət obyektləri onların gələcək istifadəsi üçün yararlı vəziyyətə gətirilməzsə; -yerin təkindən istifadə zamanı elm və mədəniyyət üçün maraq doğuran obyektlər aşkar edilərkən həmin sahədə işlər dayandırılmazsa və müvafiq icra hakimiyyəti orqanının müəyyən etdiyi orqana (quruma) məlumat verilməzsə. Göründüyü kimi şikayətçiyə istinad edilən xəta özündə yerin təkinin çirklənməsinə və faydalı qazıntı yatağının istismar üçün yararsız hala düşməsinə yol verilməsini ehtiva edir. Şikayətçi məhkəmə iclasında verdiyi izahatında onun tərəfindən İnzibati Xətalar Məcəlləsinin 243.0.1-ci maddəsində nəzədə tutulmuş inzibati xətanın törədilmədiyini qeyd etmişdir. Belə ki, müəyyən olundu ki, Sultanov Elçin xx.xx.2023-cü il -xx.xx.2023-cü il tarxlərə saat 22:00 dan 07:00-dək yol vərəqəsi əsasında Azneft İB üçün toprğın daşınmasını həyata keçirmişdir. Onun yer təkinin istismarı və ya istifadəsi ilə məşğul olması sübut olunmamışdır. Məhkəmə hesab edir ki, Soltanov Elçin Mülkişah oğlunun təqsiri İXM-də nəzərdə tutulmuş qaydada sübuta yetirilməmiş, onun təqsirli olması inzibati xəta haqqında iş üzrə icraata baxmış məhkəmə tərəfindən müəyyən edilməmişdir. Beləliklə, barəsində inzibati xəta haqqında iş üzrə icraat aparılan şəxs Soltanov Elçin Mülkişah oğlu tərəfindən Azərbaycan Respublikası İXM-nin 243.0.1-ci maddəsində nəzərdə tutulan inzibati xəta hadisəsinin törədilməsi istisna edilir və sonuncu tərəfindən Azərbaycan Respublikası İXM-nin 243.0.1-ci maddəsində nəzərdə tutulmuş inzibati xəta hadisəsini yaradan hərəkətlərə yol verilməsi obyektiv sübutların məcmusu ilə öz təsdiqini tapmır. Azərbaycan Respublikasının İnzibati Xətalar Məcəlləsinin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 128.2.3-cü maddəsinə əsasən səlahiyyətli orqanın (vəzifəli şəxsin) qərarından-yuxarı səlahiyyətli orqana (vəzifəli şəxsə) və ya məhkəməyə inzibati xətalar haqqında işlər üzrə qərardan şikayət və ya protest verilir. Həmin Məcəllənin 129.1.3-cü maddəsinin tələbinə əsasən səlahiyyətli orqanın (vəzifəli şəxsin) qərarından məhkəməyə verilən şikayət şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə şikayət verilir. Azərbaycan Respublikasının İnzibati Xətalar Məcəlləsinin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İXM-nin 38, 40, 43, 53,114-115, 157-ci maddələrini rəhbər tutaraq, məhkəmə QƏRARA ALDİ Şikayət təmin edilsin. Bakı şəhəri Xəzər rayon Polis İdarəsinin 14 mart 2023-cüi il tarixli, MN ******* saylı tənbeh vermə haqqında qərarı ləğv edilsin və inzibati xəta haqqında iş üzrə icraata xitam verilsin. Qərardan 10 (on) gün muddətinə Bakı şəhəri Xəzər Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və və protesti verilə bilər. Sədrlik edən Zaur Tağıyev